San Juan 1:51 - Zoque Copainalá New Testament

⁵¹ Y nʌ'ma'ŋʌyu: Wiyuŋšej nwiyuŋdzamjaytyamba'ʌsmij: Maŋbamij ŋguiendʌjcʌytyamu tzajpojmo, y maŋbamis ŋguendamu te' Diojsis 'yangelejsista'm nʌ cʌ'maŋyaju y cʌ'miñaju ʌj, te' Pʌ'nis 'Yune.

San Juan 1:51 ပူးပေါင်းရင်းမြစ်များ

San Mateo 25:31

Minba'camʌj, ʌj te' Pʌ'nis 'Yune, ʌs ndzi'muŋgʌ'ojmo, maŋba miñaju mumu te' masanda'mbʌ ángeles ʌji'ŋ. Pijche'c ʌs mʌja'ŋajcupyit maŋba'ʌj mbocsu ʌs aŋgui'mʌtʌjcuy-pyocscu'yojmo.

San Mateo 26:24

Wiyuŋšej, ʌj te' Pʌ'nis 'Yune, maŋba'mʌj nduŋgʌpʌjcu, ja'yʌyajuše'ʌj Totojaye'ojmo. Pero ay te' pʌn maŋbapʌ'sʌj tzi'oquia'u, ʌj te' Pʌ'nis 'Yune. Más inʌc oye te' pʌngotoya juca inʌc japyʌ'na.

San Mateo 3:16

Y nʌ'yʌyu'ctij te' Jesús, qui'mbujtu te' nʌ'ojmo, y aŋwaju te' tzap y quienu te' Diojsis 'Yespiritu nʌ wyanajcu'c jujcha' wiyuŋšejpʌ paloma, y nu'cu ñe'cʌcʌsi.

San Mateo 4:11

Pijche'ca chajcu te' diablo's. Y nu'quiaju angelesta'm y minu quiotzoŋyaju.

San Mateo 8:20

Y Jesujsis ñʌjayu: Wetu'sta'm ijtyaju cha'tʌc, y te' sitityajpapʌ paloma's ijtyaju ño'se. Pero ʌj, te' Pʌ'nis 'Yune's, ja'ndiyʌ ni ʌs mbata tiyʌcʌsi wa'yʌj ʌŋu.

San Mateo 9:6

Te'še'ʌj nʌmu wa'mis mustamu que ʌj, te' Pʌ'nis 'Yune's, ijtu'ʌs aŋgui'mʌtʌjcuy najsacopajcʌsi wa'yʌs nyajcotocoyu cowa. Pijche'ca ñʌjayu Jesujsis te' wocšijpʌ: Tenaqui'mʌ, pʌcʌ mis ŋgape-ʌŋguy y mawʌ ndʌjcaŋʌ.

San Marcos 1:10

Nʌ'cmaj qui'mbujtu te' nʌ'ojmo, pijche'ctij quienu Jesujsis nʌ 'yaŋwaju te' tzap. Queju te' Espíritu Santo jujcha' paloma y wanajcu ñe'cʌcʌsi.

San Marcos 14:62

Y Jesujsis 'yaŋdzoŋu: Pijtʌjyʌ', y maŋbamisʌj ŋguendamu ʌj, te' Pʌ'nis 'Yune, pocsu'camʌj te' mʌja'ŋbʌ Diojsis chʌ'na'ŋojmoc, te' ñe'cʌ aŋgui'mbamʌy. Y maŋbamisʌj ŋguendaŋgue'tu nʌ'cʌj minu tzajpojmopʌ o'na'ojmo.

San Lucas 2:13

Mecša'ŋoyj quejyaju wʌwʌ tzajpojmocta'mbʌ ángeles te' tey ijtupʌ angelesji'ŋ, y nʌ inʌc myʌja'ŋwanjayaju Dios y nʌmyaju:

San Lucas 2:9

Y teymʌ quiʌnu'cʌyaju te' coque'noyajpapʌ tʌ Ngomi's 'yangelejsis, y tʌ Ngomi's chi'muŋgʌ'is šʌ'ŋjojpacjayaju, y maya'aŋ na'chaju.

San Lucas 22:43

Y yajquenu wyin tumʌ tzajpojmopʌ angelejsis wa'y pyʌmitzi'u.

San Lucas 22:69

Pero jʌsa'ca, ʌj, te' Pʌ'nis 'Yune, maŋba'ʌj mbocsu te' mʌja'ŋbʌ Diojsis chʌ'na'ŋojmoc te' ñe'cʌ aŋgui'mbamʌy.

San Lucas 24:4

Yʌ'šej tujcu, teytyij nʌ ña'chaju'c, tenapyaquiaju metza'ŋbʌn tey ñe'caŋita'm tzi'muŋyajpapʌ's pyama.

