San Juan 10:10 - Zoque Copainalá New Testament

¹⁰ Te' nu'mbapʌ minba wa'ytye' ñu'mu, y yajca'oyu y yajtoco'yoyu. Ʌj minu'ʌj wa'yʌs ndzi'yaju jomepʌ quenguy, y wa'y omgomʌ'ñaju te' jomepʌ quengu'yojmo.

San Juan 10:10 ပူးပေါင်းရင်းမြစ်များ

San Mateo 18:10

Coquendamʌ cuenta umis menoscocottamu ya'iwʌ wʌ'aŋjambapʌ'sʌj, ñempe chicspʌ. Porque ʌsmij nʌjaytyamba que ñe'ta'm 'yangelejsis quioqueñatʌjpa, y tzajpojmo ijtyaju. Y 'yoto'ŋʌyjayajpa tzajpojmo ijtupʌ ʌs Ndata Dios.

San Mateo 18:11

Porque ʌs, te' Pʌ'nis 'Yune's, minu'ʌs nyajcotzoquiaju te' tocoyajupʌ.

San Mateo 20:28

Jujcha' ʌj, te' Pʌ'nis 'Yune, jaminʌ'ʌj wa'yʌj yosjayaju, sino que minu'ʌj wa'yʌs coyospawʌšej ndzʌjcu nwin. Y minu'ʌs ndzi'oquia'u nwin wa'yʌs njupyujtyaju wʌwʌ pʌn.

San Mateo 21:13

Y ñʌjayaju: Yʌ'šej ja'yʌyu: Ʌs ndʌc, Dios-oto'ŋʌquiuy tyʌcte'. Pero mista'm nu'mbawʌ's cha'tʌcše'a mis ndzʌcjaytyamu.

San Mateo 23:13

Pero, ay mijta'm, aŋgui'mguy-tyayu y fariseo, nwʌ'aŋjamba chʌcpata'm. Porque nya'aŋga'mdambamis tuŋ uy tyʌjcʌyaju pʌnda'm aŋgui'mbamʌy tzajpojmopʌ Dios. Ja'nmij ñdyʌjcʌytyame, ni ja'nmis ndzi'yay lugar wa'y tyʌjcʌyaju te' sunba tyʌjcʌyajupʌ.

San Marcos 11:17

Y chamnʌctʌ'yaju y ñʌjayaju: Ja'nja mustame que yʌ'šej ja'yʌyu: Ʌs ndʌc, Dios-oto'ŋʌquiuy tyʌcte' mumu pʌngotoya. Pero mista'm nu'mbawʌ's cha'tʌcše'a mis ndzʌcjaytyamu.

San Lucas 19:10

Porque ʌs, te' Pʌ'nis 'Yune's, minu'ʌs me'tzu wa'yʌs nyajcotzojcu te' tocoyajupʌ.

San Juan 10:1

Wiyuŋše'ʌsmij nwiyuŋdzamjaytyamba: Iwʌ sunba tyʌjcʌyu ñchowambe'sta'm wye'que'ojmo, pero ja'n tyʌjcʌy te' tʌjcʌyajpamʌy sino que emʌc maŋba qui'mdʌjcʌyu wa'ytye' ñu'mu, nu'mdʌjcʌpya.

San Juan 10:11

Ʌjte' te' oyepʌ coque'noye. Y ʌs ndzi'oquia'pa'ʌs nwin ñchowambecotoyata'm, sunba'ʌjte' nʌmu pʌngotoyata'm.

San Juan 12:47

Iwʌ's myatoŋba ʌs ndzambapʌ tiyʌ y ja'n quiojame, ʌs ja'nʌs ŋgʌme'tze. Jaminʌ'ʌj wa'yʌs ŋgʌme'chaju najsacopajcʌsita'mbʌ pʌn, sino que wa'yʌs nyajcotzoquiaju.

San Juan 12:6

Pero nʌmu yʌ'šej ja'n porque tyo'ya'ŋʌyajpa inʌc pobre, sino que nu'mbapʌte' inʌc. Y ñe'cʌ'ste' inʌc quioquenba te' tumin-tzunu, y ya'aŋjecpa inʌc te' tumin.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 5:40

pero ja'nmisʌj suni nwʌ'aŋjamdamu ʌj wa'yʌsmij ndzi'tamu ja'n yayepʌ quenguy.

San Juan 6:33

Porque te' pan šajpapʌ Ndata Diojsis, te'wʌte' wanajcupʌ tzajpojmoc, y ñe'cʌ'ste' maŋba chi'yaju quenguy te' najsacopajcʌsita'mbʌ pʌn.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

Romanos 2:21

Mis jeque, aŋmapyamis eyapʌ, ¿y ne' nwin ja'nmis aŋmaye? Mis, ndzamgopuŋbamis uy ñu'myaju, ¿y ne'cʌ ñu'mbamij?

1 Timoteo 1:15

Yʌ'wʌ jeque wiyuŋšejpʌ tzameyʌ', y pyʌcpa wa'y tyumʌtzocoy pyʌjcʌchoŋu mumu pʌ'nis. Wiyuŋšej, te' Cristo Jesús minu najsacopajcʌsi wa'y yajcotzojcu cowapa'tyajupʌ, y te'wo'mocta'm ʌjte' te' más cowatzʌqui.

Hebreos 6:17

Te'cotoya Diojsis chambʌjcu ñe' ñʌy wa'y wyiyuŋše'aju ñe'cʌ's nʌ chamdzi'oquia'upʌ tiyʌ. Šunba inʌc wa'y wi'ŋnayupʌ tzocopyit myujšaju te' maŋba pyʌjcʌchoŋyajupʌ's te' chamdzi'yajupʌ tiyʌ que Diojsiste' y ja'n quiacpʌ'i chame, y maŋbapʌte' chʌjcu.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.

2 Pedro 1:11

Y te'šej jʌsa'ca Diojsismij maŋba ñchi'tamu pe'tzipʌ y woŋgonayupʌ tuŋ wa'mij nwyiyuŋnu'ctamu te' aŋgui'mbamʌy te' nyajcotzojcopyapʌ Ngomi Jesucristo mumu jamacotoya.