San Juan 14:20 - Zoque Copainalá New Testament

²⁰ Ʌ' jamo'oyj maŋbamis nʌctʌ'ytyamu que ʌj, ʌs Ndata's choco'yojmo'ʌj ijtu, y mijta'm ʌsne' ndzoco'yojmo, y ʌj mista'm ndzoco'yojmo.

San Juan 14:20 ပူးပေါင်းရင်းမြစ်များ

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 14:11

Wʌ'aŋjamdamʌ'ʌj que ʌj Ndata's choco'yojmo'ʌj ijtu, y ʌsne' ndzoco'yojmo ijtu ʌs Ndataj. Juca ja'nmis suni nwʌ'aŋjamjaytyamu ʌs ndzame, wʌ'aŋjamdamʌ'ʌj nʌ'ʌs ndzʌquiajupʌ tiyʌpit.

San Juan 16:23

Ʌ' jamo'oyj yajtiya'misʌj ja'n maŋu ŋgʌ'aŋwa'ctamu. Wiyuŋše'ʌsmij nwiyuŋdzamjaytyamba que tiyʌta'm mis nwa'cjaytyamba ʌs Ndata Dios ʌs nʌquiʌsi, ñe'cʌ'smij maŋba ñchi'tamu.

San Juan 16:26

Ʌ'ta'mbʌ jamo'oyj ja'namisʌj maŋu ŋgʌjamʌ'ʌytyamu wa'yʌj nwa'coyu mijcotoyata'm. Ne'cʌmis maŋba nwa'cjaytyamu Dios ñempetiyʌ ʌs nʌquiʌsi.

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:26

Y ʌs nyajmujšajwa'mʌs iwʌmijte', y maŋbama'ʌs nyajmujsa'ŋʌyaju. Te'šej maŋba ijtu ñe'ta'm choco'yojmo misne' su'noquiuy, wa'y šu'noyaju jujcha' misʌj ʌj sunba. Y ʌj maŋba'ʌj ijtu ñe'ta'm choco'yojmo.

San Juan 17:7

Yʌtij ñʌctʌ'yajwa'a que mumutiyʌta'm ʌs muspa, misti'ʌjte' nyajmusque'tupʌ.

San Juan 6:56

Iwʌ's quiʌ'sjapya ʌs sis y tyo'ŋjapya ʌs nʌ'pin, ʌs ndzoco'yojmo itjojcʌtʌcpa y ʌj ñe' choco'yojmo itpa.

Romanos 16:7

Dyujchi'jaytyamʌ Andrónico y te' Junias, ʌste' nacioŋ-dʌwʌta'm, y te'šejtijque' jujcha' ʌj somyatʌjupʌ. Yʌ'ta'mbʌ myʌja'ŋgomʌ'yajpa ñe'co'mo te' cʌ'we'ista'm. Yʌ' Andronico's y Juniajsis wyinawʌ'aŋjamyaju Cristo que ja'n ʌs.

Romanos 8:1

Te'cotoya jeque, ja'na yajtiyʌ quio'aŋgʌyay te' tumʌtzʌquiajupʌ'sa chocoy Cristo Jesusji'ŋ, te' ja'n chʌcjayapyʌ's yatzipʌ wyi'nis šu'noquiuy sino que te' Espíritu Santo's šu'noquiuy.

1 Corintios 1:30

Diojsistʌ tumʌtzʌctamu Cristo Jesusji'ŋ. Diojsistʌ tzi'u Cristo wa'ytyʌ yajmujsoyu y justococojtu, y wa'ytyʌ yajmasa'naju y jupyujtu, ca'u'c cruzcʌsi.

2 Corintios 12:2

Ispʌcpa'ʌs tumʌ pʌn Cristo'ojmopʌ. Chʌcpa' macmactascu'y ame jyopotongui'mu yʌ'wʌ Diojsis tuca'yojmopʌ tzajpojmo, y ja'ʌs musi juca cuerpoji'ŋ o cuerpotaca, Diojsis myuspa.

2 Corintios 13:5

Tacscʌme'tztamʌ mista'm ne' nwin wa'mis ŋguendamu juca wiyuŋšejmij nwyʌ'aŋja'moytyamba. Tzʌjquistamʌ ne' nwin. ¿Ja'nja mustame ne'cʌ que te' Jesucristo ijtu mi'ojmota'm? Juca ja'ne, jambyuttamʌmij oye ñchʌjquisʌtʌjtamu'cmij.

2 Corintios 5:17

Te'cotoya jeque, iwʌ ijtu Cristo'ojmo jomecotzʌjcupa'nde'. Te' pecata'mbʌ tiyʌ chacwa'a, y yʌtij muma' jomecotzʌjcu.

2 Corintios 5:19

Yʌ'šejte': Cristopit nʌ inʌc yajnašunwʌtzʌquiaju Diojsis ñe'cʌji'ŋ te' najsacopajcʌsita'mbʌ pʌn, y jamyayajaya pʌ'nista'm quiowa. Cojtutʌj wa'ytyʌs ndzamgopuŋu wa'y ñašunwʌtzʌquiaju pʌn Diosji'ŋ.

Gálatas 2:20

Yʌtij tumʌma'mʌyuše'amʌjyʌ' ijtu Cristoji'ŋ cruzcʌsi. Te'cotoya ja'nande' ʌj ijtu yʌtij sino que Cristo'sʌjyʌ' nʌc'ijtʌyupʌ. Y yʌtij ijtuše'ʌj ʌs ŋgüerpo'ojmo, ijtu'ʌj porque nwʌ'aŋjamba'ʌs te' Diojsis 'Yune. Yʌ'wʌ's jene sunu'ʌj y chi'oquia'u wyin wa'yʌj coca'u.

Efesios 2:10

Diojsis jeque jyomecotzʌcjayu tʌta'm ndzocoy cuando yajtumʌtzʌctamutʌ Cristo Jesusji'ŋ. Te'šej chʌjcu wa'ytyʌ ŋgo'ŋjojcʌtʌctamu te' oyeta'mbʌ tzʌqui Diojsis ñimejcʌyajupʌ wa'ytyʌ ndzʌctamu.

Colosenses 1:19

Y yajquejpa ñe' wyi'nojmo mumu Diojsajcuy šunušej tʌ Ndata Diojsis.

Colosenses 1:27

Porque Diojsis nʌ inʌc jyo'cu hasta yʌtij wa'mij nyajquendamu mij, te' gentilta'm, te' oyepʌ y mʌja'ŋbʌ myujsoquiuy jayajqueyapʌ wina. Yʌ'šejte': Itjojcʌtʌcpa Cristo mista'm ndzoco'yojmo y ñe'cʌpit njo'ctambamis mʌja'ŋda'mbʌ tiyʌ minbapʌ aŋsʌ'ŋojmo.

Colosenses 2:9

Porque Cristo'sñe' wyi'nojmo ñʌ'itpʌ'u mumu Diojsajcuy.

1 Juan 4:12

Yajujche'ctij jaquiena Dios ya'iwʌ's. Pero juca našunʌtʌjtambatʌ ne'co'mo, Dios itwa'a tʌta'm ndzoco'yojmo, y te'šejtʌ cota'nu'c sundamba Dios ndzoco'yojmo.