San Juan 13:18 - Zoque Copainalá New Testament

¹⁸ Ja'ʌsmij mumu ndzamdame, muspa'mʌs iwʌta'mʌs ŋgopiŋu. Pero maŋbate' tyujcu chambašej Totojaye's: Te' ʌji'ŋ tumʌcu'tpapʌ's maŋba'ʌj ma'ʌyu.

San Juan 13:18 ပူးပေါင်းရင်းမြစ်များ

San Mateo 10:36

Y te' mismopʌ tʌjcoyjtya'mbʌ'ste' maŋba qui'nišaju te' tyʌwʌ.

San Mateo 26:21

Y nʌ'candʌj ŋgu'tu nʌjayutʌj Jesujsis: Wiyuŋše'ʌsmij ndzamjaytyamba que tuma'ŋbʌn mi'ojmocta'mbʌ'sʌj maŋba tzi'oquia'u.

San Mateo 26:23

Pijche'ca ñe'cʌ aŋdzoŋu y nʌmu: Iwʌ's tyumʌto'spa te' pan ʌji'ŋ tumʌpʌ plato'mo, te'wʌ'sʌjte' maŋba tzi'oquia'u.

San Marcos 14:17

Y tzu'yanʌmu'ca maŋu Jesús te' macwʌstʌjca'ytya'mbʌji'ŋ.

San Marcos 14:18

Te'ya pocšaju'c te' mesa'ojmo wa'y quiu'tyaju, nʌmu Jesús: Wiyuŋše'ʌsmij ndzamjaytyamba, ijtu tuma'ŋbʌn mi'ojmocta'm nʌ quiu'tupʌ ʌji'ŋ maŋbapʌ'sʌj tzi'oquia'u.

San Marcos 14:20

Ñe'cʌ's ñʌjayaju: Iwʌ's tyumʌto'spa te' pan ʌji'ŋ tumʌpʌ plato'mo, te'wʌte' te' macwʌstʌjca'pyʌ pʌ'nojmo maŋbapʌ'sʌj tzi'oquia'u.

San Lucas 22:21

Pero matoŋdamʌ, yʌtij yʌy nʌ tyumʌcu'tu ʌji'ŋ mesa'ojmo te' maŋbapʌ'sʌj tzi'oquia'u.

San Juan 13:21

Y yʌ'še'a nʌmu'c Jesús tuyuquiʌñe'cu choco'yojmo. Y quejuqueju'c cha'maŋwaju: Wiyuŋše'ʌsmij nwiyuŋdzamjaytyamba, que tumʌ mi'ojmocta'mbʌ'sʌj maŋba tzi'oquia'u.

San Juan 13:22

Pijche'ca te' quiʌ'aŋmaye'sta'm yʌ'wʌ te'wʌ ñique'nʌyaju tyʌwʌ, ja'n inʌc myujšay jutiwʌte' nʌ chamu.

San Juan 13:26

Aŋdzoŋu Jesús: Te' maŋbapʌ'ʌs ndo'sjayu te' pan wa'yʌs ndzi'u, te'wʌ'ste'. Y tyo'su'ctij te' pan, chi'u te' Judas Iscariote, Simo'ŋis 'yune.

San Juan 15:16

Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.

San Juan 15:19

Juca inʌc mij ja'n nwyʌ'aŋja'moytyame, te' ja'n wyʌ'aŋja'moyapyʌ's šunʌtʌjtambamij inʌc. Pero como nwyʌ'aŋja'moytyambamij, y ʌsmijyʌ' ŋgopiŋbuttamu te' ja'n wyʌ'aŋja'moyapyo'moc, te'cotoyamijte' ŋgui'nisʌtʌjtamba te' ja'n wyʌ'aŋja'moyapyʌ's.

San Juan 15:25

Pero yʌ'šej chʌquiaju'ŋmʌjcʌ tujcu te' chambašej ñe'ta'm 'yaŋgui'mgu'yojmo, te' nʌmbamʌy: Comeque'cti'ʌj qui'nišaju.

