San Juan 12:41 - Zoque Copainalá New Testament

⁴¹ Yʌ'šejta'mbʌ tiyʌ chamu Isaiajsis quienjayu'c tʌ Ngomi's chi'muŋgʌ', y te'šej chamu ñe'cʌ.

San Juan 12:41 ပူးပေါင်းရင်းမြစ်များ

San Lucas 24:27

Y te' Moisejsis y mumu te' tza'maŋwa'oye's jya'yʌyupʌ tiyʌpit ñitzʌjcu Jesujsis wa'y cha'maŋwajayaju mumu te' Totojaye ja'yʌyumʌy ñe'cʌ.

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 5:39

Ndacsoctu'ndambamis te' Totojayeta'm porque nwʌ'aŋjamdambamis que te'wʌcʌsi mba'ttambamis te' ja'n yayepʌ quenguy. Te'wʌ'sʌjte' cotestigosajyajpa ʌj,

Hechos 10:43

Yʌ' Jesuste' inʌc chamyajpa mumu tza'maŋwa'opyapʌ's yʌ'šej: Mumu jujche'ŋ wyʌ'aŋjambapʌ's ñe'cʌ, maŋba quiotocoyaju quiowa ñe' ñʌquiʌsi.

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

Hebreos 1:3

Yʌ' Diojsis 'Yune mʌja'ŋbʌyʌ' jujcha' Dios, y tzi'muŋba myʌja'ŋajcu'yojmo Diojsis myʌja'ŋajcupyit. Y Tyata Diojsis chocoy y itcuy ñʌ'itjayu. Y como mʌja'ŋbʌte', 'yaŋgui'mba ñe'cʌ's mumutiyʌ chamepit. Yajcowajayu'ca tʌta'm ndzocoy cowapit, pijche'c maŋu pyocspajcu tzajpojmo Diojsis chʌ'na'ŋoyj nimeque'ctijpʌ mʌja'ŋajcu'yojmo.

1 Pedro 1:11

Te' Cristo's 'Yespiritu te' ijtupʌ inʌc tza'maŋwa'oye'sta'm choco'yojmo, te'wʌ's cha'maŋwajpa inʌc jutz inʌc maŋba tyoyapʌjcu te' Cristo, y jutz Diojsis maŋba inʌc yajmʌja'ŋaju Cristo toyapʌjcu'ca. Y te' tza'maŋwa'oye'sta'm chʌcme'chaju wa'y ñʌctʌ'yaju iwʌte' chamba te' Cristo's 'Yespiritu's y tiyʌ jama maŋba inʌc tyujcu te'šejta'mbʌ tiyʌ.

El Apocalipsis 19:10

Y mucscʌne'cu'ʌj te' angelejsis ñe'ŋbajcʌ'y wa'yʌs ŋgʌna'tzʌyu. Y ñe'cʌ's nʌjayu'ʌj: Uy mucsnay ʌs nwi'naŋdʌjqui. Coyosati'ʌjyʌ'que' pʌnšej, jujcha' mij y mis atzita'm, te' quiotestigosajyajpapʌ's Jesucristo. Mucsnayja, pero Dios. Porque ŋgotestigosajpa'ctʌ Jesús, pyʌcpa wa'ytyʌ ndumʌquipsoyu quipsoyajušej Diojsis cha'maŋwa'oye.