San Juan 13:13 - Zoque Copainalá New Testament

¹³ Mis, nʌjaytyambamisʌj Maestro y Comi, y nwyiyuŋdzamdambamij porque pijtʌjyʌ'.

San Juan 13:13 ပူးပေါင်းရင်းမြစ်များ

San Mateo 20:28

Jujcha' ʌj, te' Pʌ'nis 'Yune, jaminʌ'ʌj wa'yʌj yosjayaju, sino que minu'ʌj wa'yʌs coyospawʌšej ndzʌjcu nwin. Y minu'ʌs ndzi'oquia'u nwin wa'yʌs njupyujtyaju wʌwʌ pʌn.

San Lucas 10:28

Y Jesujsis ñʌjayu: 'Yaŋdzoŋumij oye. Tzʌcʌ te'šej y mba'tpamis te' iscuy-quenguy.

San Lucas 6:46

¿Tiyajca'mʌjte' nʌjaytyamba, Señor, Señor, y ja'nmis ndzʌctame tiyʌ ʌs ndzamba?

San Lucas 7:43

Aŋdzoŋu Simón y nʌmu: Ngomʌ'pya'ʌs que te' más wʌwʌ yajcotocoyupʌ te' comi's. Y Jesujsis ñʌjayu: Oyete' mis ndzamušej.

San Juan 11:2

Yʌ' María te' ca'epʌ Lazaro'ste' inʌc quiose. Yʌ'wʌ'stijte'que' jyasjayu tʌ Ngomi omombapʌ jajsoquiupyit y quiomocjayu ñe'ŋbac wyapyit.

San Juan 11:28

Yʌ'še'a nʌmu'c Marta, maŋu wyeju pyotzo María, y nu'mdij ñʌjayu: Tey ijtu te' Maestro, y nʌmij nwyeju.

San Juan 11:3

Te' quiose'sta'm jeque, yajmaŋyaju cʌ'wej wa'y maŋu chamjayaju Jesús que ca'epa'tu te' jene šunbapʌ.

1 Corintios 12:3

Te'cotoya nyajmustamba'ʌsmij que ya'iwʌ tzamdzamnapyapʌ Diojsis 'Yespiritupit ja'n musi ñʌmu: Diojsis wyi'naŋdʌjqui tocoyupʌte' te' Jesús. Y ya'iwʌ ja'n musi ñʌmu juca ja'n Espíritu Santopit: Jesús tʌte' Ngomi.

1 Corintios 8:6

Pero tʌcotoyata'm tumʌtij ijtu te' Dios, y ja'ndiyʌ eyapʌ. Yʌ'wʌ te' Tataj, te' chʌjcupʌ's mumutiyʌ, y tʌta'm ittamutʌ ñe'cʌcotoya. Y tumʌtij ijtu tʌ Ngomi Jesucristo, y ñe'cʌpit ijtu mumutiyʌ, y tʌta'm ittamutʌ ñe'cʌpit.

Efesios 6:9

Coyosa-comita'm, tzʌctamʌ justota'mbʌ tiyʌ mis ŋgoyosacotoyata'm. U'ya tzʌcna'tzoytyame porque mustambamis que te' tʌ Ngomi tzajpojmo ijtupʌ, maste' aŋgui'mbapʌ Comi y tu'mbac quienba aŋgui'mopyapʌ y coyospapʌ. Y ñe'cʌ's ja'n myenoschʌqui ya'iwʌ.

Filipenses 2:11

Y myuma'ŋgʌ'y wa'y quiowʌ'aŋjamyaju que Jesucristote' te' Comi, y te'šej wa'y myʌja'ŋwʌcotzamyaju tʌ Ndata Dios.

Filipenses 3:8

Wiyuŋšej mumu yʌ'šejta'mbʌ tiyʌ tocoquiuyše'amʌs nʌ'ijtyaju porque más oye wa'yʌs wiyuŋšej ndumʌtzocoy ispʌjcu Cristo Jesús, ʌs Ngomi. Ñe'cʌcotoya mumutiya'mʌs tocoyupʌ tiyʌšej ndzajcu, y putziše'amʌs ŋgomʌ'pya wa'ytyi'ʌs ndumʌtzocoy nite'tzʌyu yʌ' Cristo.

Santiago 2:19

Sa'sa mis nwʌ'aŋjamba que Dios tumʌwʌtijte'. Te'šejtijque' wyʌ'aŋjamyajque'tpa yatzi-espiritu'sta'm y na'tzisʌtʌjtyajpa.