San Juan 10:16 - Zoque Copainalá New Testament

¹⁶ Ijtyajque'tumaj eyata'mbʌ ja'ndiyʌta'mbʌ yʌy ʌs nwe'que'ojmo. Te'ta'mbʌ pyʌcpa wa'yʌs nʌmiñaju, y maŋba ñʌctʌ'yjayaju ʌs nwejcʌ'. Y maŋba ñʌctʌ'yjayaju ʌs ndzame. Y tumʌco necstoyoquiuy maŋba ijtu y tumʌtya'a quioqueñajpapʌ's.

San Juan 10:16 ပူးပေါင်းရင်းမြစ်များ

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Lucas 15:8

O juca tumʌpʌ yomo's ñʌ'ijtu majca'y dracma-tumin y yajtocopya tumʌ, ¿ja'nsʌ'ŋ ño'e sʌ'ŋgʌ' y tyacspete tyʌc wa'y chijpana-me'tzu hasta que pya'tpa?

San Juan 10:11

Ʌjte' te' oyepʌ coque'noye. Y ʌs ndzi'oquia'pa'ʌs nwin ñchowambecotoyata'm, sunba'ʌjte' nʌmu pʌngotoyata'm.

San Juan 10:2

Pero iwʌ tʌjcʌpya te' tʌjcʌyajpamʌy, te'wʌte' te' ñchowambe-coque'noye.

San Juan 10:27

Ʌsne' ñchowambe'sta'm, sunba'ʌjte' nʌmu ʌsne' mbʌ'nista'm, ñʌctʌ'yjayajpa ʌs nwejcʌ', y ʌs ispʌquiajpa'ʌs, y co'ŋyajpa'ʌj.

San Juan 10:3

Ñe'cʌcotoya ya'aŋwajapya te' tʌjcʌquiuy te' tʌjcʌquiuy-quioquenbapʌ's, y ñʌctʌ'yjayajpa ñe' ñchowambe'sta'm wyejcʌ', y ñʌquiʌsi wyejyajpa tumdumʌ te' ñe' ñchowambe wa'y ñʌpujtyaju.

San Juan 10:4

Y ñʌputpʌ'yaju'ca wyi'najayajpa. Y te' ñchowambe's quio'ŋyajpa porque ñʌctʌ'yjayajpa wyejcʌ'.

San Juan 10:5

Pero ja'n ispʌquiapyʌ pʌn ja'n quio'ŋyay, sino que pyoyjayajpa, porque ja'n ñʌctʌ'yjayay te' ja'n ispʌquiapyʌ pʌ'nis wyejcʌ'.

San Juan 11:52

Y ja'n na' te' nacioŋgotoyatij, sino que wa'y tyumʌwʌ'aŋja'moyaju mumu pʌn titnayajupʌ naswindumʌ, jujche'ŋ Diojsis maŋba 'yune'ajyajupʌ.

San Juan 17:20

Pero ja'nʌj nwa'coy na' yʌ'ta'mbʌcotoya, sino que nwa'que'tpa'ʌs te' maŋbapʌ'sma'ʌj wʌ'aŋjamyajupʌcotoya yʌ'ta'mbʌ's 'yaŋma'yoquiupyit.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

Hechos 15:14

Chamwa'a Simo'ŋis jutz winbʌ quiʌ'tiju Diojsis te' gentilta'm wa'y ñʌpujtu ñe'co'mocta'm pʌnda'm ñe'cʌcotoyatij.

Hechos 18:10

porque yʌ'yʌj ijtu miji'ŋ. Y ya'iwʌ'smij ja'n maŋu ñchʌcjayu yajtiyʌ, porque wʌwʌ ijtyaju yʌ' cumgu'yoyj ʌsta'mne'.

Hechos 22:14

Y nʌjayu'ʌj: Tʌ ndata'sta'm Diojsismij ŋguiopiŋu wa'mis musjayu ñe' šu'noquiuy, wa'mis ŋguenu te' Justopʌ, y wa'mis matoŋjayu ñe' 'yotowe.

Romanos 11:25

Atzita'm, wa'mis jana ne'cʌtij mujsoyešej ŋgomʌ'ytyamu nwin, sunba'ʌs wa'mis mustamu yʌ' jayajqueyapʌ tiyʌ Diojsis winata'mbʌ tiempo'oyj: Nuyu'ajyaju choco'yojmo wene te' Israel-pʌnda'm, hasta que tʌjcʌyajpa mumu maŋba tyʌjcʌyajuše'ŋ te' gentilta'm.

2 Tesalonicenses 2:13

Atzita'm, tʌ Ngomi's šundambamij, y oye wa'ytyʌs nʌmjojcʌtʌcjaytyamu Dios yʌscotoya mijcotoyata'm. Porque Diojsismij ŋguiopiŋdamu tzo'tzcu'yojmo wa'mij nyajcotzoctamu. Y nyajcotzoctamumij porque nwʌ'aŋjamdamumis te' wiyuŋbʌ tiyʌ, y yajmasa'najtamumij te' Espíritu Santopit.

Hebreos 13:20

Diojsis yajwinsa'u tʌ Ngomi Jesucristo ca'yajupʌ'ojmoc. Yʌ'wʌte' te' mʌja'ŋbʌ ñchowambe-coque'noye, y ñe' ñʌ'pinbit tujcu te' ja'na yayepʌ trato. Yʌ' Dios, yajwinsa'upʌ's Jesús, yʌ'wʌ'ste' šajpa sʌ'mnaquiuy.

1 Pedro 2:10

Mijta'm, cʌtʌquiajupʌ aŋsʌ'ŋojmo yempejutzpʌ mbyʌnda'm mijyʌ' inʌc, pero yʌtij Diojsisamijyʌ' pyʌnda'm. Y te' cʌtʌquiajupʌ aŋsʌ'ŋojmo ja'nmis inʌc mustame que ñdyo'ya'ŋʌytyamba inʌc Diojsis, pero yʌtij mustamwa'mis que Diojsis wiyuŋšej ñdyo'ya'ŋʌytyamba.

1 Pedro 2:25

Wina tuŋdocoyajupʌ ñchowambešejta'm mij inʌc Diojsis wyi'naŋdʌjqui, pero yʌtij ŋgʌwitu'ʌytyamumis Cristo te' co'aŋgui'moye, ŋguioquendambapʌ'smij Diojsis wyi'naŋdʌjqui.

1 Pedro 5:4

Y minba'ca Cristo te' Coque'noye-cowi'na, ñe'cʌ'smij maŋba ñchi'tamu jujcha' ja'n yayepʌ corona, mista'm mbarte ñe' chi'muŋgʌ'ojmo y myʌja'ŋajcu'yojmo.

El Apocalipsis 3:20

Yʌtij puertaše'ʌs nʌ ŋgocsu mumu tzocoy wa'yʌj ndʌjcʌyu. Iwʌ'sʌj cʌmato'ŋʌpya y ya'aŋwajpa chocoy wa'yʌj ndʌjcʌyu, maŋba'ʌj ŋgomipʌjcu ñe'cʌji'ŋ.