San Juan 11:48 - Zoque Copainalá New Testament

⁴⁸ Juca ja'ndʌ nyajwinductame, mumu pʌ'nis maŋba wyʌ'aŋjamyaju ñe'cʌ. Y maŋba miñaju romanota'm, y maŋba yajʌcʌ'jayaju tʌta'm masanbʌ ndemplo y tʌta'm nacion-itcuy.

San Juan 11:48 ပူးပေါင်းရင်းမြစ်များ

San Mateo 22:7

Y myujsu'ctij yʌ'šej te' re'yis, jene qui'šca'u. Quiʌ'weju soldadota'm wa'y maŋu yajca'yaju te' yajca'oyajupʌ, y wa'y pyoŋbʌ'jayaju quiumguy.

San Mateo 22:9

Maŋdamʌ jeque, jene witʌnʌmbamʌy wa'mis aŋbʌctamu yʌ' co'tʌjcajcuquiotoya iwʌtijmis mba'ttamʌ.

San Mateo 24:15

Te' tza'maŋwa'opyapʌ Danie'lis jya'yʌyu que maŋba myaŋgocʌtʌquiaju te' masanbʌ lugar, y chʌctocoyaju. Iwʌ's tyu'nba yʌ'šej chambamʌy, yajnʌctʌ'yʌ. Nguendamba'camis yʌ'še'a nʌ tyujcu,

San Mateo 27:25

Aŋdzoŋyaju mumu te' pʌnda'm y nʌmyaju: Jʌ'ʌ, tʌs y tʌs une'sta'm maŋbatʌs ŋgowindzʌmu te' cowa juca nyajca'patʌs yʌ' pʌn.

San Lucas 11:52

Ay mijta'm, aŋgui'mgu'yis myujsoye, nya'aŋga'mdamumis tuŋ uy tyʌjcʌyaju pʌnda'm wa'y 'yaŋmayaju. Ni mijta'm, jañdyʌjcʌytyamʌmij, y te' nʌ inʌc sunu tyʌjcʌyajupʌ nyajwinductamumis.

San Lucas 8:12

Y te' tʌmbu cuñajupʌ tuŋgʌsi, yʌ'wʌte' te' pʌnda'm myatoŋyajpapʌ's te' tzame. Y jʌnʌjtij minba te' diablo y yajʌcʌ'pa te' tzame ñe'ta'm choco'yojmoc uy wyʌ'aŋjamyaju wa'y quiotzoquiaju.

San Juan 1:7

wa'y minu quiotestigosaju te' šʌ'ŋgʌtzʌcjayajpapʌ's te' pʌ'nista'm chocoy, y Jua'ŋis chamepit wa'y ñe'cʌ wyʌ'aŋjamyaju mumu pʌ'nis.

Hechos 5:28

y nʌmu: Aŋgui'mdamwa'ndʌsmij u'yamij 'yaŋma'yoytyamu yʌ' nʌquiʌsi. Pero nyajmustamwa'mis mumu Jerusale'ŋojmota'mbʌ mista'm aŋma'yoquiuy, y sundambamis wa'ytyʌj tʌj ni'aŋba'tyaju yʌ' pʌ'nis ñʌ'pinbit.