San Juan 10:28 - Zoque Copainalá New Testament

²⁸ Y ʌs ndzi'yajpa'ʌs ja'n yayepʌ quenguy. Ja'n maŋu tyocoyaju mumu jamacotoya. Y ya'iwʌ's ja'n musi yajʌcʌ'jayaju ʌs ŋgʌ'ojmoc.

San Juan 10:28 ပူးပေါင်းရင်းမြစ်များ

San Marcos 13:22

Porque maŋba chu'cumyaju chʌquichʌquita'mbʌ Cristo y tza'maŋwa'oyeta'm. Y maŋba chʌquiaju maya'aŋda'mbʌ tiyʌ y isaŋwʌ'ajcuy wa'y 'yaŋgoma'cʌyaju hasta te' Diojsis quiopiwita'm, juca inʌc pya'tyajpa jutz.

San Lucas 23:46

Pijche'ca maya'aŋ weju Jesús y nʌmu: Tatay, nitza'mʌpya'ʌs espíritu mijcʌsi. Yʌ'še'a nʌmu'c, ca'u.

San Juan 10:29

Ʌs Ndata'sʌjte' tzi'yaju ʌs mbʌnda'm. Y ʌs Ndataj mʌja'ŋbʌte', y ya'iwʌ's ja'n musi yajʌcʌ'jayaju ñe' quiʌ'ojmoc.

San Juan 11:25

Ñʌjayu Jesujsis: Ʌjte' te' yajwinsa'opyapʌ y šajpapʌ's quenguy. Iwʌ'sʌj wʌ'aŋjamba ʌj, ñempe quia'ʌ maŋba itwʌtzʌjque'tutij.

San Juan 14:19

Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 18:9

Yʌ'šej nʌmu Jesús wa'y tyujcu te' chamušej ñe'cʌ's, nʌmu'c: Ndzi'yajuše'ŋmisʌj, nijutipʌ'ʌs janyajtocoya.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 6:47

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, pya'twa'a ja'n yayepʌ quenguy.

San Juan 6:68

'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

Hechos 7:59

Nʌ'cše'ŋoyj tyʌŋga'yaju tza'pit te' Esteban, ñe'cʌ's wyejwindzoŋu Dios y nʌmu: Ngomi Jesús, pʌjcʌchoŋja ʌs espíritu.

Romanos 5:17

Juca mumu ca'ʌnʌmu porque cowapa'tu te' tumʌpʌ pʌn, más maŋba 'yaŋgui'myaju Jesucristopit te' quengu'yojmo iwʌ's pyʌjcʌchoŋyajpa te' aŋba'tepʌ yajya'moquiuy, y te' justicia te' Diojsistʌ tzi'papʌ coyowataca.

Romanos 5:2

Ñe'cʌpit mbʌjcʌchoŋjojcʌtʌcpatʌ yʌ' yajya'moquiuy tʌ nwʌ'aŋjamgupyit, y te'cotoya paquitʌ ittamu. Y oma'omatʌ njo'ctamba wa'ytyʌ mbʌjcʌchoŋu tʌ mbarte te' Diojsis myʌja'ŋajcu'yojmo.

Romanos 5:21

Te'šej tujcu, y ca'ʌnʌmjojcʌtʌjcu te' cowapit. Pero te' Diojsis yajya'moquiupyit tzi'patʌ ja'n yayepʌ quenguy tʌ Ngomi Jesucristo's. Mbʌjcʌchoŋbatʌ yʌ' ja'n yayepʌ quenguy te' jyusticiapit te' tzi'papʌtʌ.

Romanos 5:9

Te'šej yʌtij justococotwa'ndʌ te' ñe' ñʌ'pinbit. Te'cotoya mustambatʌ que ñe'cʌpit wiyuŋšej maŋbatʌ ŋgotzoctamu uytyʌ yajnʌco'aŋgʌyu ŋgowa Diojsis.

Romanos 6:23

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

Romanos 8:1

Te'cotoya jeque, ja'na yajtiyʌ quio'aŋgʌyay te' tumʌtzʌquiajupʌ'sa chocoy Cristo Jesusji'ŋ, te' ja'n chʌcjayapyʌ's yatzipʌ wyi'nis šu'noquiuy sino que te' Espíritu Santo's šu'noquiuy.

Romanos 8:29

Porque te' antestij ispʌquiajupʌ Diojsis, te'ta'mbʌ antestij quiopiŋyaju ñe'cʌ's wa'y ñʌ'itjayaju 'yune's chocoy y itcuy, porque ñe'cʌte' te' más mʌja'ŋbʌ soneta'mbʌ atzi'ojmo.

Filipenses 1:6

Diojsis jyomecotzʌcjayu mista'm ndzocoy nwʌ'aŋjamdamu'cmis te' evangelio. Ni'aŋjamba'ʌs Dios que ñe'cʌ's maŋba pyʌmitzi'jayu mista'm ndzocoy hasta tiyʌ jama mingue'tpa tʌ Ngomi Jesucristo.

