San Juan 12:27 - Zoque Copainalá New Testament

²⁷ Yʌtij maya'a'ŋʌj nʌ ndoyapʌjcu ndzoco'yojmo. ¿Tiya'mʌs ndzamjaytyʌ'wa' Ndataj? ¿Maŋbasʌ'ŋʌs nʌjayu: Tatay, yajcotzoca'ʌj yʌtijpʌ'ʌs ndoyapʌjcu'yojmo? Ja'nde, ja'ʌs ndzame te'šej, porque nu'cupa'yʌ' hora wa'yʌj ndoyapʌjcu.

San Juan 12:27 ပူးပေါင်းရင်းမြစ်များ

San Mateo 11:25

Te' aŋsʌ'ŋoyjtyijque' 'yoto'ŋʌyu Jesujsis te' Dios, y nʌmu: Tatay, tzajpis y najsacopajquis Quiomi, mʌja'ŋwʌcotzamba'ʌsmij porque ŋgʌwʌ'numis yʌ'šejta'mbʌ tiyʌ wa'y jana ñʌctʌ'yaju te' mujsoye's y nʌctʌ'yoye's, y nyajnʌctʌ'yajumis te' ja'n myujsoyapyʌ.

San Mateo 11:26

Te'šej jeque oye Tatay, porque te'šej mis nwʌcomʌ'yu wa'mis ndzʌjcu.

San Mateo 26:42

Maŋgue'tu myetza naco'mo y 'yoto'ŋʌyu Dios, y yʌ'šej ñʌjayu: Tatay, juca ja'n 'yoye wa'mis nyajʌcʌ'jayu yʌ' ʌs maŋba nʌcʌtʌjcupʌ toya, juca pyʌcpa wa'yʌs nʌcʌtʌjcu, tzʌcʌ mis sunbašej.

San Mateo 26:45

Pijche'ca quiʌ'miñajque'tu Jesujsis te' quiʌ'aŋmayeta'm, y ñʌjayaju: Ʌŋdama'a, y sapʌctamʌ. Yʌtij nu'cwa'nde' hora wa'yʌj tzi'oquia'yaju ʌj, te' Pʌ'nis 'Yune, cowatzʌquita'mbʌ's quiʌ'ojmo.

San Lucas 22:44

Tey nʌ tyoyapʌjcu'c, tyumʌtzocoy 'yoto'ŋʌyu Dios. Y nutzʌta'm inʌc tzu'nbʌ'pa ñʌ'pinbʌsa' nascʌsi.

San Lucas 22:53

Tumdumʌ jama inʌjcʌj itpa miji'ŋda'm te' templo'ojmo y jañuctamʌmisʌj. Pero yʌtijte' te' hora wa'y yojsu miji'ŋda'm te' pi'tza'ŋajcu'yis quiomi.

San Juan 11:41

Pijche'ca yajʌcʌ'yaju te' tza' aŋga'mupʌpit te' tza'tʌc. Y quengui'mu cʌsmʌ Jesús y nʌmu: Tatay, yʌscotoya mis ndzʌcpa, porque ŋgʌmato'ŋʌyumisʌj.

San Juan 12:23

Pijche'c Jesujsis 'yaŋdzoŋyaju: Nu'cwa'nde' aŋsʌŋ wa'yʌj yajmʌja'ŋaju Diojsis ʌj, te' Pʌ'nis 'Yune.

San Juan 13:21

Y yʌ'še'a nʌmu'c Jesús tuyuquiʌñe'cu choco'yojmo. Y quejuqueju'c cha'maŋwaju: Wiyuŋše'ʌsmij nwiyuŋdzamjaytyamba, que tumʌ mi'ojmocta'mbʌ'sʌj maŋba tzi'oquia'u.

San Juan 18:37

Pijche'ca ñʌjayu Pilato's: ¿Reyja jeque mijyʌ'? Aŋdzoŋu Jesús: Mijte' nʌ ñʌmu que re'yʌjyʌ'. Minu'ʌj mbʌ'naju najsacopajcʌsi wa'yʌs ŋgotestigosaju wiyuŋbʌ tiyʌ. Te'cotoya'ʌjyʌ' minu. Iwʌ'sta'mis wyʌ'aŋjamyajpa wiyuŋbʌ tiyʌ myatoŋjayajpa ʌs otowe.

1 Timoteo 1:15

Yʌ'wʌ jeque wiyuŋšejpʌ tzameyʌ', y pyʌcpa wa'y tyumʌtzocoy pyʌjcʌchoŋu mumu pʌ'nis. Wiyuŋšej, te' Cristo Jesús minu najsacopajcʌsi wa'y yajcotzojcu cowapa'tyajupʌ, y te'wo'mocta'm ʌjte' te' más cowatzʌqui.

Hebreos 2:14

Tʌta'm Diojsistʌyʌ' 'yuneta'm, y pʌnda'mdʌyʌ'. Te'cotoya te'šejtijque' minu pyʌ'najque'tu ñe'cʌ pʌnšej. Y ca'u wa'y yaju ñe'cʌ's te' diablo, porque te'wʌ'stʌte' yajca'tamba pyʌmipit.

Hebreos 5:7

Yʌmyaj ijtu'c Cristo najsacopajcʌsi jʌyu'c weju'c inʌc wyejwindzoŋba Dios te' muspapʌ's inʌc yajcotzojcu wa'y jana quia'u. Diojsis quiʌmato'ŋʌyu porque tyumʌtzocoy inʌc quiʌna'tzʌpya Dios.