San Juan 13:14 - Zoque Copainalá New Testament

¹⁴ Comi'ʌjyʌ' y Cowi'na'ʌjyʌ', y nʌ'ʌs ndze'jayu mista'm ne'ŋbac. Te'šejtij pyʌjque'tpa mista'm wa'mij nache'jatʌjtaŋgue'tu mista'm ne'ŋbac.

San Juan 13:14 ပူးပေါင်းရင်းမြစ်များ

San Juan 11:2

Yʌ' María te' ca'epʌ Lazaro'ste' inʌc quiose. Yʌ'wʌ'stijte'que' jyasjayu tʌ Ngomi omombapʌ jajsoquiupyit y quiomocjayu ñe'ŋbac wyapyit.

Hechos 20:35

Mumutiyʌcʌsi'amʌsmij aŋmaytyamu jutztʌ wa'y nyojsu y pyʌcpapʌte' wa'ytyʌ ŋgotzoŋyaju quieñajpapʌ's yacsnu'ajcuy, y uytyʌ njambʌ'jayu Ngomi Jesujsis chame, nʌmu'c: Mastʌ dichoso'ajpa wa'ytyʌ saju y ja'n wa'ytyʌj tʌj tzi'yaju.

Romanos 12:10

Našunʌtʌjtamʌ ne'co'mo jujcha' našunʌtʌjyajpapʌ atzita'm. Mʌja'ŋgomʌ'ytyamʌ ndʌwʌ ne'co'mota'm.

Romanos 12:16

Tumʌquipsoytyamʌ ne'co'mo. Uy mʌja'ŋgomʌ'ytyame nwin, pero yumijcotzʌctamʌ nwin yumijta'mbʌji'ŋ. Uy mujsoyešej comʌ'ytyame nwin.

1 Corintios 12:3

Te'cotoya nyajmustamba'ʌsmij que ya'iwʌ tzamdzamnapyapʌ Diojsis 'Yespiritupit ja'n musi ñʌmu: Diojsis wyi'naŋdʌjqui tocoyupʌte' te' Jesús. Y ya'iwʌ ja'n musi ñʌmu juca ja'n Espíritu Santopit: Jesús tʌte' Ngomi.

1 Corintios 8:13

Te'wʌcotoya juca te' cu'tcupyit nyajnepcʌschʌmba te' atzi, ja'na'mʌs ŋgʌ'sque'temaj sis, u'yʌs nyajnepcʌschʌmu'ŋmʌjcʌ ʌs atzi.

2 Corintios 10:1

Ijtu mi'ojmota'm nʌmyajpapʌ que ʌj Pablo, te'yʌj ijtu'c mista'm nwi'naŋdʌjqui, wiyuŋšej nyumijcotzʌcpa'nʌs nwin, pero ya'yʌj ijtu'c jana na'chu'yʌsmij njayjaytyamba. Te' Cristo's yumi'ajcupyit y 'yoye'ajcupyit te' ñe'cʌ'sʌj tzi'upʌ, nwa'cjaytyamba'ʌsmij jeque,

2 Corintios 8:9

Porque musjaytyamba'mis Ngomi Jesucristo's yajya'moquiuy, y jutzmij šundamba. Ñempe mʌja'ŋbʌte' yacsnu'ajcu'yojmopʌšej chʌjcu wyin mijcotoyata'm, wa'mij yajmʌja'ŋajtamu ñe' yacsnu'ajcupyit.

Gálatas 5:13

Porque mijta'm, atzita'm, ñchʌcʌpʌ'tamumij y nwyejtamumij Diojsis, pero jañchʌcʌpʌ'tamʌmij wa'mis ndzʌctamu mis yatzipʌ nwi'nis šunbašej. Pero našunʌtʌjtamʌ y naquiotzowatʌjtamʌ ne'co'mo.

Filipenses 2:11

Y myuma'ŋgʌ'y wa'y quiowʌ'aŋjamyaju que Jesucristote' te' Comi, y te'šej wa'y myʌja'ŋwʌcotzamyaju tʌ Ndata Dios.

1 Timoteo 5:10

Y te' oyeta'mbʌ chʌquipit pyʌcpa wa'y wyʌcotzamyaju pʌ'nista'm juca yajtzojcu une, juca chi'oquia'u jejcuy, juca che'jayu masanbʌ'nista'm ñe'ŋbac, juca quiotzoŋu nʌ quienupʌ's toya, y juca chʌcjojcʌtʌcpa oyeta'mbʌ tiyʌ.

Hebreos 12:2

uytyʌ ŋguendocoytyamu Jesús quiojtupʌ's te' wʌ'aŋja'moquiuy tʌta'm ndzoco'yojmo. Ñe'cʌ'stʌ maŋba yajwʌ'aŋjamjojcʌtʌjcu. Jañʌctza'a'ʌ wa'y yajca'yaju cruzcʌsi porque myujsu que jʌsa'ca maŋba inʌc 'yomdzocopyajcu. Y yʌtij pocspajcu Diojsis chʌ'na'ŋoyj nimeque'ctijpʌ mʌja'ŋajcu'yojmo.

1 Pedro 4:1

Te'cotoya como quienu toya Cristo's tʌcotoyata'm ñe' cuerpopit, te'šej pyʌcpa wa'mis nʌ'itjaytyamu ñe' quipsoquiuy wa'mis ŋguendaŋgue'tu toya mista'm. Porque te' pʌn wiyuŋše'a quiʌtʌjcupʌ's maya'aŋbʌ toya, ja'na suni quiowapa'tu.

1 Pedro 5:5

Y jujche'ŋ soca's y papiñomo's yajmato'ŋoyjaya ancianota'm. Y jujche'ŋ tu'mʌyajpapʌ, mumu yajmato'ŋoya ñe'co'mota'm yumijpʌ tzocopyit porque yʌ'šej chamba te' Totojaye's: 'Yotoŋwinduquiajpa Diojsis te' myʌja'ŋdzʌquiajpapʌ's wyin, Y yajyamba te' yumijta'mbʌ.