San Juan 11:4 - Zoque Copainalá New Testament

⁴ Myatoŋu'ctij Jesujsis, nʌmu: Ca'epa'tu ja'nde' wa'y quia'octucwa'a, sino wa'y quieju Diojsis isaŋwʌ'ajcuy. Te'šejtijque' te'wʌpit wa'y quieñaju pʌ'nista'm que ʌjte' te' Diojsis 'Yune, y wa'yʌj mʌja'ŋwʌcotzamyaju.

San Juan 11:4 ပူးပေါင်းရင်းမြစ်များ

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 11:40

Jesujsis ñʌjayu: ¿Jañchamjati'ja'ʌsmij juca nwyʌ'aŋja'mopyamij maŋbamis ŋguenjayu Diojsis myʌja'ŋajcuy?

San Juan 12:28

Pero maŋba'ʌs nʌjayu: Tatay, ʌs ŋga'aŋbit wa'y quienjayaju que mʌja'ŋbʌte' mis nʌy. Pijche'c 'yaŋdzoŋu Diojsis tzajpojmoc, y ñʌjayu: Nyajmʌja'ŋajwa'mʌs, y maŋbama'ʌs nyajmʌja'ŋajque'tu.

San Juan 17:1

Yʌ'šejta'mbʌ tiyʌ chamu Jesujsis, y quengui'mu'c tzajpojmo, nʌmu: Tatay, nu'cwa'nde' hora, yajqueña te' pʌnda'm ʌs mʌja'ŋajcuy, porque misʌjyʌ' Une. Te'še'ʌs wa'y ʌs nyajqueñajque'tu pʌnda'm mis mʌja'ŋajcuy.

San Juan 17:10

Y mumu jujche'ŋ ʌsne' miste'ne', y mumu jujche'ŋ misne' ʌste'ne'. Y ñe'cʌ'sta'm yajquejayajpa ʌs mʌja'ŋajcuy.

San Juan 17:5

Yʌtij jeque, Tatay, yajqueña pʌnda'm tʌ mejtzji'ŋgʌ'pyʌ mʌja'ŋajcuy. Te' mʌja'ŋajcuy nʌ'ijtupʌ'ʌs inʌc miji'ŋ tzajpojmo, maŋba'cmaj tyujcu yʌ' najsacopac.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 5:23

Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

San Juan 8:54

Aŋdzoŋu Jesús: Juca ne'cʌ'ʌs mʌja'ŋdzʌcpa nwin, ʌs mʌja'ŋajcuy yajtiyʌte'. Ʌste' Ndata'sʌj yajmʌja'ŋajpa, y mij ñʌmdambamij que ñe'cʌte' mista'm Dios.

San Juan 9:24

Pijche'ca wyejwʌtzʌquiaju te' pʌn to'tipʌ inʌc y ñʌjayaju: Wʌcotzamʌ Dios y ja'n te'wʌ, porque tʌs muspatʌs que te'wʌ cowatzʌquipʌ pʌnde'.

San Juan 9:3

Aŋdzoŋu Jesús: Ja'nde' juca cowapa'tu yʌ'wʌ, ni tyatajta'm, sino que wa'ytye' quieju Diojsis isaŋwʌ'ajcuy ñe'cʌcʌsi.

Romanos 11:11

Nʌmba jeque'ʌj: ¿Nepcʌschʌmyajusʌ'ŋ Israel-pʌnda'm wa'y tyocoyaju? Ja'ne nijutz. Pero ñe'ta'm ñepcʌschʌmgupyit maŋba quiotzoquiaju te' gentilta'm, y te'šej maŋba yajcʌjoŋyaju te' Israel-pʌnda'm.

Filipenses 1:11

Y Jesucristo maŋba itjojcʌtʌjcu mista'm ndzoco'yojmo wa'mij ñdyu'ŋajtamu mumu jama masa'najcu'yojmo. Te'šejmis maŋba nyajquejaytyamu Diojsis myʌja'ŋajcuy, y maŋbamis nwʌcotzamdamu.

Filipenses 1:20

Njo'cpa'ʌs ndumʌtzocoy que yajtiyʌcʌsi'ʌj ja'n maŋu ndza'aju. Y njo'que'tpa'ʌs que jana na'chcu'yʌs ndzamjojcʌtʌcpa te' Diojsis chame. Sunba'ʌs nyajquejayu Cristo's myʌja'ŋajcuy mumu jama ʌs ŋguengupyit, juca quenbama'ʌj o ca'pa'ʌj.

1 Pedro 1:21

Y yʌtij ñe'cʌpit nite'tzʌytyambamis Dios y njo'ctambamis ndumʌtzocoy te' chamdzi'oquia'upʌ tiyʌ, porque mustambamis que Diojsis yajwinsa'u yʌ' Cristo ca'yajupo'moc y pijche'c yajmʌja'ŋaju ñe' wyi'naŋdʌjqui.

1 Pedro 4:11

Iwʌ aŋma'yopya, ya'aŋma'yoya Diojsis chambašej. Iwʌ yospa Dioscotoya, yajyosa Diojsis šajpapʌ pʌmipit. Te'šejmis maŋba mʌja'ŋwʌcotzamdamu Dios mumutiyʌcʌsi Jesucristopit. Cristo's pyʌjcʌchoŋwa'a 'yaŋgui'mʌtʌjcuy mumu jamacotoya y pyʌcpa wa'ytyʌ nwʌcotzamdamu ñe'cʌ. Amén.

1 Pedro 4:14

Dichosota'm mij juca 'yotoŋjatʌjtambamij ŋgo'ŋdamba'ŋmʌjcʌmis Cristo. Te'šej maŋba quieju que te' Diojsis 'Yespiritu miji'ŋda'm ijtu y Diosji'ŋmij nʌ nwyittamu y Diojsismijte' ñe'ta'm.