San Juan 17:12

Yʌmya'ʌj ijtu'cše'ŋoyj ñe'cʌji'ŋda'm najsacopajcʌsi ŋgopʌquiajpa'ʌs ŋgotu'šajpa'ʌs inʌc mis mbʌmipit, te' ndzi'yajupʌmisʌj. Ngopʌquiaju'ʌs ŋgotu'šaju'ʌs y nijutipʌ jatyocoya, na' tumʌ te' tocoquiuquiotoya pʌ'najupʌ pʌn. Te'šej tujcu chambašej Totojaye's.

San Juan 18:32

Ñe'ta'm chamepit chʌcta'ñaju wa'y tyujcu Jesujsis chamušej, chamu'c wina wa'y yajnʌctʌ'yaju jutz inʌc maŋba quia'u.

San Juan 19:24

Y nʌmyaju ñe'co'mo te' soldadota'm: Uytyʌ ndzitztamu sino que ma'ndʌ sijtamu yʌ' ñiyam wa'ytyʌ ŋguenu iwʌ's ñe'ajpa. Y te'šej chʌquiaju'c tujcu te' chambašej Totojaye's: Wye'nbʌ'jayaju ʌs mbama ñe'co'mota'm, Y quiosijayaju ʌs niyam. Y te'šej chʌquiaju te' soldado'sta'm.

San Juan 19:36

Porque yʌ'šejta'mbʌ tiyʌ tuquiaju wa'ytye' quiota'nbʌ'u te' Totojaye's chambašej: Ja'n maŋu pyu'ŋguitjayaju ñe' pyac.

San Juan 21:17

Ñʌjaquie'tu Jesujsis tyuca'y ñaco'mo: Simón, Jonajsis 'yune, ¿sunbaja'ʌj? Tuyuquiʌñe'cu Pedro tyuca'y ñaco'ma' quiʌ'aŋwa'cu'ŋmʌjcʌ Jesujsis: ¿Sunbaja'ʌj? Aŋdzoŋgue'tu Pedro: Señor, bieŋdijmis muspa mumutiyʌ. Muspamis que sunba'ʌsmij. Ñʌjayu Jesujsis: Pʌ'nʌyjaya ʌs ñchowambeta'm ʌs ndzamepit.

San Juan 6:70

Y aŋdzoŋutʌj Jesujsis: Mijta'm te' macwʌstʌjca'ytya'mbʌ, ʌsmijte' ŋgopiŋdamupʌ. Pero mi'ojmota'm ijtu tumʌ ñʌc'ijtʌyupʌ yatziwʌ's.

Hechos 1:16

Atzita'm, pyʌcpapʌte' inʌc wa'y tyujcu ja'yʌyušej Totojaye'ojmo, chamušej wina Davijtis te' Judas te' Espíritu Santopit. Yʌ' Judajsiste' wyi'najayaju te' pʌnda'm wa'y maŋu ñuquiaju Jesús.

Hechos 1:2

Yʌ'šej chʌjcu Jesujsis hasta tiyʌ jama pyʌjcʌchoŋu Diojsis tzajpojmo, chamjayaju'ca Espíritu Santopit tiyʌ wa'y chʌquiaju te' cʌ'we'ista'm te' ñe'cʌ's quiopiŋyajupʌ.

2 Corintios 4:5

Porque ja'ndʌs ndzamgopuwi tʌs oyepʌ pʌ'najcuy sino que te' Jesucristo jujcha' Comi, y tʌj jujcha' mista'm ŋgoyospapʌ Jesuspit.

Hebreos 4:13

Diojsis chʌjcu mumutiyʌ, y ñe'cʌ's quienba y myuspa mumutiyʌ. Ñe'cʌ's quienba mumutiyʌ y mumu'iwʌ mumujutʌ, y ñe' wyi'naŋdʌjqui maŋbatʌ ndza'maŋguejtamu nwin.

El Apocalipsis 2:23

Y ñe' 'yuneta'm quio'ŋjayajpapʌ's ñe' chʌqui maŋba'ʌs ŋgotjayaju toya wa'y quia'yaju. Y mumu Diojsis tyu'mʌquiu'yis maŋba myujšaju que ʌs ocme'tzpʌ'jayajpa'ʌs pʌ'nista'm quipsoquiuy y chocoy. Y tumduma'ŋbʌnmij maŋba ŋguiʌme'tzatʌjtamu tiyʌta'm mis ndzʌctamu yʌy najsacopajcʌsi.