San Juan 13:3 - Zoque Copainalá New Testament

³ Y myuspa inʌc Jesujsis que ñe'cʌ quiojtu Tyata's wa'y 'yaŋgui'mu, y que Diosaŋʌc minu y Diosaŋʌtij maŋgue'tpa.

San Juan 13:3 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 28:18

Y ca'ŋmi'ŋa'ŋʌyu Jesús wa'ytyʌj oto'ŋʌyu y nʌjayutʌj: Ʌs Ndata Diojsis tzi'u'ʌj aŋgui'mʌtʌjcuy wa'yʌj aŋgui'moyu tzajpojmo y najsacopajcʌsi.

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 13:1

Maŋba'cmaj ñu'cu te' pascua-sʌŋ, myuspa inʌc Jesujsis que nu'cuwa'nde' te' hora wa'y chu'cumu yʌ' najsacopajcʌsi wa'y myaŋu Tata Diosaŋʌ. Como jene šunu te' ñe'ta'm najsacopajcʌsi ijtyajupʌ, maŋba inʌc yajqueñaju jutz inʌc šuñajpa.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 3:13

Ya'iwʌpʌ pʌnmaj jatyijtʌ'ʌ tzajpojmo wa'y myujsu jutzpʌte' ʌmʌ. Na' ʌstij muspa porque teymʌjcʌ'ʌjyʌ' wanajcu. Ʌjte' te' Pʌ'nis 'Yune, y ʌs itcuy tzajpojmote'.

San Juan 3:35

Jene šunu Diojsis te' 'Yune. Te'cotoya quiojtu mumutiyʌ ñe' quiʌ'ojmo.

San Juan 7:29

Ʌs ispʌcpa'ʌs, porque tzu'cumu'ʌj ñe'cʌ ijtumʌy, y ñe'cʌ'sʌjyʌ' cʌ'weju.

San Juan 7:33

Pijche'ca ñʌjayaju Jesujsis: Ja'nʌjyʌ' maŋu nya'yu miji'ŋda'm. Jʌ'nʌ'amʌjyʌ' maŋgue'tpa ijtumʌy te' cʌ'wejupʌ'sʌj.

San Juan 8:14

'Yaŋdzoŋyaju Jesujsis: Wempe ʌsne' nwin ndzamʌ, ndzambaše'ʌs wiyuŋbʌ tiyʌte', porque muspa'ʌs jutʌ'ʌjyʌ' tzu'cumu y jutʌ'ʌj maŋba. Pero mista'm ja'nmis mustame jutʌ'ʌjyʌ' tzu'cumu ni jutʌ'ʌj maŋba.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

Hechos 2:36

Sunba'ʌs wa'y wiyuŋšej myujšaju mumu te' Israel-pʌ'nista'm que quiojtu Diojsis jujcha' Comi y Cristo yʌ' Jesús, ma'mʌytyamupʌmis cruzcʌsi.

1 Corintios 15:27

Diojsis quiojtu te' Jesús wa'y 'yaŋgui'moyu mumutiyʌcʌsi. Te' nʌmu'c: Myato'ŋoyjapya ñe'cʌ mumutiyʌ's, nʌctʌ'pyatʌ que ja'n 'yaŋgui'mi Jesujsis te' Dios, te' quiojtupʌ's mumutiyʌ wa'y myato'ŋoyjayaju Jesús.

Hebreos 1:2

Pero yʌ' ultimota'mbʌ aŋsʌ'ŋoyj oto'ŋʌytyamuwa'ndʌ Diojsis te' 'Yunepit. Y ñe'cʌpittijte'que' chʌjcu Diojsis mumutiyʌ y quiopiŋu wa'y ñe'cʌ's pyʌjcʌchoŋbʌ'u.