San Juan 13:2 - Zoque Copainalá New Testament

² Nʌtʌj inʌc ujcaŋbajcu Jesusji'ŋ. Diablo's quiojtu'ctya'nde' te' Judajsis choco'yojmo wa'y chi'oquia'u te' Jesús. Yʌ' Judas, Simón Iscariote's te' inʌc 'yune.

San Juan 13:2 ပူးပေါင်းရင်းမြစ်များ

San Mateo 10:4

Simón te' Zelotista'sta'm inʌc tyʌwʌ, y te' Judas Iscariote te' chi'oquia'upʌ's Jesús.

San Lucas 22:3

Pijche'ca tʌjcʌyu Satanás te' Judajsis choco'yojmo, te' ñʌjayajpapʌ Iscariote, tumʌ macwʌstʌjca'pyo'moc nʌcma'yʌyupʌ.

San Lucas 22:31

Nʌmgue'tu tʌ Ngomi: Simón, Simón, Satanajsismij nwya'ctamu wa'mij mbyuptochʌctamu jujcha' trigo.

San Juan 13:11

Porque myuspa inʌc Jesujsis iwʌ'ste' inʌc maŋba chi'oquia'u. Te'cotoyate' nʌmu: Ñempe ja'n mumuta'mbʌ.

San Juan 13:4

Tenaqui'mu jeque Jesús te' nʌtʌj ujcaŋbajcumʌy, yajʌ'cʌ'u ñiyam y pyʌjcu toalla y ši'nʌyu wyingʌsi.

Hechos 5:3

Pero ñʌjayu Pedro's: Ananías, ¿tiyajca'nde' jyo'ʌyjayu Satanajsis mis ndzocoy wa'mis sutzjayu Espíritu Santo, y wa'mis nyajtzʌ'yu wene te' tumin ma'ʌyuše'ŋgʌsimis te' nas?

2 Corintios 8:16

Pero yʌscotoya chʌcpa Diojsis que quiojtu Tito's choco'yojmo te'šejpʌ su'noquiuy mijcotoyata'm.

Efesios 2:3

Te'šejtijque' tʌta'm wina wittambatʌ inʌc ñe'cʌji'ŋda'm. Y janwyʌ'aŋja'moytyamʌ'cmajtʌ, ndzʌctambatʌ inʌc ne'ta'm yatzipʌ nwi'nis šu'noquiuy y ŋgo'ŋdambatʌ inʌc ne' ŋguipsoquiuy šunbašej inʌc tʌ ne' ndzoco'yis. Y como ndzʌctambatʌ inʌc te'šejta'mbʌ tiyʌ, Diojsistʌ maŋba inʌc yajnʌco'aŋgʌyu jujcha' wiyuŋšej maŋbamaj yajnʌco'aŋgʌyaju te' te'šej chʌcjojcʌtʌquiajpapʌ's.

El Apocalipsis 17:17

Porque Diojsis quiojtu yʌ' re'yista'm choco'yojmo wa'y chʌquiaju ñe'cʌ's quipsu y šunušej, wa'y tyuma'yaju quipsoquiuy y wa'y pyʌmitzi'jayaju te' copʌ'nis 'yaŋgui'mʌtʌjcuy hasta que cota'nbʌ'pa te' Diojsis chamušej.