San Juan 14:2 - Zoque Copainalá New Testament

² Ʌs Ndata's itcu'yojmo wʌwʌ ijtyaju tʌc. Juca inʌc ja'n tye'šej ndzamjaytyamwa'mʌsmij inʌc Maŋba'ʌsmij jeque nimejcʌyjaytyamu lugar.

San Juan 14:2 ပူးပေါင်းရင်းမြစ်များ

San Lucas 14:22

Y nʌmu te' coyosa: Señor, ndzʌcwa'mʌs te' ndzamušejmis y ijtumaj lugar wa'y quiu'tyaju.

San Juan 13:33

Tʌwʌy, uša'ŋ horatya'mʌjyʌ' maŋba ijtu miji'ŋda'm. Maŋbamisʌj me'tztamu, pero ndzamjayajuše'ʌs judiota'm, te'še'ʌsmij ndzamjaytyaŋgue'tpa mijta'm yʌtij: Maŋbamʌ'yʌj ʌj, mijta'm ja'nmij musi mindamu.

San Juan 13:36

Simón Pedro's ñʌjayu: Señor, ¿juta'nde' myaŋba? 'Yaŋdzoŋu Jesujsis: Maŋbamʌ'yʌj ʌj, ja'nmisʌj musi ŋgo'ŋu yʌtij, pero jʌsa'ca maŋbamisʌj ŋgo'ŋu.

San Juan 14:28

Matoŋdamwa'mis jutzʌsmij ndzamjaytyamu: Maŋba'ʌj Ndata Diosaŋʌ, y mingue'tpati'ʌj mi'ojmota'm. Juca wiyuŋšej misʌj sundamba nʌ'omdambamis inʌc, porque nʌtzamdamwa'mʌsmij que maŋba'ʌj Ndata'ŋʌ. Porque ʌs Ndataj más mʌja'ŋ que ja'n ʌj.

San Juan 16:4

Pero ndzamjaytyamu'ʌsmij yʌ'šej wa'mis njamwʌtzʌctamu minba'cande' hora, que ndzamjaytyamutya'mʌsmij. Pero tzo'tzcu'yojmo jañchamjaytyamʌ'ʌsmij yʌ'šejta'mbʌ tiyʌ porque yʌ'yʌj inʌc ijtu miji'ŋda'm.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

Hechos 9:16

Porque ʌs maŋba'ʌs nyajquenu jutz maŋba tyoyapʌjcu porque yosjapya'ʌj.

2 Corintios 5:1

Mustambatʌ que juca yajpa yʌ' najsacopajcʌsipʌ tʌ ndʌc, tʌsyʌ' ŋgüerpo, ittamutʌ oyepʌ ndʌc Diojsistʌ tzi'tamupʌ. Yʌ'wʌ ja'nyʌ' yayepʌ te' tzajpojmo, ja'n cʌ'pit tujcupʌ.

1 Tesalonicenses 5:9

Porque Diojsis jañima'yʌytyamʌtʌ wa'ytyʌ maya'aŋ yajnʌco'aŋgʌyu ŋgowa, sino que wa'ytyʌ yajcotzojcu tʌ Ngomi Jesucristopit.

Tito 1:2

Nʌ'ʌs nyosjayu Dios porque njo'cpa'ʌs ja'n yayepʌ quenguy te' chamdzi'oquia'upʌ Diojsis maŋba'cmaj tyujcu yʌ' najsacopac. Y Dios yajujche'c ja'n šutzi.

Hebreos 11:10

Porque te' Abraha'ŋis nʌ inʌc jyo'cu tyumʌtzocoy te' maŋba itjojcʌtʌjcupʌ mʌja cumguy, Diojsis quipsaŋgospo'ʌyupʌ y chʌjcupʌ.

Hebreos 13:14

Yʌy najsacopajcʌsi minbatijtʌyʌ' nwingʌtʌctamu. Nʌmajtʌ njo'ctamu te' tzajpojmopʌtʌ itcuy ja'n yayepʌ.

Hebreos 6:20

Tey tʌjcʌyu Jesús tʌcotoyata'm wina ya'aŋwajupʌ's tʌjcʌquiuy tʌcotoya. Porque mʌja'ŋbʌ sacerdote'aju ja'n yayepʌ jujcha' Melquisedec.

Hebreos 9:8

Yʌ'wʌcʌsitʌ yajnʌctʌ'ytyamba te' Espíritu Santo's que ja'n inʌc musi ñempe'iwʌ tyʌjcʌyu te' Más Masanbʌ Luga'rojmo nʌmaj yojsu'c te' winbʌ Masanbʌ Lugar.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

El Apocalipsis 21:2

Y ŋguengue'tu'ʌs te' masanbʌ cumguy, jomepʌ Jerusalén, nʌ wyanajcupʌ Diojsis chajpojmoc tzi'nmequia'upʌ jujcha' tzoŋbawʌ wa'y quiʌ'tzoŋu jyayaji'ŋ.

El Apocalipsis 3:12

Iwʌ's ñʌwʌ'ajpa, maŋba'ʌs nyajpaquipʌjcu jujcha' oye cʌ'pu'ŋʌyupʌ com tzajpojmopʌ Diojsis tyemplo'ojmo, y ya'iwʌ'sa ja'n musi tyo'pʌ'upʌ teymʌ. Te' comgʌsi maŋba'ʌs nja'yʌyjayu ʌsne' Diojsis ñʌy, y te' ñe' quiumgu'yis ñʌy jomepʌ Jerusalén. Y te' jomepʌ Jerusalén, Diojsiste' chajpojmoc maŋba wyanajcupʌ.

El Apocalipsis 3:21

Iwʌ's ñʌwʌ'ajpa, te'wʌ maŋba'ʌs nyajpocsu ʌji'ŋ wa'ytyʌj tumʌ'aŋgui'mu ʌsne' aŋgui'mʌtʌjcuy-pyocscu'yojmo, jujcha' ʌs nʌwʌ'aju y pocsu'ʌj Ndataji'ŋ ñe' 'yaŋgui'mʌtʌjcuy-pyocscu'yojmo.