San Juan 11:52 - Zoque Copainalá New Testament

⁵² Y ja'n na' te' nacioŋgotoyatij, sino que wa'y tyumʌwʌ'aŋja'moyaju mumu pʌn titnayajupʌ naswindumʌ, jujche'ŋ Diojsis maŋba 'yune'ajyajupʌ.

San Juan 11:52 ပူးပေါင်းရင်းမြစ်များ

San Lucas 15:8

O juca tumʌpʌ yomo's ñʌ'ijtu majca'y dracma-tumin y yajtocopya tumʌ, ¿ja'nsʌ'ŋ ño'e sʌ'ŋgʌ' y tyacspete tyʌc wa'y chijpana-me'tzu hasta que pya'tpa?

San Lucas 2:32

Wa'y quieñaju te' sʌŋgʌ' genti'lista'm y wa'y wyʌcotzamyatʌju misne' Israel-pʌnda'm.

San Juan 1:12

Pero jujche'ŋ iwʌ's pyʌjcʌchoŋyaju ñe'cʌ, y wyʌ'aŋjamyaju que ñe'cʌte' te' Mesías, yʌ'wʌ's maŋba yajmujšaju que Diojsis pyʌjcʌchoŋyaju 'yunešej.

San Juan 1:29

Jo'pit quienu Jua'ŋis te' Jesús, nʌ'c minu ñe'ca'ŋi, y nʌmu Juan: Quendʌ'ʌ te' pʌn chi'oquia'upʌ Diojsis jujcha' ñchowambe, yajʌcʌ'japyapʌ's najsacopajcʌsita'mbʌ's quiowa.

San Juan 10:16

Ijtyajque'tumaj eyata'mbʌ ja'ndiyʌta'mbʌ yʌy ʌs nwe'que'ojmo. Te'ta'mbʌ pyʌcpa wa'yʌs nʌmiñaju, y maŋba ñʌctʌ'yjayaju ʌs nwejcʌ'. Y maŋba ñʌctʌ'yjayaju ʌs ndzame. Y tumʌco necstoyoquiuy maŋba ijtu y tumʌtya'a quioqueñajpapʌ's.

San Juan 12:32

Y yajqui'myaju'ca'mʌj cruzcʌsi, mumu pʌ'nʌs maŋba njʌ'cminbʌ'u ʌ'aŋi wa'yʌj ʌj nique'nʌyaju.

Hechos 18:10

porque yʌ'yʌj ijtu miji'ŋ. Y ya'iwʌ'smij ja'n maŋu ñchʌcjayu yajtiyʌ, porque wʌwʌ ijtyaju yʌ' cumgu'yoyj ʌsta'mne'.

Romanos 3:29

¿Na' judio'sta'msʌ'ŋde' Dios? ¿Ja'nsʌ'ŋde'que' genti'lista'm Dios? Wiyuŋšej genti'lista'mdijte'que'ñe'.

Romanos 4:17

Yʌ'šej ja'yʌyu: Wʌwʌta'mbʌ pʌ'nis tyataše'ʌsmij ŋgojtu. Sunbate' ñʌmu, Diojsis wyi'naŋdʌjqui, porque Abraha'ŋis wyʌ'aŋjamu Dios. Yajwinsa'pa yʌ' Diojsis te' ca'yajupʌ, y chamba te' ja'ndiyʌpʌmaj jujcha' te'ya ijtupʌšej.

Efesios 1:5

Porque Diojsistʌ jene sundamu'ŋmʌjcʌ, copiŋdamutʌ antestij wa'ytyʌ ñe' 'yune'ajtamu. Ñe'cʌ's šunušej, minutʌ 'yune'ajtamu Jesucristopit.

Efesios 3:11

Ya'ajca quipsušej Diojsis wa'y chʌjcu, te'šej minu chʌjcota'nu yʌtij tʌ Ngomi Jesucristopit.

Santiago 1:1

Ʌjte' te' Santiago te' Diojsis y Ngomi Jesucristo's quioyosa. Nʌ'ʌs ŋgʌ'weju yʌ' carta wa'yʌsmij ñdyujchi'tamu mijta'm, te' macwʌstʌjca'pyʌ Israe'lis 'yune-winboyata'm, puŋditnayajupʌ najsacopajcʌsi.

1 Pedro 1:1

Ʌjte' te' Pedro, Jesucristo's quiʌ'wej. Atzita'm, nʌ'ʌsmij njayjaytyamu mijta'm te' myacpujtyatʌjupʌ tʌta'm najsojmoc, y yʌtij puŋditnayajupʌ Ponto'ojmo, Galacia'ojmo, Capadocia'ojmo, Asia'ojmo y Bitinia-najsojmota'mbʌ.

1 Juan 2:2

Y yʌ' Cristo's chi'oquia'u wyin wa'y quioyojayu tʌta'm ŋgowa, ca'u'c cruzcʌsi. Y ja'n na' tʌta'mne' ŋgowata'm wa'y quioyojayu, sino que mumu najsacopajcʌsita'mbʌ'sñe'.

1 Juan 3:1

Coquendamʌ cuenta jutztʌ aŋba'te sundamba tʌ Ndata Diojsis wa'y ñʌmu: Yʌtij ʌsamijyʌ' uneta'm. Te'cotoya te' ja'n wyʌ'aŋjamyapyʌ's ñe'cʌ ja'ndʌ ispʌquiay tʌta'm, porque ja'n ispʌquiay ñe'cʌ.

1 Juan 3:10

Jujche'ŋ ja'n chʌquiapyʌ's justopʌ tiyʌ y ja'n šuñay 'yatzi, ŋgue'nʌpyatʌ que ja'nde' Diojsista'm 'yune, sino que Satanajsista'mde' 'yune.

1 Juan 3:2

Tʌwʌy sundamba'ʌsmij. Yʌtij jeque, Diojsisandʌyʌ' 'yuneta'm, pero ja'nmaj quieye jutztʌ maŋba nductamu. Pero mustambatʌ que ñe'cʌšejtʌ maŋba nductamu minba'ca. Porque maŋbatʌ ŋguendamu ñe'cʌ mero jutzpʌte'.

El Apocalipsis 5:9

Y nʌ inʌc wyañaju jomepʌ wane nʌmbapʌ: Miste' pyʌcpa wa'mis mbʌjcu te' libro y wa'mis ndzijtzjʌcʌ'jayu te' libro's šello porque mijte' te' cʌmnʌ'pinbʌ Ñchowambe yajca'yajupʌ. Y njupyujtumis Dioscotoya mis nʌ'pinbit wʌwʌ pʌn, mumu raza'ojmota'mbʌ, wi'ni eya otoweta'mbʌ, jujche'ŋ najsacopac-iti y mumu nacio'ŋojmota'mbʌ.