17 Ijtyaju inʌc pʌnda'm Jesusji'ŋ wyeju'c Lázaro cha'tʌjcojmoc, te' yajwinsa'u'c ca'yajupʌ'ojmoc. Yʌ'ta'mbʌ's quiotzamyaju jutz chʌjcu.
Quiʌ'wejyaju te' judio'sta'm sacerdote y levitata'm Jerusale'ŋojmoc wa'y maŋu quiʌ'aŋwa'quiaju Juan: ¿Mij, iwa'mijyʌ'?
Y Jua'ŋis quiotzamu ñe'cʌ y nʌmu: Nguenu'ʌs te' Espíritu Santo nʌ'c wyanajcu jujcha' paloma tzajpojmoc, y maŋu pyocspajcu ñe'cʌcʌsi.
Y te'še'ʌs ŋguenu. Y ndzamjaytyamba'ʌsmij que te'wʌte' te' Diojsis 'Yune.
Tey inʌc ijtyaju judiota'm Mariaji'ŋ te' ñe' tyʌjcoyj wa'y chamdzocopyaquiaju. Quieñaju ñe'cʌ'sta'm te' María jutz jʌnʌjtij tzu'cumu y maŋu. Yʌ'ta'mbʌ's maŋu quio'ŋyaju y nʌ inʌc ñʌmyaju: Maŋbayʌ' jyʌyu pyotzo's cha'tʌjcaŋi.
Ʌs muspa'ʌs que ŋgʌmato'ŋʌyjojcʌtʌcpamisʌj. Pero yʌ' yʌy no'tznayajupʌ pʌngotoya ndzamu'ʌs te'šej wa'y myatoŋyaju y wyʌ'aŋjamyaju que misʌjyʌ' ŋgʌ'weju najsacopajcʌsi.
Pijche'ca wʌwʌ te' judio-pʌ'nista'm ñʌctʌ'yaju que Betania'ojmo inʌc ijtu Jesús. Y miñaju, ja'n wa'ytyij quieñaju Jesús, sino que wa'y quieñajque'tu Lázaro, te' yajwinsa'upʌ Jesujsis te' ca'yajupʌ'ojmoc.
Tiyʌ'ʌs nʌ ndzamu ne' nwitʌmbi'tʌste' ŋguenupʌ. Y tiyʌ'ʌs ndzamba wiyuŋbʌ tiyʌte'. Y muspa'ʌs que tiyʌ'ʌs nʌ ndzamu wiyuŋbʌ tiyʌte' wa'mij nwyʌ'aŋja'moytyaŋgue'tu mijta'm.
Ʌjte' te' cʌ'aŋmaye quiotestigosajpapʌ's yʌ'šejta'mbʌ tiyʌ, y nja'yʌyu'ʌs yʌ'šejta'mbʌ tiyʌ. Y mustambatʌ que ʌs ŋgotestigosajpašej wiyuŋbʌ tiyʌte'.
desde ñʌcʌtzo'tzu'c te' Jua'ŋis wa'y yajnʌ'yʌ'oyu, hasta tiyʌ jama pyʌjcʌchoŋyaju Jesús tzajpojmo. Pyʌcpa jeque, tuma'ŋbʌn yʌ'wo'mocta'mbʌ wa'y quiotzamupʌ's tʌji'ŋ que winsa'u Jesús.
Y yʌ'šejta'mbʌ tiyʌ tʌste' nʌ ndzamu y te'šejtijque' te' Espíritu Santo's. Y yʌ' Espíritu chi'yaju Diojsis jujche'ŋ myato'ŋoyjapyapʌ's.
Y ʌs ŋgotestigosajapya'ʌs Diojsis chame y Jesucristo's chambašej y mumu tiyʌta'm ʌs ŋguenu.