San Juan 11:51 - Zoque Copainalá New Testament

⁵¹ Jachamʌ te'šej ñe' quipsoquiupyit, sino que ñe'cʌte' inʌc te' más mʌja'ŋbʌ sacerdote te' ame'oyj. Te'šej cha'maŋwaju que Jesús maŋbapʌte' inʌc quia'u te' nacioŋgotoya.

San Juan 11:51 ပူးပေါင်းရင်းမြစ်များ

San Mateo 20:28

Jujcha' ʌj, te' Pʌ'nis 'Yune, jaminʌ'ʌj wa'yʌj yosjayaju, sino que minu'ʌj wa'yʌs coyospawʌšej ndzʌjcu nwin. Y minu'ʌs ndzi'oquia'u nwin wa'yʌs njupyujtyaju wʌwʌ pʌn.

San Juan 10:15

jujcha' ʌs Ndata'sʌj ispʌcpa, y ʌs ispʌcpa'ʌs ʌs Ndataj. Y ndzi'oquia'pa'ʌs ne' nwin ñchowambecotoyata'm, y te'wʌ pʌnda'mde'.

San Juan 11:49

Y tumʌ ñe'co'mota'mbʌ, te' Caifás, ñe'cʌte' inʌc te' más mʌja'ŋbʌ sacerdote te' ame'oyj. Ñe'cʌ's ñʌjayaju: Ja'nmis mustame yajtiyʌ.

San Juan 18:13

y ñʌmaŋyaju wina Anajsis wyi'naŋdʌjqui, porque myo'otte' inʌc Caifajsis. Yʌ'wʌte' te' mʌja'ŋbʌ sacerdote te' ame'oyj.

1 Corintios 13:2

Y juca muspa inʌjcʌj ndza'maŋwa'oyu, y juca nʌctʌ'pyʌ'pa inʌjcʌs mumu jayajqueyapʌ tiyʌ wina Diojsis, y mumu mujsoquiuy, y juca nʌ'itpʌ'pa inʌjcʌs mumupʌ wʌ'aŋja'moquiuy muspa'cše'ŋo'yʌs inʌc nyajtzu'cumyaju cotzʌc wa'y myaŋyaju emʌ, pero juca ja'nʌj su'noy, yajtiyʌ'ʌjte'.

2 Corintios 5:21

Cristo, te' jaquiowapa'tʌpʌ, chʌmidzi'pʌ'u cowa Diojsis tʌcotoyata'm wa'ytyʌ justococojtu Diojsis ñe' jyusticia'ojmo Cristopit.

Gálatas 3:13

Porque ja'ndʌ musi ŋgojamdamu te' aŋgui'mguy, tocoyupa'ndʌte' inʌc Diojsis wyi'naŋdʌjqui. Pero Cristo'stʌ jupyuttamu tocoquiu'yojmoc, porque Diojsis ñʌcma'yʌyu Cristo tocoyupʌšej tʌcotoyata'm. Yʌ'šej ja'yʌyu Totojaye'ojmo: Tocoyupa'nde' iwʌta'm jyʌ'mga'yajpa cuquiʌsi.

1 Pedro 2:24

Yʌ' Cristo'ste' chi'oquia'u wyin tʌcotoyata'm y ñʌmaŋjayu tʌta'm ŋgowa ñe' cuerpocʌsi ca'u'c cruzcʌsi. Te'cotoya pyʌcpa wa'ytyʌ ca'uwʌšej ndzʌctamu nwin cowa's wyi'naŋdʌjqui u'yandʌ ŋgowapa'ttamu. Y pyʌjque'tpa wa'ytyʌ ndzʌcjojcʌtʌctamu justota'mbʌ tiyʌ. Porque te' ñe' tyoyapʌjcu'yis yajʌcʌ'jawya'a tʌta'm ŋgowa.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.

1 Juan 2:2

Y yʌ' Cristo's chi'oquia'u wyin wa'y quioyojayu tʌta'm ŋgowa, ca'u'c cruzcʌsi. Y ja'n na' tʌta'mne' ŋgowata'm wa'y quioyojayu, sino que mumu najsacopajcʌsita'mbʌ'sñe'.