Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




San Juan 14:13 - Zoque Copainalá New Testament

13 Y tiyʌta'm mis nwa'cjaytyamba ʌs Ndataj ʌs nʌquiʌsi, te'wʌ ʌs maŋba ndzʌjcu. Te'še'ʌs maŋba ndzʌjcu wa'y quieju ʌs Ndata Diojsis myʌja'ŋajcuy ʌj, te' 'Yunepit.

အခန်းကိုကြည့်ပါ။ ကော်ပီ




San Juan 14:13
36 ပူးပေါင်းရင်းမြစ်များ  

Oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šej mij nwya'coytyamba maŋbamis mbʌjcʌchoŋdamu.


Wa'ctamʌ, y ñchi'ʌtʌjtambamij. Me'tztamʌ, y mba'ttambamis. Wejwindzo'ŋoytyamʌ, y 'yaŋdzowatʌjtambamij.


Te'cotoya ndzamjaytyamba'ʌsmij, que oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šejmij nwya'coytyamba, maŋbamis mbʌjcʌchoŋdamu.


Y ʌsmij nʌjaytyamba: Wa'ctamʌ, y ñchi'ʌtʌjtambamij. Me'tztamʌ, y mba'ttambamis. Wejwindzo'ŋoytyamʌ y 'yaŋdzowatʌjtambamij.


Pero Jesús weju'c nʌmu: Iwʌ'sʌj wʌ'aŋjamba ʌj ja'nde' na' ʌjtij wʌ'aŋjame, sino que wyʌ'aŋjamgue'tpa te' cʌ'wejupʌ'sʌj.


Y tzu'cumu'ctij nʌmu Jesús: Yʌtij Diojsisʌj yajmʌja'ŋaju ʌj, te' Pʌ'nis 'Yune, y ʌjpit queju que te' Dios mʌja'ŋbʌte'.


Juca nwa'ctambamis tiyʌ'iwʌ ʌs nʌquiʌsi, te'wʌ ʌs maŋba ndzʌjcu.


Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.


Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.


Juca ʌs ndzoco'yojmo mij itjojcʌtʌctamba, y juca ʌs ndzame itjojcʌtʌcpa mista'm ndzoco'yojmo, wa'ctamʌ tiyʌta'm mis sundamba y maŋba'ʌsmij ndzi'tamu.


Ʌ' jamo'oyj yajtiya'misʌj ja'n maŋu ŋgʌ'aŋwa'ctamu. Wiyuŋše'ʌsmij nwiyuŋdzamjaytyamba que tiyʌta'm mis nwa'cjaytyamba ʌs Ndata Dios ʌs nʌquiʌsi, ñe'cʌ'smij maŋba ñchi'tamu.


Ʌ'ta'mbʌ jamo'oyj ja'namisʌj maŋu ŋgʌjamʌ'ʌytyamu wa'yʌj nwa'coyu mijcotoyata'm. Ne'cʌmis maŋba nwa'cjaytyamu Dios ñempetiyʌ ʌs nʌquiʌsi.


Pero ndzamjaytyamu'ʌsmij wiyuŋbʌ tiyʌ. Mijcotoyata'm pyʌcpa wa'yʌj maŋu. Juca ja'nʌj mawe ʌj, te' Cotzo'ŋopyawʌ's ja'nmij ŋguiʌ'mindame. Pero juca maŋba ʌj, maŋba'ʌsmij ŋgʌ'wejaytyamu.


'Yaŋdzoŋu Jesujsis: Ja'nmis ispʌcjay te' Diojsis yajya'moquiuy. Ja'nmis ispʌqui iwʌ'smijte' nʌ wya'cjayu nʌ'. Juca inʌc misʌj ispʌcpa mis inʌc nwa'cpa ʌjcʌsi, y ʌsmij inʌc ndzi'pa nʌ' šajpapʌ's quenguy.


pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.


Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.


Te' ultimopʌ jama judio's chʌcsʌŋdyʌŋyajpa'c te' sʌŋ, tenaqui'mu Jesús y weju'c nʌmu: Juca iwʌ yoctʌtzpa, yajminʌ ʌ'aŋi wa'y chocopyajcu.


Te'cotoya iwʌ's chamba Espiritupitpʌ otowe, yajwa'cʌ Dioscʌsi wa'y mujsu chamgʌtʌjcu te' otowe.


