San Juan 1:33 - Zoque Copainalá New Testament

³³ Y ʌs ja'ʌs inʌc musi juca Mesiaste'. Pero cʌ'weju'ʌj Diojsis wa'yʌj minu nyajnʌ'yʌ'oyu nʌ'pit, y ñe'cʌ'sʌj nʌjayu: Iwʌcʌsi mis ŋguenba nʌ wyanajcu Espíritu Santo y pocspacpa ñe'cʌcʌsi, te'wʌte' yajnʌ'yʌ'opya Espíritu Santopit.

San Juan 1:33 ပူးပေါင်းရင်းမြစ်များ

San Mateo 3:11

Wiyuŋšej nʌ'ʌsmij nyajnʌ'yʌytyamu nʌ'pit wa'mij ŋguipswitu'tamu. Pero ʌs ucaŋgʌ'mʌc nʌ minu más mʌja'ŋbʌ que ja'n ʌj. Y myasa'najcupyit ja'n pyʌqui ni wa'yʌs nʌmaŋjayu wyacasnaca. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Lucas 3:16

Jua'ŋis 'yaŋdzoŋyaju mumu te' ijtyajuše'ŋ tey: Wiyuŋšej nʌ'ʌsmij nyajnʌ'yʌytyamu nʌ'pit. Pero nʌ minu más mʌja'ŋbʌ que ja'n ʌj, y myasa'najcupyit ja'n pyʌqui ni wa'yʌs mbu'pʌ'jayu wyacasnaca tzay. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Juan 1:31

Y ʌs ja'ʌs inʌc musi juca Mesiaste'. Pero minu'ʌj nyajnʌ'yʌ'oyu nʌ'pit wa'y quieñaju ñe'cʌ te' Israel-pʌ'nista'm.

San Juan 14:26

Pero ʌs Ndata's maŋba quiʌ'weju ʌs nʌquiʌsi te' Cotzo'ŋopyapʌ, y yʌ'wʌte' te' Espíritu Santo. Ñe'cʌ'smij maŋba 'yaŋmaytyamu mumutiyʌcʌsi, y nyajamwʌtzʌctamu tiyʌta'mʌsmij ndzamjaytyamupʌ.

San Juan 3:34

Iwʌ pʌn Diojsis quiʌ'weju, Diojsis chame chamjapya. Diojsis ja'n quiotzu'tzajay ñe'cʌ te' Espíritu Santo, sino que chi'pa jana yaye.

San Juan 3:5

Aŋdzoŋu Jesús: Wiyuŋše'ʌsmij nwiyuŋdzamjapya, iwʌ ja'n pyʌ'nay nʌ'pit y Espiritupit ja'n musi tyʌjcʌyu wa'y 'yaŋgui'mu Diojsis.

San Juan 7:39

Pero Jesujsis nʌte' inʌc chamu te' Espíritu Santo maŋba pyʌjcʌchoŋyajupʌ jujche'ŋ wyʌ'aŋjamyajpapʌ's ñe'cʌ. Jaminʌ'cmajte' Espíritu Santo, porque Jesús jayajmʌja'ŋa'cmajte' Diojsis.

Hechos 1:5

Porque wiyuŋšej, Juan yajnʌ'yʌ'oyu nʌ'pit, pero mijta'm maŋbamij ñʌ'yʌytyamu Espíritu Santopit yʌ'ta'mbʌ jamo'oyj.

Hechos 2:4

Pijche'ca pa'ŋna jyo'ʌyaju Espíritu Santo's. Y chamgʌ'yaju wi'ni eyata'mbʌ otowe, chi'yajpašej inʌc te' Espíritu Santo's wa'y chamdzamnayaju.

1 Corintios 12:13

Porque te' tumʌpʌ Espiritupit tumʌpʌ cuerpo'ajtamutʌ mumu, jujcha' nʌ'yʌ'oquiu'yojmošej, juca judío o juca griego, juca coyospapʌ o librepʌ. Y mumu tʌ jo'ʌytyamu te' tumʌpʌ Espíritu Santo's.