San Juan 14:10 - Zoque Copainalá New Testament

¹⁰ ¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 14:10 ပူးပေါင်းရင်းမြစ်များ

San Juan 10:30

Ʌj Ndataji'ŋ tu'mbacpʌtʌjyʌ'.

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 11:26

Y jujche'ŋ iwʌ quenbamaj y wʌ'aŋjamba ʌj, maŋba quia'u, pero ja'n mumu jamacotoya. ¿Wʌ'aŋjambaja yʌ'šej?

San Juan 12:49

Porque jañchamʌ'ʌs ne' ŋgo'quips. Ʌs Ndata'sʌj cʌ'weju, y ñe'cʌ'sʌj aŋgui'mu jutzʌj wa'y nʌmu y jutzʌs wa'y ndzamu.

San Juan 14:11

Wʌ'aŋjamdamʌ'ʌj que ʌj Ndata's choco'yojmo'ʌj ijtu, y ʌsne' ndzoco'yojmo ijtu ʌs Ndataj. Juca ja'nmis suni nwʌ'aŋjamjaytyamu ʌs ndzame, wʌ'aŋjamdamʌ'ʌj nʌ'ʌs ndzʌquiajupʌ tiyʌpit.

San Juan 14:20

Ʌ' jamo'oyj maŋbamis nʌctʌ'ytyamu que ʌj, ʌs Ndata's choco'yojmo'ʌj ijtu, y mijta'm ʌsne' ndzoco'yojmo, y ʌj mista'm ndzoco'yojmo.

San Juan 14:24

Iwʌ'sʌj ja'n suni, ja'n quiojamjay ʌs ndzameta'm. Y te' tzame matoŋdamupa'mis ja'nde' ʌsne' ŋgo'quips ndzame, sino que ʌs Ndata'sñe' te' cʌ'wejupʌ'sʌj.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 3:2

Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 5:17

'Yaŋdzoŋyaju Jesujsis: Ʌs Ndata Dios nʌtij yojsu, y yosque'tpa'ʌj ʌj.

San Juan 5:19

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

San Juan 7:16

'Yaŋdzoŋyaju Jesujsis: Ʌsmij aŋmaytyambapʌ tiyʌ, ja'nde' ʌsne' aŋma'yoquiuy, sino que ijtu iwʌ'sʌj cʌ'weju. Ñe' 'yaŋma'yoquiupyit nʌ'ʌsmij aŋmaytyamu.

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

San Juan 8:38

Ndzamba'ʌs tiyʌ'ʌs ŋguenu ʌs Ndata's wyi'naŋdʌjqui. Y mista'm ndzʌctambamis tiyʌmis matoŋdamu mista'm ndata's wyi'naŋdʌjqui.

San Juan 8:40

Pero yʌtij ndzʌcme'tztambamis wa'misʌj nyajca'tamu, y ndzamjaytyamu'ʌsmij wiyuŋbʌ tiyʌ yajmatoŋuše'ʌj Diojsis. Abraha'ŋis jaquipsʌ yajca'oquiuy.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

2 Corintios 5:19

Yʌ'šejte': Cristopit nʌ inʌc yajnašunwʌtzʌquiaju Diojsis ñe'cʌji'ŋ te' najsacopajcʌsita'mbʌ pʌn, y jamyayajaya pʌ'nista'm quiowa. Cojtutʌj wa'ytyʌs ndzamgopuŋu wa'y ñašunwʌtzʌquiaju pʌn Diosji'ŋ.

Colosenses 1:19

Y yajquejpa ñe' wyi'nojmo mumu Diojsajcuy šunušej tʌ Ndata Diojsis.

Colosenses 2:9

Porque Cristo'sñe' wyi'nojmo ñʌ'itpʌ'u mumu Diojsajcuy.

1 Juan 5:7

Porque tuca'y ijtu tzajpojmo quiotestigosajyajpapʌ's te' Jesús: Tʌ Ndata Diojsis, te' Tzame's y te' Espíritu Santo's. Y yʌ' tuca'ytya'mbʌ tumo'oyjtya'm quipšajpa.