San Juan 14:23 - Zoque Copainalá New Testament

²³ Aŋdzoŋu Jesús: Iwʌ'sʌj sunba, quiojamjapya ʌs ndzame. Y ʌs Ndata's maŋba šunu, y ŋgʌ'minbatʌs ñe'cʌ y minbatʌj ijtu ñe' choco'yojmo.

San Juan 14:23 ပူးပေါင်းရင်းမြစ်များ

San Juan 10:30

Ʌj Ndataji'ŋ tu'mbacpʌtʌjyʌ'.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 14:17

Te'wʌte' te' Espíritu Santo, wiyuŋdzambapʌ. Iwʌ'sʌj ja'n wʌ'aŋjame ʌj ja'n maŋu pyʌjcʌchoŋu te' Espíritu porque ja'n quiene ni ja'n ispʌqui. Pero mis ispʌctambamis porque miji'ŋda'm ijtu, y itwa'a mista'm ndzoco'yojmo.

San Juan 14:21

Iwʌ's ñʌctʌ'yjapya ʌs aŋgui'mguytya'm y quiojamba, te'wʌ'sʌjte' sunba. Y iwʌ'sʌj sunba ʌj, maŋba šunu ʌs Ndata's, y ʌs maŋba'ʌs sunu, y maŋba'ʌs nyajquenu nwin.

San Juan 14:24

Iwʌ'sʌj ja'n suni, ja'n quiojamjay ʌs ndzameta'm. Y te' tzame matoŋdamupa'mis ja'nde' ʌsne' ŋgo'quips ndzame, sino que ʌs Ndata'sñe' te' cʌ'wejupʌ'sʌj.

San Juan 15:10

Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 16:27

Ja'nʌs ojquita'e porque šundambamij ʌs Ndata's, porque mista'm sundamumisʌj ʌj, y nwʌ'aŋjamdamumis que Diosaŋʌcʌjyʌ' tzu'cumu.

San Juan 6:56

Iwʌ's quiʌ'sjapya ʌs sis y tyo'ŋjapya ʌs nʌ'pin, ʌs ndzoco'yojmo itjojcʌtʌcpa y ʌj ñe' choco'yojmo itpa.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

San Juan 8:52

Pijche'ca ñʌjayaju judio's: Yʌytyʌs ŋgʌnʌctʌ'pya que ñʌc'ijtʌyumij yatzi-espiritu's. Con que Abrahán ca'u, y ca'yajque'tu tza'maŋwa'oyajpapʌ, y mij ñʌmbamij: Iwʌ's quiojamjapya ʌs ndzame ja'n maŋu quia'u mumu jamacotoya.

2 Corintios 6:16

¿Tiya' ijtu Diojsis tyʌjquis te' comichʌquiji'ŋda'm? Porque tʌta'mde' te' quenbapʌ Diojsis tyʌc ijtumʌy ñe'cʌ. Yʌ'šej nʌmu Dios: Maŋba'ʌj ijtu ñe'ta'm choco'yojmo, Y maŋba'ʌj nwijtu ñe'co'mota'm, Y ʌjte' te' ñe'ta'm Dios, Y ñe'cʌta'mde' ʌs mbʌnda'm.

Efesios 3:17

Y nwa'que'tpa'ʌs Dioscʌsi wa'y itjojcʌtʌjcu te' Cristo mumu jama mista'm ndzoco'yojmo porque nwʌ'aŋjamdambamis ñe'cʌ. Y nwa'que'tpa'ʌs wa'y paquic itjojcʌtʌjcu Cristo's šu'noquiuy mi'ojmota'm.

1 Juan 2:24

Tiyʌmis matoŋdamu nwyʌ'aŋja'moytyamu'cmij, te'šej wʌ'aŋjamjojcʌtʌctamʌ. Juca nwʌ'aŋjamjojcʌtʌctambamis tiyʌmis matoŋdamu nwyʌ'aŋja'moytyamu'cmij, choco'yojmomij maŋba ñʌ'itjojcʌtʌctamu Diojsis, y te'šejtijque' 'Yune's.

1 Juan 2:5

Pero iwʌ's quiojamjapya te' Diojsis chame, yʌ'šejpʌ pʌ'nis choco'yojmo Diojsis quiotwa'a wiyuŋšejpʌ y cota'nupʌ su'noquiuy. Yʌ'šejtʌ mustamba que Diojsis choco'yojmotʌ ittamu.

1 Juan 4:4

Tʌwʌy, Diojsismijyʌ' ñe'ta'm y te'cotoya nwʌytyamwa'mis yʌ' sujchajpapʌ. Porque te' Dios, te' ijtupʌ mista'm ndzoco'yojmo, maste' pʌmi'ʌyupʌ que ja'nde' yatziwʌ, aŋgui'mbapʌ najsacopajcʌsi.

1 Juan 5:3

Porque juca sundambatʌ Dios, ŋgojamjapyatʌ te' ñe' 'yaŋgui'mguy. Y te' 'yaŋgui'mgu'yis ja'ndʌ yajtoyapʌqui.

2 Juan 1:6

Y našunʌtʌjtamba'ctʌ nʌtʌ nwijtu aŋgui'mdambašejtʌ Diojsis. Ñe'cʌ'stʌ aŋgui'mdamu wa'ytyʌ našunjojcʌtʌctamu, mustambaše'amis desde cho'tzcu'yojmo.

El Apocalipsis 21:22

Y tey jaŋguiena'ʌs templo porque tʌ Ngomi Dios, muspapʌ's chʌjcu mumutiyʌ, y te' Ñchowambe Jesucristo, ñe'cʌta'mde' te' templo.

El Apocalipsis 21:3

Y tzajpojmoc matoŋu'ʌs maya'aŋbʌ otowe nʌ ñʌmupʌ: Yʌ' jomepʌ Jerusale'ŋojmo maŋba tyumʌ'ijtu Dios pʌnji'ŋda'm wa'y tyumʌ'itjojcʌtʌjcu mumu jama ñe'cʌji'ŋda'm. Y tey maŋba quioqueñaju y quiopʌ'quiaju porque ñe'cʌ te' ñe'ta'm Dios y te' pʌnda'm ñe' quiumguy.

El Apocalipsis 22:3

Y tey ja'na maŋu itque'tumaj maldicio'nʌyupʌ tiyʌ, porque pijche'c Diojsis y te' ñe' Ñchowambe'stya'a maŋba ñʌcpocsʌyaju te' aŋgui'mʌtʌjcuy-pyocscuy y te' quiʌna'tzʌyajpapʌ's maŋba yosjayaju.