San Juan 1:45 - Zoque Copainalá New Testament

⁴⁵ Yʌ' Felipe's pya'tu Natanael y ñʌjayu: Mba'twa'ndʌs te' Jesús, te' Nazarejtojmopʌ Jose'is 'yune. Yʌ' Jesuste' te' jya'yʌyupʌ Moisejsis te' aŋgui'mgu'yojmo, y te' jya'yʌyajque'tupʌ te' tza'maŋwa'oye'sta'm.

San Juan 1:45 ပူးပေါင်းရင်းမြစ်များ

San Mateo 10:3

Te' Felipe y te' Bartolomé, te' Tomás, y ʌj Mateo te' tze'copyawʌ. Te' Jacobo te' Alfeo's 'yune, y te' Lebeo te' a'ŋʌyupʌ's ñʌy Tadeo.

San Mateo 13:55

¿Ja'njate' yʌ'wʌ te' cuytyayu's 'yune? ¿Ja'njate' yʌ'wʌ's ñanaj ñʌjayajpa María, y pyotzota'm Jacobo, José, Simón y Judas?

San Mateo 2:23

Y nu'cu'ctij tey, maŋu ijtu Nazaret-cumgu'yojmo, wa'y tyujcu nʌmyajušej te' tza'maŋwa'oyajpapʌ: Maŋba'n inʌc ñʌjayaju nazareno.

San Mateo 21:11

Y te' Jesusji'ŋ ijtyajupʌ aŋdzoŋyajpa inʌc: Yʌ'wʌte' te' Jesús, te' tza'maŋwa'opyapʌ, Nazaret-pʌn, Galilea-najsis quiowindzʌmbapʌ.

San Marcos 14:67

Quienu'ctij que nʌ šamu te' Pedro, quiengʌpʌjcu y ñʌjayu: Te'šejtijque' mij, ʌ' Nazarejtojmopʌ Jesusji'ŋmijyʌ' inʌc nʌ nwyijtu.

San Marcos 6:3

¿Ja'njate' yʌ'wʌ te' cuytyayu, te' Maria's 'yune? ¿Ja'njate' yʌ'wʌ's pyotzota'm Jacobo, José, Judas y Simón? ¿Y ja'njate' yʌytya'mbʌ iti mumu te' yomojta'mbʌ pyotzo? Y japyʌjcʌchoŋya.

San Lucas 18:37

Y ñʌjayaju que nʌte' quiʌtʌjcu Jesús te' Nazarejtojmowʌ.

San Lucas 2:4

Ijtu inʌc cumguy Galilea-najsojmo ñʌjayajpapʌ Nazaret. Teymʌ tzu'cumu José y maŋu Judea-najsojmo, y nu'cu Beleŋ-gumgu'yojmo pʌ'najumʌy inʌc David, porque José, Davijtiste' inʌc fyamilia's wyinboya.

San Lucas 2:48

Y quieñaju'ca tyata'sta'm maya'yaju y ñʌjayu te' ñana's: Tʌwʌy, ¿tiyajcu'yandʌjyʌ' te'šej ndzʌjcu? Mis ndata's y ʌs, toyapʌjcu'c tʌsmij nʌ me'tzu.

San Lucas 24:27

Y te' Moisejsis y mumu te' tza'maŋwa'oye's jya'yʌyupʌ tiyʌpit ñitzʌjcu Jesujsis wa'y cha'maŋwajayaju mumu te' Totojaye ja'yʌyumʌy ñe'cʌ.

San Lucas 24:44

Y ñʌjayaju: Yʌ'šejta'mbʌ tiyʌ'ʌsmij ndzamjaytyamu nʌma'ʌj nwijtu'c miji'ŋda'm: Ijtupʌte' pyena wa'y tyujcu mumutiyʌ tzambamʌ'yʌj te' Totojaye's, te' Moisejsis 'yaŋgui'mguy-libro'ojmo, y tza'maŋwa'oye's tyoto'ojmo y Salmo-libro'ojmo.

San Lucas 3:23

Y ñitzʌjcu Jesujsis te' ñe' yoscuy ips-co-mac ameše'ŋoyj nʌ ñʌtu'ŋaju'c. Y Jesús, Jose'iste' inʌc 'yune, quiomʌ'yajpašej inʌc, y José, Eli'iste' inʌc 'yune,

San Lucas 4:22

Y mumupʌ's wyʌcotzamyaju ñe'cʌ y ñʌmaya'yajpa inʌc porque chamu yajya'moquiuyji'ŋbʌ tzame. Pero nʌmyaju: ¿Ja'nja jequete' yʌ'wʌ te' Jose'is 'yune?

