San Juan 14:21 - Zoque Copainalá New Testament

²¹ Iwʌ's ñʌctʌ'yjapya ʌs aŋgui'mguytya'm y quiojamba, te'wʌ'sʌjte' sunba. Y iwʌ'sʌj sunba ʌj, maŋba šunu ʌs Ndata's, y ʌs maŋba'ʌs sunu, y maŋba'ʌs nyajquenu nwin.

San Juan 14:21 ပူးပေါင်းရင်းမြစ်များ

San Lucas 11:28

Y Jesujsis ñʌjayu: Más dichosota'm iwʌ's myatoŋjayajpa Diojsis chame y quiojamjayajpa.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 14:18

Ja'ʌsmij yaŋbacšej maŋu ndzactamu. Maŋba'ʌsmij ŋgʌ'mindaŋgue'tu.

San Juan 15:14

Mijta'm ʌsmijyʌ' amigota'm juca ndzʌctambamis tiyʌta'mʌsmij aŋgui'mdamba.

San Juan 16:14

Ñe'cʌ's maŋba yajqueju que mʌja'ŋbʌ pʌ'nʌj, porque te' ʌs ndzamyajupʌ tiyʌ, te'wʌ maŋba chamu ñe'cʌ's wa'mij nyajmustamu.

San Juan 16:27

Ja'nʌs ojquita'e porque šundambamij ʌs Ndata's, porque mista'm sundamumisʌj ʌj, y nwʌ'aŋjamdamumis que Diosaŋʌcʌjyʌ' tzu'cumu.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

Hechos 22:18

Y ŋguenu'ʌs ñe'cʌ nʌ'cʌj nʌjayu: Je'csa, y jʌnʌc tzu'cumʌ yʌ' Jerusale'ŋojmo, porque ja'n maŋu wyʌ'aŋjamyaju ŋgotzambašejmisʌj.

2 Corintios 12:8

Te'wʌcotoya tuca'y ñaca'mʌs nwa'cjayu tʌ Ngomi wa'y yajʌcʌ'jayu.

2 Corintios 3:18

Te'cotoya jʌcʌ'pʌ'u'ca te' windoc, ŋguenjaytyambatʌ tʌ Ngomi's chi'muŋgʌ'. Y ñe'cʌ'stʌ cacpʌ'pa wa'ytyʌ nʌ'itjayu ñe' chocoy y itcuy, hasta que yajcota'nbatʌ te' ñe' chi'muŋgʌ'ojmo. Tʌ Ngomi'ste' 'Yespiritu's chʌcpa yʌ'šej.

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

2 Tesalonicenses 2:16

Tʌ Ngomi Jesucristo's y tʌ Ndata Diojsis sunutʌj y tzamdzocopyaquiajutʌj wa'ytyʌ ndumʌtzocoy njo'cu mumu jama, y paquitzi'utʌj ñe' yajya'moquiupyit.

2 Timoteo 4:22

Tʌ Ngomi's yajpaquitzi'ja mis ndzocoy. Diojsismij yajtzi'ʌ yajya'moquiuy y mumu miji'ŋ ijtyajupʌ. Amén.

1 Juan 2:5

Pero iwʌ's quiojamjapya te' Diojsis chame, yʌ'šejpʌ pʌ'nis choco'yojmo Diojsis quiotwa'a wiyuŋšejpʌ y cota'nupʌ su'noquiuy. Yʌ'šejtʌ mustamba que Diojsis choco'yojmotʌ ittamu.

1 Juan 3:1

Coquendamʌ cuenta jutztʌ aŋba'te sundamba tʌ Ndata Diojsis wa'y ñʌmu: Yʌtij ʌsamijyʌ' uneta'm. Te'cotoya te' ja'n wyʌ'aŋjamyapyʌ's ñe'cʌ ja'ndʌ ispʌquiay tʌta'm, porque ja'n ispʌquiay ñe'cʌ.

1 Juan 5:3

Porque juca sundambatʌ Dios, ŋgojamjapyatʌ te' ñe' 'yaŋgui'mguy. Y te' 'yaŋgui'mgu'yis ja'ndʌ yajtoyapʌqui.

2 Juan 1:6

Y našunʌtʌjtamba'ctʌ nʌtʌ nwijtu aŋgui'mdambašejtʌ Diojsis. Ñe'cʌ'stʌ aŋgui'mdamu wa'ytyʌ našunjojcʌtʌctamu, mustambaše'amis desde cho'tzcu'yojmo.

El Apocalipsis 2:17

Iwʌ's ijtyaju quiowi wa'y myatoŋyaju, yajcʌmato'ŋʌya te' Espíritu Santo's 'yoto'ŋʌyajpašej te' Diojsis tyu'mʌquiuytya'm. Iwʌ's ñʌwʌ'ajpa, maŋba'ʌs ndzi'u wa'y quiu'tu te' ja'nmaj quieyepʌ maná y maŋba'ʌs ndzi'u tumʌ popopʌ nama tza', y te' nama tza'cʌsi ja'yʌyumʌy jomepʌ nʌy. Y te'wʌ ya'iwʌ's ja'n maŋu ispʌjcu sino que te' pyʌjcʌchoŋbapʌ's.

El Apocalipsis 22:14

Dichoso te' cotze'yajupʌ quiowapit Ñchowambe's ñʌ'pi'nojmo, porque te'ta'mbʌ Diojsis maŋba chi'yaju lugar wa'y tyʌjcʌyaju te' masanbʌ cumgu'yojmo, wa'y wojnayu'c pya'tyaju te' tʌjcʌquiuy wa'y maŋu quiu'tyaju te' iscuy-quenguquiotoya yospapʌ cu'yis tyʌm.

El Apocalipsis 3:20

Yʌtij puertaše'ʌs nʌ ŋgocsu mumu tzocoy wa'yʌj ndʌjcʌyu. Iwʌ'sʌj cʌmato'ŋʌpya y ya'aŋwajpa chocoy wa'yʌj ndʌjcʌyu, maŋba'ʌj ŋgomipʌjcu ñe'cʌji'ŋ.