San Juan 12:26 - Zoque Copainalá New Testament

²⁶ Juca iwʌ's sunba chʌcjayu ʌs nyoscuy, yajco'ŋa'ʌj. Y maŋbamʌ'yʌj ijtu ʌj teymʌ maŋba itque'tu yosjapyapʌ'sʌj. Juca iwʌ'sʌj sunba yosjayu, te'wʌ maŋba wyi'naŋgojtu ʌs Ndata's.

San Juan 12:26 ပူးပေါင်းရင်းမြစ်များ

San Mateo 16:24

Pijche'ca Jesujsis nʌjayutʌj, tʌj te' quiʌ'aŋmayeta'm: Juca iwʌ'sʌj sunba co'ŋu, yajʌ'ctzʌ'yʌ ñe' wyin, y ñempe yajtoyapʌquia jujcha' ʌj maŋba yajtoyapʌquiaju cruzcʌsi, yajco'ŋjojcʌtʌcʌ'ʌj.

San Mateo 25:21

Y te' quiomi's ñʌjayu: Oye'aŋgʌtʌqui, nijamba'ʌsmij porque oyepʌ ŋguioyosamij. Nijambaše'ʌsmij uša'ŋbʌ tiyʌcʌsi, más wʌwʌpʌ tiyʌcʌsi maŋba'ʌsmij ŋgojtu. Tʌjcʌ, y mejtzji'ŋdʌ maŋba omdzocopyactamu.

San Marcos 8:34

Wyejtu'mʌyaju Jesujsis te' wʌwʌta'mbʌ pʌn y te' ñe' quiʌ'aŋmaye y ñʌjayaju: Juca iwʌ'sʌj sunba co'ŋu, yajʌ'ctzʌ'yʌ ñe' wyin y ñempe yajtoyapʌquia jujcha' ʌj maŋba yajtoyapʌquiaju cruzcʌsi, yajco'ŋjojcʌtʌcʌ'ʌj.

San Lucas 12:37

Dichoso ʌ'ta'mbʌ coyosa juca tzu'quenu'c nʌ jyo'coyaju y te'šej pya'tyajpa te' quiomi's, minba'ca. Wiyuŋše'ʌsmij ndzamjaytyamba que te' quiomi's wyatwʌtzʌjcu'c wyin maŋba yajpocšatʌju mesa'ojmo y minba chi'yaju quiu'tcuy.

San Lucas 6:46

¿Tiyajca'mʌjte' nʌjaytyamba, Señor, Señor, y ja'nmis ndzʌctame tiyʌ ʌs ndzamba?

San Lucas 9:23

Jʌsa'ca yʌ'šej ñʌjayu Jesujsis mumu pʌn: Juca iwʌ'sʌj sunba co'ŋu, yajʌ'ctzʌ'yʌ ñe' wyin y ñempe yajtoyapʌquia jujcha' ʌj maŋba yajtoyapʌquiaju cruzcʌsi, yajco'ŋjojcʌtʌcʌ'ʌj.

San Juan 10:27

Ʌsne' ñchowambe'sta'm, sunba'ʌjte' nʌmu ʌsne' mbʌ'nista'm, ñʌctʌ'yjayajpa ʌs nwejcʌ', y ʌs ispʌquiajpa'ʌs, y co'ŋyajpa'ʌj.

San Juan 13:16

Wiyuŋše'ʌsmij nwiyuŋdzamjaytyamba: Ja'nde' más myʌja'ŋ te' coyospapʌ que ja'nde te' quiomi, ni ja'nde' más myʌja'ŋ te' cʌ'wej que ja'nde' te' quiʌ'wejupʌ's.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 14:3

Y juca maŋba ʌj, y nimejcʌyjaytyamba'ʌsmij lugar, mingue'tpati'ʌj. Y ʌstijmij minba mbʌctaŋgue'tu wa'y jutʌ'ʌj ijtu ʌj teymʌ mij maŋba ittaŋgue'tu.

San Juan 15:20

Jamwʌtzʌctamʌ tiyʌta'ma'mʌsmij nʌ ndzamjaytyamu ʌs: Ja'n maŋu más myʌja'ŋgomʌ'yaju te' coyospapʌ que ja'nde' quiomi. Yacsnutzʌquiajuše'ʌj, te'šej mij maŋba nyacsnutzʌcʌtʌjtaŋgue'tu. Juca quiojamjayaju ʌs ndzame, te'šej maŋba quiojamjayajque'tu mista'mne'.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 21:22

Y ñʌjayu Jesujsis: Juca sunba'ʌs wa'y chʌ'yu ñe'cʌ hasta que mingue'tpa'ʌj, ¿tiya' maya'cu'ya mbʌcpa? Co'ŋa'ʌj mis.

