San Juan 11:47 - Zoque Copainalá New Testament

⁴⁷ Pijche'ca te' sacerdote-cowi'na'sta'm y fariseo'sta'm yajtu'mʌyaju aŋgui'myajpapʌ tyʌwʌ, y ñʌjayaju: Tʌta'm, ¿tiya'ndʌ nʌ ndzʌctamu? Porque yʌ' pʌ'nis jene chʌcpa isaŋwʌ'ajcuy.

San Juan 11:47 ပူးပေါင်းရင်းမြစ်များ

San Mateo 26:3

Pijche'cande' te' sacerdote-cowi'nata'm y te' aŋgui'mguy-tyayuta'm y te' judio'sta'm chamupʌndʌcway tu'mʌyaju te' más mʌja'ŋbʌ sacerdote's 'yaŋgo'oyj. Y te' sacerdote's ñʌy Caifaste' inʌc.

San Mateo 5:22

Pero ʌsmij nʌjaytyamba que iwʌ's ja'n jyambʌ'i qui'šca'cuy 'yatziji'ŋ pyʌcpa wa'y quio'aŋgʌyu. Y iwʌ's quioraje-nʌjapya te' 'yatzi: Njyowimij, pyʌcpa wa'y yajnʌco'aŋgʌyaju aŋgui'myajpapʌ pʌ'nis. Y juca iwʌ's wyinʌcnʌ'mnʌ'mwʌpya, te'wʌ tomya' nʌ quienu wa'y quiojtyaju infiernopʌ jucʌtʌjcojmo.

San Marcos 14:1

Y metza jamacʌsi maŋba inʌc quiosʌ'ŋajyaju te' pascua-sʌŋ wyi'quiajpa'c te' judio'sta'm inʌc pan ja'ndiyʌwʌ's lyevadura. Y te' sacerdote-cowi'na'sta'm y te' aŋgui'mguy-tyayu'sta'm chʌcme'chajpa inʌc jutz wa'y 'yaŋgoma'cʌyaju Jesús y te'šej wa'y ñuquiaju, y wa'y yajca'yaju.

San Lucas 22:2

Y te' sacerdote-cowi'na'sta'm y te' aŋgui'mguy-tyayu'sta'm chʌcme'chajpa inʌc jutz wa'y yajca'yaju te' Jesús. Pero ña'chajpa inʌc cumgupyʌn.

San Juan 11:57

Y te' sacerdote-cowi'na'sta'm, y te' fariseo'sta'm quiojtyaju aŋgui'mguy juca iwʌ's myuspa jutʌ ijtu Jesús, wa'y maŋu chamyaju, wa'y ñuquiaju.

San Juan 12:19

Pero te' fariseota'm nʌmyaju ñe'co'mo: ¿Nguendamwa'ja que yajtiyʌtʌ ja'n nʌwʌ'ajtame? Quendamʌ naswindumʌpʌ's nʌ wyʌ'aŋjamyaju y nʌ quiʌ'maŋyaju ñe'cʌ.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 6:2

Nʌ inʌc quio'ŋu Jesús wʌwʌ pʌ'nis porque quieñaju jutz inʌc chʌcpa isaŋwʌ'ajcuy wa'y yajtzojcu ca'eta'mbʌ.

San Juan 7:32

Myatoŋyaju fariseo'sta'm que yʌ'šej inʌc nʌ ñu'mdzamyaju te' pʌ'nista'm. Te'cotoya quiʌ'wejyaju policía te' sacerdote-cowi'na'sta'm y fariseo'sta'm wa'y ñuquiaju.

San Juan 7:45

Pijche'ca te' policia's quiʌ'maŋyaju sacerdote-cowi'na y fariseota'm. Ñe'cʌ'sta'm ñʌjayaju: ¿Y tiyajca'nde' jañuctamʌ?

Hechos 5:21

Y myatoŋyaju'ctij yʌ'šej, maŋyaju templo'ojmo namdzuti y aŋma'yo'quiʌ'yaju. Te'pa'ŋoyj nu'cu te' mʌja'ŋbʌ sacerdote y ñe'cʌji'ŋ te' quio'ŋyajpapʌ's. Y wyejtu'mʌyaju te' aŋgui'moyeta'm, y mumu te' Israe'lista'm chamupʌndʌcway. Y maŋu yajsombʌ'yatʌju te' cʌ'wejta'm te' preso'moc wa'y ñʌmiñatʌju.

Hechos 5:24

Y myatoŋyaju yʌ'šej te' mʌja'ŋbʌ sacerdote's y te' templo-coqueñajpawʌ's quiowi'na's, y te' sacerdote-cowi'na'sta'm, y nʌmyaju: ¿Jujche'cayʌ' maŋba quio'yaju yʌ'wʌ?