San Juan 1:34 - Zoque Copainalá New Testament

³⁴ Y te'še'ʌs ŋguenu. Y ndzamjaytyamba'ʌsmij que te'wʌte' te' Diojsis 'Yune.

San Juan 1:34 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Mateo 26:63

Pero Jesús nijutz ja'yaŋdzowa. Y te' mʌja'ŋbʌ sacerdote's ñʌjayu: Yʌtij aŋgui'mba'ʌsmij Diojsis ñʌquiʌsi wa'mistʌj ndzamjayu juca wiyuŋšej mijte' te' Cristo, te' Diojsis quiopiŋupʌ.

San Mateo 27:40

Y nʌmyajpa inʌc: Conque misunde' nju'mbʌ'u te' templo, y tuca'y jamapittij ndzʌcwʌtzʌcpamis. Yʌtij nyajcotzoca ne' nwin. Juca wiyuŋšejmijte' Diojsis 'Yune, wanacʌ te' cruzcʌsi.

San Mateo 27:43

Quiojtušej chocoy Dioscʌsi, juca jene šunbapʌte' te' Diojsis, minʌ yajcotzoca yʌtij, porque nʌmu: Diojsisʌjyʌ' 'Yune.

San Mateo 27:54

Y nʌ inʌc quioqueñaju Jesús te' capita'ŋis y ñe'cʌji'ŋ inʌc ijtyajupʌ's. Aŋjamyaju te' mi'cscʌ' y quieñaju tiyʌta'm tuquiaju, y jene na'chaju. Y nʌmyaju: Wiyuŋšej yʌ' pʌn Diojsisyʌ' 'Yune.

San Mateo 3:17

Pijche'ca minu tzajpojmocpʌ otowe, nʌmupʌ: Yʌ'wʌ te' ʌs Une sunbapʌ'ʌs, y yajtzocopyacpapʌ'sʌj.

San Mateo 4:3

Y quiʌnu'cʌyu ñe'cʌ te' oc'isoye's y ñʌjayu: Juca Diojsismijte' 'Yune, aŋgui'mʌ yʌ' tza'ta'm wa'y pya'ŋajyaju.

San Mateo 4:6

y ñʌjayu: Juca Diojsismijyʌ' 'Yune, tʌŋwanacʌ nwin cʌ'mʌ, porque yʌ'šej ja'yʌyu: Maŋba 'yaŋgui'mu te' 'yangelesta'm wa'mij ŋguioqueñaju. Quiʌ'ojmomij maŋba ñʌmaŋyaju umis mbajcu'ŋmʌjcʌ mis ne'ŋbac tza'cʌsi.

San Mateo 8:29

Pijche'ca weju'c nʌmyaju: ¿Tiya' sunba tʌji'ŋ Jesús, Diojsis 'Yune? ¿Minuwa'jatʌjyʌ' nyajtoyapʌjcu jañu'cʌ'ctij hora?

San Marcos 1:1

Yʌ'šej tzo'tzu te' evangelio chambapʌ's te' Jesucristo. Ñe'cʌte' te' Diojsis 'Yune.

San Marcos 1:11

Pijche'ca pujtu tzajpojmocpʌ otowe nʌmupʌ: Mijte' ʌs Une sunbapʌ'ʌs. Mijpi'tʌj tzocopyacpa.

San Lucas 1:35

Y 'yaŋdzoŋu te' angelejsis: Te' Espíritu Santo maŋba minu mijcʌsi, y te' tzajpojmopʌ's pyʌmi maŋba wyanajcu mijcʌsi cʌmʌŋšej. Te'cotoya te' Masanbʌ maŋba pyʌ'najupʌ maŋba ñʌjayaju Diojsis 'Yune.

San Lucas 3:22

Y quenequene'c wanajcu Espíritu Santo ñe'cʌcʌsi wiyuŋšejpʌ palomašej. Y pujtu tzajpojmocpʌ otowe, nʌmupʌ: Mijte' ʌs Une sunbapʌ'ʌs. Mijpi'tʌj tzocopyacpa.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 1:49

Natanae'lis 'yaŋdzoŋu: Maestro, mijte' te' Diojsis 'Yune. Mijte' te' Israel-pʌ'nista'm Rey.

