San Juan 11:25 - Zoque Copainalá New Testament

²⁵ Ñʌjayu Jesujsis: Ʌjte' te' yajwinsa'opyapʌ y šajpapʌ's quenguy. Iwʌ'sʌj wʌ'aŋjamba ʌj, ñempe quia'ʌ maŋba itwʌtzʌjque'tutij.

San Juan 11:25 ပူးပေါင်းရင်းမြစ်များ

San Lucas 23:43

Pijche'ca Jesujsis ñʌjayu: Wiyuŋše'ʌsmij ndzamjapya que išo'oyj maŋbamij ijtu ʌji'ŋ te' paraiso'ojmo.

San Juan 1:4

Ñe'cʌte' te' iscuy-quenguy. Y te' iscuy-quenguy šajpapʌ ñe'cʌ's, te'wʌ'ste' šʌ'ŋgʌtzʌcjayajpa pʌ'nista'm chocoy.

San Juan 14:19

Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 5:21

Jujcha'nde' ʌs Ndata's muspa yajwinsa'u ca'yajupʌ, y chi'yajpa quenguy, te'šejtijque' ʌs, te' 'Yune's, muspa'ʌs ndzi'u quenguy iwʌta'm ʌs sunba.

San Juan 5:26

Tʌ Ndata Diojsojmoc womba te' iscuy-quenguy, y te'še'ʌj tzi'que'tu ʌj, te' 'Yune, wa'y ʌ'ojmoc wyomu te' iscuy-quenguy.

San Juan 6:35

Y ñʌjayaju Jesujsis: Ʌjte' te' pan šajpapʌ's iscuy-quenguy mumu pʌngotoya. Iwʌ'sʌj cʌ'minba ʌj ja'na yu'que'temaj. Y iwʌ'sʌj wʌ'aŋjamba ʌj, ja'na yoctʌtzque'temaj.

San Juan 6:44

Ya'iwʌ ja'n musi minu ʌ'aŋi juca ʌs Ndata Diojsis ja'n yajpononajay chocoy. Y te' cʌ'miñajpapʌ'sʌj maŋba'ʌs nyajwinsa'u ultimopʌ jamo'oyj.

Hechos 3:15

Nyajca'tamumis te' tzi'papʌ'stʌ iscuy-quenguy. Y te'wʌ yajwinsa'u Diojsis ca'yajupʌ'ojmoc, y te' ŋguenupʌ tiyʌtʌs, te'wʌtʌs ndzamba.

Romanos 4:17

Yʌ'šej ja'yʌyu: Wʌwʌta'mbʌ pʌ'nis tyataše'ʌsmij ŋgojtu. Sunbate' ñʌmu, Diojsis wyi'naŋdʌjqui, porque Abraha'ŋis wyʌ'aŋjamu Dios. Yajwinsa'pa yʌ' Diojsis te' ca'yajupʌ, y chamba te' ja'ndiyʌpʌmaj jujcha' te'ya ijtupʌšej.

Romanos 8:2

Porque te' Espíritu, te' aŋgui'mbapʌ'stʌ, te'wʌ'stʌ tzi'pa iscuy-quenguy Cristo Jesuspit. Te'wʌ's pyʌmi'sʌj yajcotzi'tu u'ya'mʌj aŋgui'mu cowa's wa'yʌj yajca'u.

1 Corintios 15:18

Y juca te'šej, tocoyajuwa'nde' te' ca'yajupa'a ñempe wyʌ'aŋjamyaju Cristo.

1 Corintios 15:29

Juca ja'n te'šej, ¿tiyʌcotoya nʌ'yʌyajpa pʌnda'm te' ca'yajupʌ's ñʌquiʌsi, juca nijutz ja'n wyinsa'yay te' ca'yajupʌ? ¿Tiyajca' jeque nʌ'yʌyajpa ca'yajupʌ's ñʌquiʌsi?

2 Corintios 4:14

Porque muspatʌs que yajwinsa'u Diojsis tʌ Ngomi Jesús, y te'wʌ'stʌj maŋba yajwinsa'que'tu tʌj porque yajwinsa'u Jesús. Y ñe'cʌ'stʌj maŋba nʌtʌjcʌyu miji'ŋda'm ñe' wyi'naŋdʌjqui.

Filipenses 1:23

Yʌ' metzapʌ tiyʌ'sʌj yajmetzaŋdzoco'yajpa. Sunbati'ʌj ŋga'que'tu wa'yʌj maŋu ndumʌ'ijtu Cristoji'ŋ, y muspa'ʌs que ñe'cʌji'ŋbʌ tumʌ'itcuy te'wʌte' te' más oyepʌ.

Filipenses 3:10

Mumu yʌ'šejta'mbʌ tiyʌ ʌs ndzʌcpa wa'ytyi'ʌs ispʌjcu oye tʌ Ngomi Jesucristo, y wa'yʌj Diojsis tzi'u pʌmi ndzoco'yojmo chi'ušej pʌmi Cristo wa'y wyinsa'u ca'yajupʌ'ojmoc. Y jujcha' toyapʌjcu Cristo, te'šejti'ʌj sunba ndoyapʌjque'tu ʌj ñempe'ʌj yajca'ya.

1 Tesalonicenses 4:14

Porque como nwʌ'aŋjamdambatʌ que te' Jesús ca'u y winsa'u, te'šejtij nwʌ'aŋjamdaŋgue'tpatʌ que maŋba ñʌmingue'tu Diojsis ñe'cʌji'ŋ jujche'ŋ wʌ'aŋja'moye ca'yajupʌ.

El Apocalipsis 1:18

y ʌj quenbama'ʌj, ñempe tumnaca tiju'ʌj ŋga'u y winsa'que'tuti'ʌj y yʌtij quenba'ʌj mumu jamacotoya. Te'še'ande' tujcu. Te'cotoya ʌs nʌ'ijtu llave, sunba te' ñʌmu aŋgui'mʌtʌjcuy te' ca'yajupʌcʌsita'm y te' ijtyajumʌy ca'yajupʌ.

El Apocalipsis 20:5

Yʌ'wʌte' te' winbʌ winsa'cuy. Pero te' eyata'mbʌ ca'upʌ jawyinsa'ya hasta que ta'nba mil ame.

El Apocalipsis 21:4

Pijche'c maŋba tyʌjtzu mumu pʌ'nis wyitʌm nʌ'. Y ja'na ya'iwʌ quia'e, y ja'na itque'temaj toya, jʌquiuy, ni wejcuy, porque te' yʌpyʌ nascʌsipʌ itcuy yajuwa'nde'.

El Apocalipsis 22:1

Jʌsa'ca yajquengue'tu'ʌj te' angelejsis tzusnʌpʌ mʌja nʌ', qui'toŋbapʌ jujcha' cristal, šajpapʌ's iscuy-quenguy. Yʌ' mʌja nʌ' nʌ inʌc wyomu Diojsis y Ñchowambe's 'yaŋgui'mʌtʌjcuy-pyocscuquiʌ'mʌ.

El Apocalipsis 22:17

Y te' Espíritu Santo's y te' Ñchowambe's yomo's nʌ ñʌjayaju tumduma'ŋbʌn: Minʌ. Y iwʌ's myatoŋba yʌ' we'oquiuy, yajwejque'ta eyapʌ tyʌwʌ. Y iwʌ yoctʌtzpa, yajcʌ'minʌ Jesús. Y iwʌ's šunba, minʌ yajto'ŋa coyowataca te' nʌ' yospapʌ ja'n yayepʌ quenguquiotoya.