San Juan 12:42 - Zoque Copainalá New Testament

⁴² Ñempe te'šej chamu, soneta'mbʌ cowi'na's wyʌ'aŋjamyaju Jesús. Pero ja'n inʌc quiowʌ'aŋjamyay porque ña'chajpa inʌc te' fariseota'm uy maŋu myacpujtyatʌju judio-windʌjcojmoc.

San Juan 12:42 ပူးပေါင်းရင်းမြစ်များ

San Mateo 10:32

Iwʌ'sʌj cowʌ'aŋjamba pʌ'nista'm wyi'naŋdʌjqui, maŋba'ʌs ŋgowʌ'aŋjamgue'tu te' tzajpojmo ijtupʌ ʌs Ndata's wyi'naŋdʌjqui.

San Lucas 12:8

Y ʌsmij nʌjaytyamba que mumu'iwʌ'sʌj cowʌ'aŋjamba pʌ'nista'm wyi'naŋdʌjqui, ʌs, te' Pʌ'nis 'Yune's, te'šejti'ʌs maŋba ŋgowʌ'aŋjamyajque'tu te' Diojsis 'yangelejsista'm wyi'naŋdʌjqui.

San Lucas 23:13

Pijche'ca Pilato's yajtu'mʌpyʌ'yaju sacerdote-cowi'nata'm, y te' aŋgui'myajpapʌ y mumu te' pʌnda'm.

San Lucas 6:22

Dichoso mijta'm cuando ŋgui'nistambamij pʌ'nista'm, y cuando ja'n wyijtyay miji'ŋda'm y nwyinʌcnʌ'mnʌ'mwʌtʌjtambamij. Dichoso mijta'm yatzicomʌ'yjayajpa'c mista'm nʌy porque nwʌ'aŋjamdambamisʌj, ʌj te' Pʌ'nis 'Yune.

San Juan 11:45

Pijche'ca soneta'mbʌ judio miñajupʌ y tey inʌc ijtyajupʌ Mariaji'ŋ, quieñaju tiyʌ chʌjcu Jesujsis, y te'cotoya wyʌ'aŋjamyaju tʌ Ngomi.

San Juan 12:11

Porque Lazaropit soneta'mbʌ judio's inʌc nʌ chaquiaju ñe' wyʌ'aŋja'moquiuy wa'y quio'ŋyaju Jesús.

San Juan 16:2

Maŋbamij myacputʌtʌjtamu judio'sta'm wyindʌjcojmoc. Y maŋba minu aŋsʌŋ maŋba quiomʌ'yaju'c que nʌ quiʌna'tzʌyaju Dios iwʌ'smij yajca'ʌtʌjtamba.

San Juan 19:38

Arimatea'ojmopʌ José, quiʌ'aŋmayete' inʌc Jesujsisñe', pero nu'mdijpʌ porque ña'tzpa inʌc te' judiota'm. Y cʌtʌjcu'ca mumu te'šejta'mbʌ tiyʌ, yʌ'wʌ's maŋu ñʌjayu Pilato: Yajwa'cʌ'ʌj te' Jesujsis cuerpo wa'yʌs maŋu nyajwanajcu. Y Pilato's ñʌjayu: Ma yajwanacʌ. Pijche'ca minu te' José y yajwanajcu te' Jesujsis cuerpo.

San Juan 3:2

Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 7:13

Pero ya'iwʌ's inʌc ja'n quiotzame ñe'cʌ quejuqueju'c, porque ña'tzjayajpa inʌc judio'sta'm quiowi'na.

San Juan 7:31

Y wyʌ'aŋjamyaju ñe'cʌ wʌwʌ pʌ'nista'm y nʌmyajpa inʌc: Minba'ca te' Cristo, ¿maŋbasʌ'ŋ chʌjcu más isaŋwʌ'ajcuy que ja'n yʌ'wʌ's?

San Juan 9:22

Yʌ'šej nʌmyaju te' tyatajta'm porque ña'chajpa inʌc te' judiota'm porque nʌmyaju'ctya'nde' que iwʌ nʌmba que Jesuste' te' Mesías, maŋba myacpujtyaju te' ñe'ta'm wyindʌjcojmoc.

San Juan 9:34

Ñʌjayajque'tu fariseo'sta'm te' to'tipʌ inʌc: Saŋgowatzʌquimijyʌ' mbyʌ'naju, ¿y sunbajatʌj aŋmayu mis? Y myacpujtyaju te' ñe'ta'm wyindʌjcojmoc.

Hechos 5:41

Y tzu'cumyaju te' aŋgui'moye'sta'm wyi'naŋdʌjqui, y ñʌ'omyaju que Diojsis myayatʌju pyʌcpašej wa'y yacsnutzʌquiatʌju ñe' Ñʌquiotoya.

Romanos 10:10

Porque tʌ ndzocopyit wʌ'aŋja'mopyatʌ y justococotpatʌ Diojsis, y tʌ aŋnacapit cowʌ'aŋja'mopyatʌ y yajcotzocpatʌ Diojsis.

1 Juan 4:15

Iwʌ tumʌtzocoy nʌmbapʌ que Jesús Diojsis te' 'Yune, ñe' choco'yojmo itjojcʌtʌcpa Dios y Diojsis ñʌ'itjojcʌtʌcpa te'šejpʌ pʌn choco'yojmo.

1 Juan 4:2

Yʌ'wʌcʌsitʌ muspa iwʌ's ñʌ'itjayu Diojsis 'Yespiritu: Iwʌ tumʌtzocoy nʌmba que Jesuste' te' Cristo, Diojsis quiopiwi, y que minu pyʌ'naju jujcha' pʌn najsacopajcʌsi, te'šej quiowʌ'aŋjambapʌ's, te'wʌte' aŋma'yopyapʌ Diojsis 'Yespiritupit.