San Juan 10:30

Ʌj Ndataji'ŋ tu'mbacpʌtʌjyʌ'.

San Juan 10:36

Ʌjte' te' yajmasa'najupʌ y quiʌ'wejupʌ najsacopajcʌsi ʌs Ndata Diojsis. Porque nʌmu'ʌj que Diojsisʌjyʌ' 'Yune, te'cotoya nʌjaytyambamisʌj que otowewʌ'ajapya'ʌs Dios.

San Juan 11:27

Ñʌjayu Marta's: Ʌs nwʌ'aŋjamwa'mʌs que mijte' te' Cristo, Diojsis 'Yune, te' maŋbapʌ inʌc minu najsacopajcʌsi.

San Juan 19:7

'Yaŋdzoŋyaju judio'sta'm: Tʌsne' ijtu tʌs aŋgui'mguy. Y tʌs aŋgui'mgu'yis chamba que pyʌcpa wa'y quia'u, porque Diojsis 'Yunešej chʌjcu wyin.

San Juan 20:28

Pijche'ca aŋdzoŋu Tomás, y ñʌjayu: Ʌsmijyʌ'ne' Ngomi, y ʌsmijyʌ'ne' Dios.

San Juan 20:31

Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 6:69

Y tʌs nwʌ'aŋjambatʌs y ispʌcbatʌsmij que mijte' te' Cristo. Mijte' te' Diojsis 'Yune, te' Diojsis ñe' pyʌmipit quengu'yʌyupʌ.

Romanos 1:4

Yajqueju Diojsis que ñe' te' 'Yune yajwinsa'u'c ca'yajupʌ'ojmoc. Yʌ' Jesucristo masanbʌte' te' Espíritu Santopit, y mʌja'ŋbʌte'.

2 Corintios 1:19

Porque ndzamgopuŋutʌs mi'ojmota'm te' Diojsis 'Yune Jesucristo, nʌmdyo'yupʌ'ʌjte', ʌs, Silvano's y Timoteo's. Yʌ' Jesucristo ja'n ñʌmi jʌ'ʌ y ja'ne, sino que ñe'cʌ wiyuŋbʌ pʌnde'. Te'šejtijque' tʌs ndzame wiyuŋbʌte'.

Hebreos 7:3

Ya'iwʌ's ja'n myusi iwʌte' tyataj y ñanaj yʌ' Melquisedejquis, ni ja'n myujšay iwʌte' 'ya'ŋucu, ni ja'n myujšay jutʌ pʌ'naju ni jutʌ ca'u. Yʌ' Melquisedec, jeque, ja'nde' yayepʌ sacerdote jujcha' Diojsis 'Yune.

1 Juan 2:23

Porque mumu'iwʌ'sta'mis ja'n pyʌjcʌchoŋyay te' Diojsis 'Yune, Tata Dioste' ja'n pyʌjcʌchoŋyay. Y iwʌ'sta'mis pyʌjcʌchoŋjayajpa te' Diojsis 'Yune, pyʌjcʌchoŋyajpa te' Tata Dios.

1 Juan 3:8

Iwʌ cowapa'tjojcʌtʌcpa, Satanajsiste'ñe', porque Satanás cowapa'tjojcʌtʌcpa desde tzo'tzcu'yojmo. Y te' Diojsis 'Yune's minu wa'y yajayu te' Satanajsis yojsaŋ.

1 Juan 4:9

Yajquenutʌ Diojsis que ñe'cʌ's sundambatʌ, porque quiʌ'weju te' tʌŋdumʌpʌ 'Yune najsacopajcʌsi wa'ytyʌ mba'ttamu quenguy ñe'cʌpit.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

2 Juan 1:9

Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.

El Apocalipsis 2:18

Ʌj Juan, nʌjaquie'tu'ʌj Cristo's: Jayjaquie'ta te' nʌ quioquenupʌ's Tiatira-tu'mʌquiuy. Tzamja te' coque'noye y te' tu'mʌquiuy que ʌjte' te' Diojsis 'Yune, jucʌtʌc-nemašejpʌ's wyitʌm, y qui'toŋbapʌ tzapas tʌ'ŋguyšejpʌ's ñe'ŋbac,