19 Pijche'ca quipotoŋgʌ'yajque'tu ñe'co'mo judiota'm myatoŋyaju'ca yʌ'šejta'mbʌ tzame.
Pijche'ca quipotoŋgʌ'yaju judiota'm, y nʌmyajpa inʌc: ¿Jutza'ndʌ muspa tzi'u yʌ' pʌ'nis ñe' cuerpo jujcha' cu'tcupyʌ tiyʌ wa'ytyʌ ŋgʌ'sjaytyamu šis.
Pijche'ca metza tuca'y te' fariseo nʌmyajpa inʌc: Te' cho'yʌyupʌ's ja'nde' Diojsis quiʌ'weju porque ja'n quiojame sábado. Eyata'mbʌ nʌmyajpa inʌc: ¿Jutza' jeque muspa chʌjcu yʌ'šejta'mbʌ isaŋwʌ'ajcuy cowatzʌquipʌ pʌ'nis? Y quipotoŋgʌ'yaju ñe'co'mo.
Pero we'ñaju te' cumgupyʌn, wene pʌ'nis quiʌ'maŋyaju judiota'm, y wene pʌ'nis quiʌ'maŋyaju cʌ'wejta'm.
Matoŋba'ʌs que jujche'ŋ nacamij ñdyu'mʌytyamba tu'mʌquiu'yojmo ŋguipotoŋgʌ'ytyambamij y wene'cše'ŋoyj nwʌ'aŋjamba'ʌs.
porque sunjaytyambamajmis nwi'nis šu'noquiuy. Nguiʌjoŋdambamajmij y ŋguipotoŋdambamajmij, y we'nbʌ'tambamaj mis ŋguipsoquiuy. ¿Ja'nsʌ'ŋde' mista'm nwi'nis šu'noquiuy nʌ sunjaytyamu y ñempejutzpʌ pʌnšej nʌ nwyittamu?