2 Tesalonicenses 2:13

Atzita'm, tʌ Ngomi's šundambamij, y oye wa'ytyʌs nʌmjojcʌtʌcjaytyamu Dios yʌscotoya mijcotoyata'm. Porque Diojsismij ŋguiopiŋdamu tzo'tzcu'yojmo wa'mij nyajcotzoctamu. Y nyajcotzoctamumij porque nwʌ'aŋjamdamumis te' wiyuŋbʌ tiyʌ, y yajmasa'najtamumij te' Espíritu Santopit.

1 Timoteo 1:16

Pero to'ya'ŋʌyu'ʌj Jesucristo's nimeque'ctij wa'y yajqueju wina ʌjcʌsi te' aŋba'tepʌ pyaciencia. Y te'šej chʌjcu wa'y quiengʌspʌquiaju ʌjcʌsi jujche'ŋ maŋbapʌ's wyʌ'aŋjamyaju ñe'cʌ wa'y pya'tyaju ja'n yayepʌ quenguy.

2 Timoteo 1:12

Te'cotoya nʌ'ʌj ndoyapʌjcu yʌ'šejta'mbʌ tiyo'mo. Pero ja'nʌj ndza'ay porque muspa'mʌs ne'cʌ iwʌ'ʌste' nʌ nwʌ'aŋjamu, y muspa'mʌs que pʌmi'ʌyu wa'y quioquenjayu te' ʌs nitza'mʌyupʌ tiyʌ ñe'cʌcʌsi hasta ʌ'ta'mbʌ jamacotoya.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.

1 Pedro 1:5

Nʌmis nwʌ'aŋjamdamu'ŋmʌjcʌ Dios, ñe'cʌ'smij nʌ ŋguiopʌ'ctamu y ŋguiotu'stamu hasta ŋguiotzojcoctuctamu te' ultimota'mbʌ jamo'oyj. Jʌ'ʌ, pijche'cpʌ jamo'oyj, quipsušej Diojsis, maŋba yajqueju jutzte' mʌja'ŋbʌ tiyʌ tʌta'm ŋgotzojcuy.

1 Juan 1:2

Diojsis yajquenutʌj quenequene yʌ' tzi'papʌ'stʌj quenguy. Y ŋguenutʌs, y ñe'cʌtʌs ŋgotzamba. Y nyajmustambatʌsmij que yʌ'wʌte' te' ja'n yayepʌ quenguy ijtupʌytya' inʌc tʌ Ndata Diosji'ŋ, y minutʌj yajquenu wyin.

1 Juan 2:19

Yʌ'ta'mbʌ tʌste' ndu'mʌquiu'yojmoc tzu'cumyaju pero ja'nde' wiyuŋšejta'mbʌ wʌ'aŋja'moye. Juca inʌc tumo'oyj wʌ'aŋja'moyajpa tʌji'ŋ, tzʌ'yjojcʌtʌquiaju inʌc tʌji'ŋ. Pero tzu'cumyaju wa'y quieju que ja'n mumu wyʌ'aŋja'moyay jujcha' tʌta'm.

1 Juan 2:25

Y Jesucristo'stʌte' tzamdzi'tamu te' ja'n yayepʌ quenguy.

1 Juan 5:11

Y yʌ'šejte' chamu Diojsis: Que ñe'cʌ'stʌte' tzi'tamu ja'n yayepʌ quenguy. Y te'šejpʌ quenguy tzi'patʌ 'Yunepit.

Judas 1:1

Ʌjte' te' Jesucristo's quioyosa Judas, te' Jacobo's pyotzo. Nʌ'ʌsmij njayjaytyamu jujche'ŋmij nwyeyatʌjtamupʌ wa'mis mato'ŋoyjaytyamu te' Diojsis chame. Tʌ Ndata Diojsis šundambamij y ŋguioquendambamij Jesucristocotoya.

Judas 1:21

Como Diojsis jene sundambatʌ, coquendamʌ nwin wa'mis sundaŋgue'tu ñe'cʌ. Pacienciapit jo'ctamʌ wa'mij ŋguiotzococtuctamu y wa'mij ñchi'tamu ja'n yayepʌ quenguy tʌ Ngomi Jesucristo's te' tyo'ya'ŋʌ'oquiupyit.

Judas 1:24

Diojsismij maŋba ŋguioquendamu umij maŋu ñchʌcjopi'ttamu mista'm ŋgowa's, porque ñe'cʌ pʌmi'ʌyupʌte'. Y maŋbamij nya'aŋguejtamu ñe' wyi'naŋdʌjqui cowataca y oma'oma ñe' chi'muŋgʌ'ojmo.