1 Uy yajopi'ttame mista'm ndzocoy. Nwʌ'aŋjamdambamis Dios, wʌ'aŋjamdaŋgue'ta'a ʌj.
Quienu Jesujsis jutz nʌ jyʌyu María, y te'šejtijque' te' judiota'm miñajupʌ ñe'cʌji'ŋ. Pijche'ca sʌ'mu choco'yojmo y je'epʌjcu,
Yʌtij maya'a'ŋʌj nʌ ndoyapʌjcu ndzoco'yojmo. ¿Tiya'mʌs ndzamjaytyʌ'wa' Ndataj? ¿Maŋbasʌ'ŋʌs nʌjayu: Tatay, yajcotzoca'ʌj yʌtijpʌ'ʌs ndoyapʌjcu'yojmo? Ja'nde, ja'ʌs ndzame te'šej, porque nu'cupa'yʌ' hora wa'yʌj ndoyapʌjcu.
Pero Jesús weju'c nʌmu: Iwʌ'sʌj wʌ'aŋjamba ʌj ja'nde' na' ʌjtij wʌ'aŋjame, sino que wyʌ'aŋjamgue'tpa te' cʌ'wejupʌ'sʌj.
Maŋbamaj tyujcupʌ tiyʌ nʌytya'mʌsmij ndzamjaytyamu yʌtij, y tucpa'ca maŋbamis nwʌ'aŋjamdamu que ndzamjaytyamutya'mʌsmij te' wiyuŋbʌ tiyʌ.
Yʌti'cše'ŋoyj yajtiyʌmajmis janwya'cjaytyamʌ ʌs Ndataj ʌs nʌquiʌsi. Wa'ctamʌ y maŋbamis mbʌjcʌchoŋdamu wa'mij 'yomdzocopyactamu.
Y yʌ'šejta'mbʌ tiyʌ maŋba chʌquiaju porque ja'nʌj ispʌquiay ʌj ni ʌs Ndata Dios.
Y jene triste'aju mista'm ndzocoy porque ndzamjaytyamu'ʌsmij yʌ'šejta'mbʌ tiyʌ.
Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.
Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.
Te'cotoya más oye wa'mis nyajcotocoytyamu y ndzamdzocopyactamu, uytya' maŋu quia'u aŋba'tepʌ triste'ajcu'yis.
Matoŋwa'mʌs que mista'm nwʌ'aŋjamdambamis tʌ Ngomi Jesús y que jene sundambamis mumu masanbʌnda'm.
umis ñempetiyʌcʌsi ŋgacpʌ'tame mista'm ŋguipsoquiuy. Uy jopi'ttame ñempe miña Diojsis ñʌquiʌsi y ñempemij sa'sa ñʌtzamʌtʌjtamʌ, ñempe ñʌmya que tʌsmijte' njayjaytyamu que nʌwa' tyo'mʌyu te' jama que maŋba minu tʌ Ngomi Jesucristo.
Y yʌtij ñe'cʌpit nite'tzʌytyambamis Dios y njo'ctambamis ndumʌtzocoy te' chamdzi'oquia'upʌ tiyʌ, porque mustambamis que Diojsis yajwinsa'u yʌ' Cristo ca'yajupo'moc y pijche'c yajmʌja'ŋaju ñe' wyi'naŋdʌjqui.