San Juan 13:5 - Zoque Copainalá New Testament

⁵ Y tyejcʌyu nʌ' cuyawo'mo, y tʌj te' quiʌ'aŋmaye, che'cʌ'yjayaju tʌs ne'ŋbac. Y quiomoctʌtzjayaju te' toallapit ši'nʌyupʌ inʌc ñe'cʌcʌsi.

San Juan 13:5 ပူးပေါင်းရင်းမြစ်များ

San Lucas 7:38

Y 'yucaŋgʌ'mʌc quiʌnu'cʌyu y minu jyʌyu ñe'ŋbajcaŋi y ñitiqui'ʌyjayu ñe'ŋbacta'm wyitʌm nʌ'pit. Y quiomocjayu ñe' wyapyit. Y šu'cjayu te' ñe'ŋbacta'm y jyasjayu te' jajsoquiupyit.

San Lucas 7:44

Y quenwitu'u te' yomo'aŋi y ñʌjayu Simón: ¿Nʌja ŋguenu yʌ' yomo? Tʌjcʌyu'ʌj mis ndʌjcojmo, y jañchi'ʌmisʌj nʌ' wa'yʌs ndze'u ʌs ne'ŋbac, pero yʌ'wʌ's ñitiqui'ʌyjayu ʌs ne'ŋbac wyitʌm nʌ'pit y quiomocjawya'a wyapyit.

San Juan 13:10

Ñʌjayu Jesujsis: Iwʌ cotze'uwa'a, ñe'ŋbactya'a pyʌcpa wa'y che'u, porque muma' cowaju. Y mijta'm ŋguiowajtamwa'mij ñempe ja'n mumuta'mbʌ.

San Juan 13:6

Pijche'ca nu'cu ijtumʌy Simón Pedro, y te' Pedro's ñʌjayu: ¿Señor, misja maŋba ndze'jayu ʌs ne'ŋbac?

San Juan 13:8

'Yaŋdzoŋu Pedro's: Nunca ja'nmis maŋu ndze'jayu ʌs ne'ŋbac. 'Yaŋdzoŋgue'tu Jesujsis: Juca ja'nʌs ndze'jay, ja'nmis maŋu mbʌjcʌchoŋu mbarte ʌji'ŋ.

San Juan 19:34

Pero tumʌ te' soldado's wyojtzu Jesús che'ŋna'ojmoc lanzapit y jʌnʌj pujtu nʌ'pingʌnʌ'.

Hechos 22:16

Y yʌtij jeque, ¿tiyʌcotoya' ñchʌ'pyamaj? Tzu'cumʌ, ma nʌ'yʌ y cotze'jʌcʌ ŋgowa, y wejwindzoŋja Cristo's ñʌy.

1 Corintios 6:11

Y metza tuca'y mi'ojmota'm te'šejta'mbʌ tiyʌmis ndzʌctamba inʌc wina, pero tʌ Ngomi Jesucristo's ñʌquiʌsi ŋguiotze'atʌjtamumij y myasa'najtamumij y njyustococottamwa'mij tʌta'm Diojsis 'Yespiritupit.

Efesios 5:26

Te'šej chʌjcu Cristo's wa'y yajmasa'najyaju te' tu'mʌyajpapʌ ñe' ñʌquiʌsi. Yajcowajayajpa chocoy jujche'ŋ tu'mʌyajpapʌ's, porque wyʌ'aŋjamjayajpa Diojsis chame y nʌ'yʌyajpa nʌ'pit.

1 Timoteo 5:10

Y te' oyeta'mbʌ chʌquipit pyʌcpa wa'y wyʌcotzamyaju pʌ'nista'm juca yajtzojcu une, juca chi'oquia'u jejcuy, juca che'jayu masanbʌ'nista'm ñe'ŋbac, juca quiotzoŋu nʌ quienupʌ's toya, y juca chʌcjojcʌtʌcpa oyeta'mbʌ tiyʌ.

Hebreos 10:22

Ngʌnu'cʌytya'mitʌy Dios wa'ytyʌ oto'ŋʌyu tumʌtzocoy, wiyuŋšejpʌ wʌ'aŋjamgupyit, cowajupʌ ndzocopyit, nyajʌcʌ'jayu'c yatzipʌ tʌ ŋguipsoquiuy, y ŋgotze'u'candʌ ŋgüerpo susnʌpʌ nʌ'pit.

1 Juan 1:7

Juca Diojsis šʌ'ŋgʌ' tʌ nʌtu'ŋajapya, sʌ'ŋjapyašejtʌ ñe'cʌ's, wiyuŋšejtʌ tumʌquipspa Diosji'ŋ, y Diojsis 'Yune's, Jesucristo's ñʌ'pi'nis yajcowajapya mumu tʌ ŋgowa.

1 Juan 5:6

Yʌ'wʌte' te' Jesucristo te' minupʌ najsacopajcʌsi, y tiju ñʌ'yʌyu. Y yajca'yaju'c cruzcʌsi 'yumbʌ'jayaju ñʌ'pin. Ja'n na' tiju ñʌ'yʌyu, sino que 'yumbʌ'jayaju ñʌ'pin. Y te' Espíritu Santo's quiotestigosajpa, y te' Espíritu wiyuŋdzambapʌte'.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

El Apocalipsis 7:14

Aŋdzoŋu'ʌs y nʌjayu'ʌs: Señor, bieŋdijmis muspa. Y te' anciano's nʌjayu'ʌj: Yʌ'ta'mbʌ pujtyajupʌyʌ' te' yacsnutzʌquiatʌjumʌy. Yʌ'ta'mbʌte' te' yajcotocoyatʌjupʌ y quiotze'yatʌjupʌ quiowapit Ñchowambe's ñʌ'pi'nojmo.