San Juan 13:31 - Zoque Copainalá New Testament

³¹ Y tzu'cumu'ctij nʌmu Jesús: Yʌtij Diojsisʌj yajmʌja'ŋaju ʌj, te' Pʌ'nis 'Yune, y ʌjpit queju que te' Dios mʌja'ŋbʌte'.

San Juan 13:31 ပူးပေါင်းရင်းမြစ်များ

San Mateo 8:20

Y Jesujsis ñʌjayu: Wetu'sta'm ijtyaju cha'tʌc, y te' sitityajpapʌ paloma's ijtyaju ño'se. Pero ʌj, te' Pʌ'nis 'Yune's, ja'ndiyʌ ni ʌs mbata tiyʌcʌsi wa'yʌj ʌŋu.

San Lucas 12:50

Ijtupʌte' pyena wa'yʌs ŋguenu toya, y jene maya'pa'ʌj ndzoco'yojmo hasta que tucpa.

San Juan 11:4

Myatoŋu'ctij Jesujsis, nʌmu: Ca'epa'tu ja'nde' wa'y quia'octucwa'a, sino wa'y quieju Diojsis isaŋwʌ'ajcuy. Te'šejtijque' te'wʌpit wa'y quieñaju pʌ'nista'm que ʌjte' te' Diojsis 'Yune, y wa'yʌj mʌja'ŋwʌcotzamyaju.

San Juan 12:23

Pijche'c Jesujsis 'yaŋdzoŋyaju: Nu'cwa'nde' aŋsʌŋ wa'yʌj yajmʌja'ŋaju Diojsis ʌj, te' Pʌ'nis 'Yune.

San Juan 12:28

Pero maŋba'ʌs nʌjayu: Tatay, ʌs ŋga'aŋbit wa'y quienjayaju que mʌja'ŋbʌte' mis nʌy. Pijche'c 'yaŋdzoŋu Diojsis tzajpojmoc, y ñʌjayu: Nyajmʌja'ŋajwa'mʌs, y maŋbama'ʌs nyajmʌja'ŋajque'tu.

San Juan 14:13

Y tiyʌta'm mis nwa'cjaytyamba ʌs Ndataj ʌs nʌquiʌsi, te'wʌ ʌs maŋba ndzʌjcu. Te'še'ʌs maŋba ndzʌjcu wa'y quieju ʌs Ndata Diojsis myʌja'ŋajcuy ʌj, te' 'Yunepit.

San Juan 16:14

Ñe'cʌ's maŋba yajqueju que mʌja'ŋbʌ pʌ'nʌj, porque te' ʌs ndzamyajupʌ tiyʌ, te'wʌ maŋba chamu ñe'cʌ's wa'mij nyajmustamu.

San Juan 7:39

Pero Jesujsis nʌte' inʌc chamu te' Espíritu Santo maŋba pyʌjcʌchoŋyajupʌ jujche'ŋ wyʌ'aŋjamyajpapʌ's ñe'cʌ. Jaminʌ'cmajte' Espíritu Santo, porque Jesús jayajmʌja'ŋa'cmajte' Diojsis.

Hechos 2:36

Sunba'ʌs wa'y wiyuŋšej myujšaju mumu te' Israel-pʌ'nista'm que quiojtu Diojsis jujcha' Comi y Cristo yʌ' Jesús, ma'mʌytyamupʌmis cruzcʌsi.

Hechos 3:13

Te' Abrahán, te' Isaac, y te' Jacob, y te' eyata'mbʌ tʌ nwinata'mbʌ ndata's Diojsis yajqueju que mʌja'ŋbʌte' te' 'Yune Jesús. Y sunu'c chʌcʌpʌ'tʌ'ʌ Pilato's, mis ndzi'oquia'tamu y ñʌmdamumij wyi'naŋdʌjqui que ja'ne.

2 Corintios 3:18

Te'cotoya jʌcʌ'pʌ'u'ca te' windoc, ŋguenjaytyambatʌ tʌ Ngomi's chi'muŋgʌ'. Y ñe'cʌ'stʌ cacpʌ'pa wa'ytyʌ nʌ'itjayu ñe' chocoy y itcuy, hasta que yajcota'nbatʌ te' ñe' chi'muŋgʌ'ojmo. Tʌ Ngomi'ste' 'Yespiritu's chʌcpa yʌ'šej.

Efesios 1:12

Y tʌs, jujche'ŋ judio-pʌ'nis, nwʌ'aŋjamutʌs tʌ Ngomi Jesucristo más wina que ja'n eyata'mbʌ's. Y Diojsistʌj copiŋu wa'y yajqueju ñe' myʌja'ŋajcuy tʌjpit wa'y mumu pʌ'nis wyʌcotzamyaju ñe'cʌ.

Efesios 2:7

Como Diojsistʌ yajyamdamu y yajtumʌtzʌctamu Cristo Jesusji'ŋ, te'cotoya te' minbapʌ aŋsʌ'ŋojmo maŋba yajqueju mumupʌ's wyi'naŋdʌjqui yʌ' yʌ'šejpʌ yajya'moquiuy tʌcotoyata'm.

Efesios 3:10

Te' wina quipsaŋgospo'ʌyušej Diojsis, yʌtij nʌ chʌjcota'nu ñe' tyu'mʌquiupyit wa'ytye' ñe' tyu'mʌquiu'yis yajquejayaju Diojsis aŋba'tepʌ myujsoquiuy te' mumu tzajpojmota'mbʌ aŋgui'myajpapʌ y co'aŋgui'moyeta'm.

Filipenses 2:11

Y myuma'ŋgʌ'y wa'y quiowʌ'aŋjamyaju que Jesucristote' te' Comi, y te'šej wa'y myʌja'ŋwʌcotzamyaju tʌ Ndata Dios.

1 Pedro 1:21

Y yʌtij ñe'cʌpit nite'tzʌytyambamis Dios y njo'ctambamis ndumʌtzocoy te' chamdzi'oquia'upʌ tiyʌ, porque mustambamis que Diojsis yajwinsa'u yʌ' Cristo ca'yajupo'moc y pijche'c yajmʌja'ŋaju ñe' wyi'naŋdʌjqui.

1 Pedro 2:12

Nʌ'ittamʌ oyepʌ tzocoy y oyepʌ itcuy te' yatzita'mbʌ genti'lista'm wyi'naŋdʌjqui. Y ñempemij nyatzicotzamʌtʌjtamba yʌtij que miste' nʌ ndzʌctamu mal, jʌsa'ca, te' cʌme'tzoquiuy jamo'oyj, maŋba wyʌcotzamyaju Dios ñʌctʌ'yaju'ca mista'm oyeta'mbʌ ndzʌqui.

1 Pedro 4:11

Iwʌ aŋma'yopya, ya'aŋma'yoya Diojsis chambašej. Iwʌ yospa Dioscotoya, yajyosa Diojsis šajpapʌ pʌmipit. Te'šejmis maŋba mʌja'ŋwʌcotzamdamu Dios mumutiyʌcʌsi Jesucristopit. Cristo's pyʌjcʌchoŋwa'a 'yaŋgui'mʌtʌjcuy mumu jamacotoya y pyʌcpa wa'ytyʌ nwʌcotzamdamu ñe'cʌ. Amén.