San Lucas 3:21

Pero wina nʌ'c inʌc yajnʌ'yʌyaju Jua'ŋis mumu te' pʌnda'm, nʌ'yʌquie'tu Jesús. Y nʌ'cše'ŋoyj 'yoto'ŋʌyu Dios, aŋwaju te' tzap.

San Juan 1:50

Jesujsis 'yaŋdzoŋgue'tu: Porque nʌjayu'ʌsmij: Higo-cu'yucʌ'mʌmajmij ijtu'c ŋguenu'ʌsmij, ¿te'cotoyamisʌj wʌ'aŋjamba? Más maya'aŋda'mbʌ tiyʌmis maŋba ŋguenu.

San Juan 10:1

Wiyuŋše'ʌsmij nwiyuŋdzamjaytyamba: Iwʌ sunba tyʌjcʌyu ñchowambe'sta'm wye'que'ojmo, pero ja'n tyʌjcʌy te' tʌjcʌyajpamʌy sino que emʌc maŋba qui'mdʌjcʌyu wa'ytye' ñu'mu, nu'mdʌjcʌpya.

San Juan 10:7

Te'cotoya chamwʌtzʌcjayajque'tu Jesujsis: Wiyuŋše'ʌsmij nwiyuŋdzamjaytyamba: Ʌjte' te' tʌjcʌquiuy te' ñchowambecotoyata'm, y te' ñchowambeta'm pʌnda'mde'.

San Juan 13:16

Wiyuŋše'ʌsmij nwiyuŋdzamjaytyamba: Ja'nde' más myʌja'ŋ te' coyospapʌ que ja'nde te' quiomi, ni ja'nde' más myʌja'ŋ te' cʌ'wej que ja'nde' te' quiʌ'wejupʌ's.

San Juan 13:38

'Yaŋdzoŋgue'tu Jesujsis: ¿Ndzi'oquia'paja nwin ʌjcotoya? Wiyuŋše'ʌsmij nwiyuŋdzamjapya: Maŋba'cmaj wyeju gallo, mij maŋbamij ñʌmu tuca'y ñaca que ja'nmisʌj ŋgo'ispʌqui.

San Juan 14:12

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, jujche'ŋ tzʌqui ʌs ndzʌcpapʌ maŋba chʌjque'tu ñe'cʌ's. Y más mʌja'ŋda'mbʌ tiyʌ maŋba chʌjcu, porque ʌj maŋba'ʌj Ndata'ŋʌ.

San Juan 16:20

Wiyuŋše'ʌsmij nwiyuŋdzamjaytyamba que maŋbamij njyʌytyamu y ñdyoyapʌctamu. Pero te' ja'nʌj wʌ'aŋjamyapyʌ's maŋba ñʌ'omyaju. Pero ñempe mij jʌyu'c ñchʌ'ytyamʌ, jʌsa'ca maŋbamis njambʌ'tamu te' triste'ajcuy, maŋba 'yomawitu'u.

San Juan 16:23

Ʌ' jamo'oyj yajtiya'misʌj ja'n maŋu ŋgʌ'aŋwa'ctamu. Wiyuŋše'ʌsmij nwiyuŋdzamjaytyamba que tiyʌta'm mis nwa'cjaytyamba ʌs Ndata Dios ʌs nʌquiʌsi, ñe'cʌ'smij maŋba ñchi'tamu.

San Juan 21:18

Wiyuŋše'ʌsmij nwiyuŋdzamjapya: 'Yunepʌ'nʌ'cmajmij ne'cʌ mis inʌc nyamba mbama, y myaŋbamij inʌc jutʌtijmis sunʌ. Pero ñchamupʌ'nʌ'camij maŋbamis nyajtʌyʌyu myejtzji'ŋ mis ŋgʌ', y eyapʌ'smij maŋba nyajyamu mbama. Y maŋbamij ñʌmaŋyaju ne'cʌmis ja'n sunimʌy.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

San Juan 3:5

Aŋdzoŋu Jesús: Wiyuŋše'ʌsmij nwiyuŋdzamjapya, iwʌ ja'n pyʌ'nay nʌ'pit y Espiritupit ja'n musi tyʌjcʌyu wa'y 'yaŋgui'mu Diojsis.

San Juan 5:19

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

San Juan 5:27

Ñe'cʌ'stijte' tzi'que'tu aŋgui'mʌtʌjcuy y mʌja'ŋajcuy wa'yʌj ŋgʌme'tzoyu, porque ʌjte' te' Pʌ'nis 'Yune.

