San Juan 14:11 - Zoque Copainalá New Testament

¹¹ Wʌ'aŋjamdamʌ'ʌj que ʌj Ndata's choco'yojmo'ʌj ijtu, y ʌsne' ndzoco'yojmo ijtu ʌs Ndataj. Juca ja'nmis suni nwʌ'aŋjamjaytyamu ʌs ndzame, wʌ'aŋjamdamʌ'ʌj nʌ'ʌs ndzʌquiajupʌ tiyʌpit.

San Juan 14:11 ပူးပေါင်းရင်းမြစ်များ

San Juan 10:25

'Yaŋdzoŋyaju Jesujsis: Ndzamjaytyamwa'mʌsmij y ja'nmis nwʌ'aŋjamdame. Te' ʌs ndzʌcpapʌ tiyʌ ʌs Ndata's ñʌquiʌsi, te'wʌ's yajquejpa iwʌ'ʌjyʌ'.

San Juan 10:32

Ñʌjayaju Jesujsis: Ndzʌcwa'mʌs sone oyeta'mbʌ tzʌqui mista'm nwi'naŋdʌjqui. ¿Jutipʌ tzʌquicotoya'mʌjte' sunba ndʌŋga'tamu tza'pit?

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 14:20

Ʌ' jamo'oyj maŋbamis nʌctʌ'ytyamu que ʌj, ʌs Ndata's choco'yojmo'ʌj ijtu, y mijta'm ʌsne' ndzoco'yojmo, y ʌj mista'm ndzoco'yojmo.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

Hechos 2:22

Israel-pʌnda'm, matoŋdamʌ yʌ'šejta'mbʌ tzame: Yʌ' Nazarejtojmopʌ Jesús quiojtu Diojsis cosujupʌ pʌn mi'ojmota'm. Y yajqueju que cosujupʌte' maya'aŋda'mbʌ chʌquipit, isaŋwʌ'ajcupyit y señalpitta'm. Diojsis chʌjcu yʌ'šejta'mbʌ tiyʌ mi'ojmota'm Jesuspit, mustambaše'amis.

Hebreos 2:4

Y Diojsis yajquendaŋgue'tutʌ que wiyuŋdzamyaju chʌquiaju'c señalta'm, maya'aŋda'mbʌ tiyʌ y wi'ni eyata'mbʌ isaŋwʌ'ajcuy Diojsis pyʌmipit. Y quejque'tu chi'yatʌju'c te' Espíritu Santo ñe'cʌ's šunušej.