San Juan 1:44

Y te' Felipe Betsaida-cumgu'yojmopʌte' inʌc, Andrés y Pedro'sta'm quiumguy.

San Juan 12:21

Quiʌnu'cʌyaju jeque yʌ'ta'mbʌ's te' Felipe Betsaida-cumgu'yojmopʌ, Galilea's quiowindzʌmbapʌ, y minu ñʌjayaju: Señor, sunbatʌs ŋguenu Jesús.

San Juan 14:8

Ñʌjayu Felipe's: Señor, yajquenatʌj te' mis Ndata Dios y tzocopyacpatʌj.

San Juan 18:5

'Yaŋdzoŋyaju: Nazaret-cumgu'yojmopʌ Jesús. Jesujsis ñʌjayaju: Ʌjte', yʌ'yʌj ijtu. Y tey inʌc ijtu ñe'cʌji'ŋda'm Judas, te' chi'oquia'oye.

San Juan 18:7

Quiʌ'aŋwa'cwʌtzʌquiaju Jesujsis: ¿Iwa'nde' me'tztamba? Y ñe'cʌta'm nʌmyaju: Te' Nazarejtojmopʌ Jesús.

San Juan 19:19

Y Pilato's yajma'mʌtʌju tabla cruzcʌsi ja'yʌyupʌcʌsi inʌc yʌ'šej nʌmbamʌy: NAZAREJTOJMOPɅ JESUS, TE' JUDIO'STA'M REY.

San Juan 21:2

Tumʌ ijtutʌj inʌc Simón Pedro, te' Tomás ñʌjayajpapʌ Dídimo, y te' Cana'ojmopʌ Galilea's quiowindzʌmbapʌ Natanael, y Zebedeo'sta'm 'yune, y metza eyata'mbʌ Jesujsis quiʌ'aŋmaye.

San Juan 6:42

Y nʌmyajpa inʌc: ¿Ja'nja jeque te' yʌ'wʌ te' Jesús, te' Jose'is 'yune? Ispʌcjaytyambatʌ tyataj y ñanaj. ¿Tiyajca' jequeyʌ' nʌmba: Tzajpojmojcʌjyʌ' wanajcupʌ?

San Juan 6:5

Quengui'mu Jesús y quienu jutz wʌwʌ pʌn cutzunu'quiaju. Pijche'ca ñʌjayu Felipe: ¿Juta'ndʌ njuytyʌ'pa cu'tcuy wa'ytyʌ mbʌ'nʌyaju yʌ'ta'mbʌ?

San Juan 6:7

'Yaŋdzoŋu Felipe's: Majqui's denariojpyʌ pa'ŋis ja'n maŋu quiʌpa'tyaju ni uša'ŋ uša'ŋ wa'y quiu'tyaju tumduma'ŋbʌ'nis.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Hechos 2:22

Israel-pʌnda'm, matoŋdamʌ yʌ'šejta'mbʌ tzame: Yʌ' Nazarejtojmopʌ Jesús quiojtu Diojsis cosujupʌ pʌn mi'ojmota'm. Y yajqueju que cosujupʌte' maya'aŋda'mbʌ chʌquipit, isaŋwʌ'ajcupyit y señalpitta'm. Diojsis chʌjcu yʌ'šejta'mbʌ tiyʌ mi'ojmota'm Jesuspit, mustambaše'amis.

Hechos 22:8

Pijche'ca aŋdzoŋu'ʌj: ¿Y iwa'mijyʌ', Señor? Y nʌjayu'ʌj: Ʌjte' Jesús Nazarejtojmopʌ, nʌmis nyacsnutzʌjcupʌ.

Hechos 26:9

Wiyuŋšej ʌs ŋguipspa'ʌs inʌc wina que pyʌcpapʌte' inʌc wa'yʌs ndzʌcjayu mal Nazarejtojmopʌ Jesujsis ñʌy.

Hechos 3:6

Pero te' Pedro nʌmu: Ja'ndiyʌ ʌs mblata ni ʌs oro, pero ndiyʌ ʌs ijtu, te'wʌ'ʌsmij ndzi'pa. Nazarejtojmopʌ Jesucristo's ñʌquiʌsi tzu'cumʌ y ca'ŋʌ.