San Juan 1:4 - Zoque Copainalá New Testament

⁴ Ñe'cʌte' te' iscuy-quenguy. Y te' iscuy-quenguy šajpapʌ ñe'cʌ's, te'wʌ'ste' šʌ'ŋgʌtzʌcjayajpa pʌ'nista'm chocoy.

San Juan 1:4 ပူးပေါင်းရင်းမြစ်များ

San Mateo 4:16

Entero teymʌ ijtyajupʌ pʌn, pi'tza'ŋajcu'yojmo ijtyajupʌ's chocoy, Maya'aŋbʌ sʌ'ŋgʌ's minu šʌ'ŋgʌtzʌcjayaju. Te'še'a inʌc maŋba quia'yajupʌ pi'tza'ŋajcu'yojmo, Te' maya'aŋbʌ sʌ'ŋgʌ's minu šʌ'ŋjojpacjayaju.

San Lucas 2:32

Wa'y quieñaju te' sʌŋgʌ' genti'lista'm y wa'y wyʌcotzamyatʌju misne' Israel-pʌnda'm.

San Juan 11:25

Ñʌjayu Jesujsis: Ʌjte' te' yajwinsa'opyapʌ y šajpapʌ's quenguy. Iwʌ'sʌj wʌ'aŋjamba ʌj, ñempe quia'ʌ maŋba itwʌtzʌjque'tutij.

San Juan 12:35

Pijche'c Jesujsis ñʌjayaju: Yʌy najsacopajcʌsi uša'ŋ horatya'mʌsmijyʌ' maŋba sʌ'ŋgʌtzʌcjaytyamu, te'šej wittamʌ umij mbya'tewʌ'ajtamu pi'tza'ŋajcʌ's. Porque iwʌ witpa pi'tza'ŋajcu'yojmo ja'n myusi jutʌte' nʌ myaŋu.

San Juan 12:46

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 3:19

Minu'ʌj najsacopajcʌsi, y ʌjte' te' sʌ'ŋgʌ', pero más šuñaju pi'tza'ŋajcʌ' te' pʌ'nista'm que ja'nde' ʌj te' sʌ'ŋgʌ'. Te'šej šuñaju porque yacha'cuy inʌc chʌquiajpa. Te'wʌ maŋba yajco'aŋgʌyaju Diojsis.

San Juan 5:21

Jujcha'nde' ʌs Ndata's muspa yajwinsa'u ca'yajupʌ, y chi'yajpa quenguy, te'šejtijque' ʌs, te' 'Yune's, muspa'ʌs ndzi'u quenguy iwʌta'm ʌs sunba.

San Juan 5:26

Tʌ Ndata Diojsojmoc womba te' iscuy-quenguy, y te'še'ʌj tzi'que'tu ʌj, te' 'Yune, wa'y ʌ'ojmoc wyomu te' iscuy-quenguy.

San Juan 8:12

'Yoto'ŋʌwyʌtzʌquiaju Jesujsis te' tu'mʌyajupʌ te' templo'ojmo, y ñʌjayaju: Ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy. Iwʌ'sʌj co'ŋba ʌj ja'n wyiti pi'tza'ŋajcu'yojmo, sino que sʌ'ŋba te' chocoy, pya'tpapʌpit iscuy-quenguy.

San Juan 9:5

Yʌ'yʌj ijtu'cše'ŋoyj najsacopajcʌsi ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy.

Hechos 26:23

Nʌmyaju que maŋba inʌc tyoyapʌjcu te' Cristo y maŋba wyinawinsa'u ca'yajupʌ'ojmoc wa'y chamgopuŋjayaju te' pʌnda'm y gentilta'm wa'y quieñaju te' sʌ'ŋgʌ'.

1 Corintios 15:45

Y yʌ'šej ja'yʌquie'tu: Te' winbʌ pʌn Adán, quenbapʌ pʌnde' inʌc. Y te' ultimopʌ Adán, espiritute' šajpapʌ's iscuy-quenguy.

Efesios 5:14

Te'cotoya nʌmyajpa te' tza'maŋwa'oyeta'm: Itzaŋwa nwitʌm, porque 'yʌŋupʌšejpʌ mijyʌ', Tzu'cumʌ porque ŋguia'upʌšejpʌ mijyʌ', Y Cristo's maŋba šʌ'ŋjayu mis ndzocoy.

Colosenses 3:4

Cuando minba'ca Cristo, te' tzi'papʌ'stʌ iscuy-quenguy, pijche'cmij maŋba ŋguieñajque'tu mijta'm ñe'cʌji'ŋ ñe' myʌja'ŋajcu'yojmo.

1 Juan 1:1

Nyajmustambatʌsmij te' ijtupʌytya' inʌc maŋba'cmaj tyujcu mumutiyʌ, ne' ŋgowipittʌs ŋgʌmato'ŋʌyupʌ, y ne' nwitʌmbittʌs ŋguenupʌ. Y yʌ' ŋguenupʌ tiyʌtʌs, y mbi'quisupʌ tiyʌtʌs, ñe'cʌte' te' Tzame tzi'tambapʌ'stʌ quenguy.

1 Juan 1:2

Diojsis yajquenutʌj quenequene yʌ' tzi'papʌ'stʌj quenguy. Y ŋguenutʌs, y ñe'cʌtʌs ŋgotzamba. Y nyajmustambatʌsmij que yʌ'wʌte' te' ja'n yayepʌ quenguy ijtupʌytya' inʌc tʌ Ndata Diosji'ŋ, y minutʌj yajquenu wyin.

1 Juan 5:11

Y yʌ'šejte' chamu Diojsis: Que ñe'cʌ'stʌte' tzi'tamu ja'n yayepʌ quenguy. Y te'šejpʌ quenguy tzi'patʌ 'Yunepit.

El Apocalipsis 22:1

Jʌsa'ca yajquengue'tu'ʌj te' angelejsis tzusnʌpʌ mʌja nʌ', qui'toŋbapʌ jujcha' cristal, šajpapʌ's iscuy-quenguy. Yʌ' mʌja nʌ' nʌ inʌc wyomu Diojsis y Ñchowambe's 'yaŋgui'mʌtʌjcuy-pyocscuquiʌ'mʌ.

El Apocalipsis 22:16

Ʌs, Jesús, ŋgʌ'weju'ʌs ʌsne' ángeles wa'mij nyajmustamu Diojsis tyu'mʌquiu'yojmota'm yʌ'šejta'mbʌ tiyʌ. Ʌjte' te' winboya Rey Davijtis fyamilia'ojmoc pujtupʌ. Ʌjte' te' namdzuctya'a tzi'muŋu'c tzotpapʌ matza.