Romanos 1:1

Ʌjte' te' Pablo te' Jesucristo's quioyosa. Diojsisʌj weju cʌ'wejcotoya, y piŋwe'nu'ʌj ñe' 'yevangeliocotoya.

Romanos 14:18

Porque iwʌ's yʌ'šej quiʌna'tzʌpya Cristo, yajtzocopyacpa Dios, y 'yoyecotzamyajpa pʌ'nista'm.

2 Corintios 4:5

Porque ja'ndʌs ndzamgopuwi tʌs oyepʌ pʌ'najcuy sino que te' Jesucristo jujcha' Comi, y tʌj jujcha' mista'm ŋgoyospapʌ Jesuspit.

2 Corintios 5:8

Paquipʌctambatʌ jeque ndzoco'yojmo y sunjo'pyatʌ ndzajcu tʌyʌ' ŋgüerpo wa'ytyʌ ijtu tʌ Ngomi's wyi'na'ŋoyj.

Gálatas 1:10

Yʌtij jeque, ¿nʌsʌ'ŋʌs me'tzu wa'yʌj pʌ'nis wi'naŋgojtyaju, o Diojsisʌj wa'y wi'naŋgojtu? ¿Masʌ'ŋ oye wa'yʌs nwi'naŋgojtyaju pʌnda'm que ja'n Dios? Wiyuŋšej juca inʌjcʌs pʌnda'm nwi'naŋgojtyajpa ja'nʌjyʌ' inʌc Cristo's quioyosa.

Filipenses 1:23

Yʌ' metzapʌ tiyʌ'sʌj yajmetzaŋdzoco'yajpa. Sunbati'ʌj ŋga'que'tu wa'yʌj maŋu ndumʌ'ijtu Cristoji'ŋ, y muspa'ʌs que ñe'cʌji'ŋbʌ tumʌ'itcuy te'wʌte' te' más oyepʌ.

Colosenses 3:24

Porque mustambamis que tʌ Ngomi'smij maŋba ñchi'tamu mbarte jujcha' coyowa porque tʌ Ngomi Cristo mis nyosjaytyamba.

Colosenses 4:12

Ñdyujchi'tambamij Epafrajsis, tumʌ te' Cristo's quioyosa miji'ŋda'm tu'mʌpyapʌ. Ñe'cʌ wa'coyjojcʌtʌcpa Dioscʌsi mijcotoyata'm wa'mij paquic ittamu y wa'mij cota'nu'c mbyaquipʌctamu ndzoco'yojmo wa'mis mumutiyʌ ndzʌctamu šunbašej Diojsis.

2 Pedro 1:1

Ʌjte' te' cʌ'wej Simón Pedro, Jesucristo's quioyosa. Atzita'm, nʌ'ʌsmij njayjaytyamu mijta'm, mumu jujche'ŋ wyʌ'aŋjamyajpapʌ's tʌta'm nyajcotzojcopyapʌ Dios, te' Ngomi Jesucristo. Y mijta'm tʌjšejmij sa'sa nwyʌ'aŋja'moytyamba porque tʌ Ngomi justopʌte' wa'ytyʌ tzi'tamu tumduma'ŋbʌn yʌ' sa'sapʌ nwʌ'aŋja'moquiuy.

1 Juan 5:3

Porque juca sundambatʌ Dios, ŋgojamjapyatʌ te' ñe' 'yaŋgui'mguy. Y te' 'yaŋgui'mgu'yis ja'ndʌ yajtoyapʌqui.

Judas 1:1

Ʌjte' te' Jesucristo's quioyosa Judas, te' Jacobo's pyotzo. Nʌ'ʌsmij njayjaytyamu jujche'ŋmij nwyeyatʌjtamupʌ wa'mis mato'ŋoyjaytyamu te' Diojsis chame. Tʌ Ndata Diojsis šundambamij y ŋguioquendambamij Jesucristocotoya.

El Apocalipsis 14:4

Yʌ'ta'mbʌ's jayajyu'quia wyin yomoji'ŋ. Te'cotoyate' Diojsis mu'šata'mbʌ pʌnšej ñʌ'ijtyajpa. Yʌ'ta'mbʌ'ste' quio'ŋjojcʌtʌquiajpa te' Ñchowambe jutʌtij myawʌ. Yʌ'ta'mbʌ Diojsis jyupyujtyaju Jesucristo's ñʌ'pinbit najsacopac-pʌ'nojmoc wa'y ñʌ'ijtyatʌju jujcha' copiwi-pʌnda'm ñe'cʌcotoya y ñe' Ñchowambe Jesucristocotoya.