Ijtu sʌ'mnaquiuy tʌcotoyata'm porque Cristo's te' ñe' 'Yespiritu Santopit nʌtʌjcʌytyambatʌ, tʌj y mijta'm, Diojsis wyi'naŋdʌjqui.


Te'cotoya yʌtij jana na'chcuytyʌ muspa ndo'mʌytyamu Dios porque tumʌtzʌctamutʌ Cristoji'ŋ. Te'šejtʌ muspa ndzʌjcu porque nwʌ'aŋjamdambatʌ y nijamdambatʌ Cristo Jesús.


Njamwʌtzʌcpa'cʌs te' Diojsis quipsušej y chʌjcota'nušej Cristopit, cujnapya'ʌj tʌ Ngomi Jesucristo's Tyata's wyi'naŋdʌjqui wa'yʌs oto'ŋʌyu mijcotoyata'm.


Mumutiyʌ'ʌs muspa ndzʌjcu Cristoji'ŋ, porque ñe'cʌ'sʌj cotzoŋba.


Tiyʌta'm mis ndzamdamba y tiyʌta'm mis ndzʌctamba, tzʌctamʌ mumu tʌ Ngomi Jesujsis ñʌquiʌsi. Y nʌ'cmis ndzʌctamu, nʌjaytyamʌ tʌ Ndata Dios: Tatay, yʌscotoya mis ndzʌjcu, ŋgʌ'wejumis te' Cristo.


Como nwʌ'aŋjamdambatʌ Jesús, pyʌcpa wa'ytyʌ nwʌcotzamdamu Dios ñe'cʌpit, ja'n copʌn-nʌ'pinbʌ cʌna'tzʌ'oquiupyit. Pyʌcpa wa'ytyʌ nʌjayu yʌscotoya te' ñe' yajya'moquiuquiotoya.


To'ya'ŋʌpyatʌ tʌyʌ' mʌja'ŋbʌ sacerdote-cowi'na's, porque mochita'mbʌtʌyʌ' y oc'išajpatʌ. Ñe'cʌ te'šejtij 'yoc'išajyajque'tu mumutiyʌcʌsi, pero jaquiowapa'tʌ.


Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.


Y juca ijtu mi'ojmota'm iwʌjutiwʌ ja'ndiyʌpʌ's myujsoquiuy te' Diojsis šajpapʌ, yajwa'cʌ ñe'cʌcʌsi y maŋba chi'u juca wya'cpa. Porque Diojsis šajpa mujsoquiuy y tzi'tastaswʌ'opya, y tiyʌtʌ tzi'pa ja'ndʌ tzambutjay.


Juca nʌmis maŋgocʌtʌctamu yʌ'wʌ te'wʌ atzi, cowʌ'aŋjamdamʌ mista'm ŋgowa ñe'cʌcʌsita'm y oto'ŋʌytyamʌ Dios ndʌwʌcotoyata'm wa'mij Diojsis nyajtzoctamu ŋguia'epa'ttamba'cmij. Juca te' justopʌ pʌ'nis wya'ctenapyacpa Dioscʌsi tiyʌ'iwʌ, Diojsis chʌcpa tiyʌta'm wya'cpa.


Te'šejmij Diojsis muspa nyajyostamu mijta'm jujcha' queñajpapʌ tza' wa'y yajtu'ŋaju ñe' tyʌc itpamʌy ñe' 'Yespiritu Santo. Yʌtij mijta'mde' te' masanda'mbʌ sacerdote wa'mis tumʌtzocoy ndzi'oquia'tamu mis ŋgʌna'tzʌ'oquiuy Jesucristo's ñʌquiʌsi Diojsis wyi'naŋdʌjqui.


Y tiyʌta'mdʌ nwa'ctamba ñe'cʌcʌsi, ñe'cʌ's maŋbatʌ tzi'tamu, porque ŋgojamjaytyambatʌ ñe' 'yaŋgui'mguy y ndzʌctambatʌ tiyʌcʌsitʌ ñe'cʌ nyajtzocopyacpa.


Y nite'tzʌytyambatʌ Dios, y te'cotoya muspatʌ que ñe'cʌ'stʌ cʌmato'ŋʌpya nwa'ctamba'ctʌ tiyʌ'iwʌ ñe'cʌ's šunbašej.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