San Juan 11:42 - Zoque Copainalá New Testament

⁴² Ʌs muspa'ʌs que ŋgʌmato'ŋʌyjojcʌtʌcpamisʌj. Pero yʌ' yʌy no'tznayajupʌ pʌngotoya ndzamu'ʌs te'šej wa'y myatoŋyaju y wyʌ'aŋjamyaju que misʌjyʌ' ŋgʌ'weju najsacopajcʌsi.

San Juan 11:42 ပူးပေါင်းရင်းမြစ်များ

San Mateo 26:53

¿Ngomʌ'pyaja que ja'ʌs musi nwa'cjayu yʌtij ʌs Ndata Dios wa'yʌj cʌ'wejayu aŋba'te mil angelesta'm wa'yʌj cotzoŋyaju?

San Juan 11:22

Pero ñempe ca'uwa'a, ʌs nwʌ'aŋjamba'ʌs que tiyʌta'm mis nwa'cpa Dioscʌsi, Diojsis ñchi'pamij.

San Juan 11:31

Tey inʌc ijtyaju judiota'm Mariaji'ŋ te' ñe' tyʌjcoyj wa'y chamdzocopyaquiaju. Quieñaju ñe'cʌ'sta'm te' María jutz jʌnʌjtij tzu'cumu y maŋu. Yʌ'ta'mbʌ's maŋu quio'ŋyaju y nʌ inʌc ñʌmyaju: Maŋbayʌ' jyʌyu pyotzo's cha'tʌjcaŋi.

San Juan 11:43

Yʌ'šejta'mbʌ tiya'a chamu'c, weju y nʌmu Jesús: Lázaro, putʌ.

San Juan 12:11

Porque Lazaropit soneta'mbʌ judio's inʌc nʌ chaquiaju ñe' wyʌ'aŋja'moquiuy wa'y quio'ŋyaju Jesús.

San Juan 12:17

Ijtyaju inʌc pʌnda'm Jesusji'ŋ wyeju'c Lázaro cha'tʌjcojmoc, te' yajwinsa'u'c ca'yajupʌ'ojmoc. Yʌ'ta'mbʌ's quiotzamyaju jutz chʌjcu.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 20:31

Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 8:16

Y juca ʌs ŋgʌme'tzpa iwʌjutiwʌ, wiyuŋbʌ tiyʌpi'tʌs ŋgʌme'tzpa porque ja'nʌjyʌ' naytyumʌpʌ, sino que ʌji'ŋ ijtu ʌs Ndata Dios cʌ'wejupʌ'sʌj.

San Juan 8:29

Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

Romanos 8:3

Porque te' ja'n inʌc tyʌŋgʌspa'tepʌ tiyʌ te' aŋgui'mgu'yis, porque sunbate' inʌc chʌjcu tʌ pecapʌ nwinbit, te'wʌ chʌjcu Diojsis, yajminu'c te' 'Yune. Yajpʌ'naju cowatzʌquipʌ pʌnšej tʌta'm ŋgowacotoya, y yajʌcʌ'jayu cowa's pyʌmi u'ya 'yaŋgui'mu te' pʌngʌsi.

Gálatas 4:4

Pero nu'cu'cande' jama yajpʌ'naju Diojsis te' 'Yune Jesús yʌy najsacopajcʌsi, y yomo's yajpʌ'naju. Y ijtu inʌc pyena wa'y pyʌ'naju judio'sta'm 'yaŋgui'mguquiʌ'mʌ.

Hebreos 5:7

Yʌmyaj ijtu'c Cristo najsacopajcʌsi jʌyu'c weju'c inʌc wyejwindzoŋba Dios te' muspapʌ's inʌc yajcotzojcu wa'y jana quia'u. Diojsis quiʌmato'ŋʌyu porque tyumʌtzocoy inʌc quiʌna'tzʌpya Dios.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.

1 Juan 4:14

Y tʌs ŋguenutʌs te' Diojsis 'Yune, y ndzamgopuŋbatʌs que te' Tata Diojsis quiʌ'weju te' 'Yune wa'y minu yajcotzojcu te' najsacopajcʌsita'mbʌ.