San Juan 6:26

'Yaŋdzoŋyaju Jesujsis: Wiyuŋše'ʌsmij nwiyuŋdzamjaytyamba: Nʌmisʌj me'tztamu ja'n porque nʌmis ŋguendamu ʌs ndzʌjcupʌ isaŋwʌ'ajcuy. Me'tztambamisʌj porque mbʌ'nʌytyamu'ʌsmij hasta que ñdyastamumij.

San Juan 6:32

Jesujsis ñʌjayaju: Wiyuŋše'ʌsmij nwiyuŋdzamjaytyamba: Ja'nde' Moisejsismij ñchi'tamu te' pan wanajcupʌ tzajpojmoc, sino que ʌste' Ndata'smij ñchi'tamba te' wiyuŋšejpʌ pan wanajcupʌ tzajpojmoc.

San Juan 6:47

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, pya'twa'a ja'n yayepʌ quenguy.

San Juan 6:53

Jesujsis ñʌjayaju: Ʌjte' te' Pʌ'nis 'Yune, y juca ja'nmis ŋgʌ'sjaytyame ʌs sis y ndo'ŋjaytyame ʌs nʌ'pin, ja'ndiyʌ mista'm iscuy-quenguy ndzoco'yojmo.

San Juan 8:34

Jesujsis 'yaŋdzoŋyaju: Wiyuŋše'ʌsmij nwiyuŋdzamjaytyamba que iwʌ cowapa'tjojcʌtʌcpa, cowa'ste' quioyosa.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

San Juan 8:58

Y ñʌjayaju Jesujsis: Wiyuŋše'ʌsmij nwiyuŋdzamjaytyamba: Ja'ndiyʌ'cmaj Abrahán, ʌj ijtu'ctya'mʌjte'.

Hechos 10:11

Y quienu jujcha' nʌ 'yaŋwajupʌ te' tzap, y teymʌc nʌ inʌc wyanajcu ti'yʌc jujcha' mʌja pama macšcu'y aŋguinʌ si'nupʌ, y wanajcu nascʌsi.

Hechos 7:56

Y Esteban nʌmu: Yʌtij nʌ'ʌs ŋguenu tzajpojmo, y te' Pʌ'nis 'Yune Diojsis chʌ'na'ŋojmo ijtu mʌja'ŋajcu'yojmo.

2 Tesalonicenses 1:7

Y maŋbamij nyajtoyapʌjcaŋjejtamu Diojsis, y te'šejtijque' tʌj, maŋba'candʌ ŋguendamu tʌ Ngomi Jesucristo nʌ minu'c tzajpojmoc pʌmi'ʌyajupʌ 'yangelesji'ŋda'm.

2 Tesalonicenses 1:9

Yʌ'ta'mbʌ jana yayepʌ tocoquiupyit maŋba yajnʌco'aŋgʌyaju Diojsis ja'ndiyʌmʌy tʌ Ngomi Jesús 'yaŋgui'mʌtʌjcu'yojmo ni chi'muŋgʌ'ojmo.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

Hebreos 1:14

Nijutipʌ jañʌjaya te'šej porque te' angelesta'm espirituta'mdijte'. Te'ta'mbʌ quiʌ'wejyatʌjpa Diojsis wa'y quiotzoŋyaju pʌn hasta que cotzojcoctuquiajpa.

Judas 1:14

Te' Enoc, cu'ya'yajcupyʌ wyinboyate' Ada'ŋisñe'. Tza'maŋwa'oyu'c ya'ajca yʌ' Enoc, chamgue'tu jutz maŋba quio'aŋgʌyaju yʌ'šejta'mbʌ pʌn nʌmu'c: Coquendamʌ cuenta, maŋba minu tʌ Ngomi aŋba'teta'mbʌ myasan angelesji'ŋ

El Apocalipsis 19:11

Pijche'ca ŋguenu'ʌs Diosaŋʌ aŋwaju te' tzap. Teymʌ'ʌs ŋguenu popopʌ cayu y te' pyocsupʌ's, yʌ'šej inʌc ñʌy: Wiyuŋbʌ y jicapyʌ pʌn porque cʌme'tzopyašej y quijpašej jicapyʌ tiyʌte'.

El Apocalipsis 4:1

Jʌsa'ca ŋguenu'ʌs tzajpojmo puerta aŋwajupʌ. Matoŋgue'tu'ʌs te' winbʌ otowe te' nʌ inʌc 'yaŋjʌyupʌ jujcha' mu'cuy. Ʌjte' inʌc nʌ oto'ŋʌyu y nʌjayu'ʌj: Qui'mʌ yʌmʌ y ʌsmij maŋba nyajquenu maŋbamaj tyuquiajupʌ tiyʌ jʌsa'ca.