San Juan 12:36 - Zoque Copainalá New Testament

³⁶ Nʌ'cše'ŋo'yʌsmij sʌ'ŋgʌtzʌcjaytyamu wittamʌ ʌs sʌ'ŋgʌ'ojmo, wa'mis mustamu tiyʌte' te' wiyuŋšejpʌ sʌ'ŋgʌ'. Yʌ'šejta'mbʌ tiyʌ chamu Jesujsis, y maŋu quiʌwʌ'nu wyin.

San Juan 12:36 ပူးပေါင်းရင်းမြစ်များ

San Mateo 21:17

Y Jesujsis chaquiaju y tzu'cumu te' cumgu'yoyj, y maŋu Betania-cumgu'yojmo, y teymʌ maŋu 'yʌŋu.

San Mateo 5:14

Miste' maŋba sʌ'ŋgʌtzʌcjaytyamu najsacopajcʌsita'mbʌ pʌn, porque pu'mnacʌsi ijtupʌ cumguy ja'ndʌ musi ŋgʌwʌ'nu.

San Lucas 16:8

Y wyʌcotzamu quiomi's te' ja'n 'yoyepʌ quio'aŋgui'moye porque chi'twituwituwʌyu. Yʌ' yʌtijta'mbʌ ja'n wyʌ'aŋjamyapyʌ's Dios chi'twituwituwʌyajpa yempetiyʌ tyʌwʌji'ŋda'm más que ja'nde' sʌ'ŋgʌ'ojmo ijtyajupʌ's.

San Juan 1:7

wa'y minu quiotestigosaju te' šʌ'ŋgʌtzʌcjayajpapʌ's te' pʌ'nista'm chocoy, y Jua'ŋis chamepit wa'y ñe'cʌ wyʌ'aŋjamyaju mumu pʌ'nis.

San Juan 11:54

Te'cotoya ja'na inʌc wyiti Jesús quejuqueju'c Judea'ojmo. Tzu'cumu tey y maŋu chics cumgu'yojmo ñʌjayajpapʌ Efraín, te' tome quienbamʌy lugar ja'itʌnʌmʌmʌy. Teymʌtʌj maŋu nʌtzʌ'yu tʌj te' quiʌ'aŋmaye.

San Juan 12:37

Ñempe chʌjcu Jesujsis sone isaŋwʌ'ajcuy ñe'ta'm wyi'naŋdʌjqui jawyʌ'aŋjamya.

San Juan 12:46

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

San Juan 3:21

Pero iwʌ's chʌcpa wiyuŋda'mbʌ tiyʌ ca'ŋdʌjcʌpya sʌ'ŋgʌ'ojmo wa'y myusjayaju chʌqui pʌ'nista'm que Diojsiste' nʌ quiotzoŋu.

San Juan 8:12

'Yoto'ŋʌwyʌtzʌquiaju Jesujsis te' tu'mʌyajupʌ te' templo'ojmo, y ñʌjayaju: Ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy. Iwʌ'sʌj co'ŋba ʌj ja'n wyiti pi'tza'ŋajcu'yojmo, sino que sʌ'ŋba te' chocoy, pya'tpapʌpit iscuy-quenguy.

San Juan 8:59

Pijche'ca pyʌquiaju tza' wa'y tyʌŋga'yaju. Pero Jesujsis quiʌwʌ'nu wyin, y pujtu te' templo'ojmoc. Y cʌtʌjcu ñe'ta'm quiucmʌ, y maŋu.

Efesios 5:8

Wina pi'tzʌta'majmis inʌc ŋguipsoquiuy, pero yʌtij tʌ'a Ngomi's 'yaŋgui'mʌtʌjcuquiʌ'mʌ mij ittamu ñe' šʌ'ŋgʌ'ojmo. Te'cotoya tu'ŋajtamʌ oye'c tu'ŋajyajpašej te' sʌ'ŋgʌ'ojmo ijtyajpapʌ.

1 Tesalonicenses 5:5

Porque tʌta'm ja'na pi'tzʌ tʌta'm ndzocoy wa'ytyʌ nwittamu pi'tza'ŋajcu'yojmošej. Diojsis šʌ'ŋjawya'a tʌ ndzocoy wa'ytyʌ nwittamu jujcha' jama's wyi'noyj.

1 Tesalonicenses 5:8

Pero tʌjta'm, jʌ'ctzʌ'ytya'mitʌy nwin, porque jama's wyi'noyjšejtʌ wittamba. Jujcha' soldado's yamba tʌ'ŋgupyʌ pama wa'y quioquijpu wyin, te'šejtʌ ŋgoquijpa nwin nwʌ'aŋjamgupyit y su'noquiupyit. Y jujcha' soldado's yamgue'tpa tʌ'ŋgupyʌ quio'tzunu wa'y yajcotzojcu quiopac, te'šejtʌ njo'cpa wa'ytyʌ ŋgotzojcoctujcu.