San Juan 1:29 - Zoque Copainalá New Testament

²⁹ Jo'pit quienu Jua'ŋis te' Jesús, nʌ'c minu ñe'ca'ŋi, y nʌmu Juan: Quendʌ'ʌ te' pʌn chi'oquia'upʌ Diojsis jujcha' ñchowambe, yajʌcʌ'japyapʌ's najsacopajcʌsita'mbʌ's quiowa.

San Juan 1:29 ပူးပေါင်းရင်းမြစ်များ

San Mateo 1:21

Maŋba ya'ijtu te' 'yune, y maŋbamis ŋgotjayu ñʌy JESUS, porque ñe'cʌ's maŋba yajcotzojcu te' pyʌnda'm quiowa'ojmoc.

San Mateo 20:28

Jujcha' ʌj, te' Pʌ'nis 'Yune, jaminʌ'ʌj wa'yʌj yosjayaju, sino que minu'ʌj wa'yʌs coyospawʌšej ndzʌjcu nwin. Y minu'ʌs ndzi'oquia'u nwin wa'yʌs njupyujtyaju wʌwʌ pʌn.

San Juan 1:35

Y jo'pit te'ya inʌc tenayu Juan metzapʌ quiʌ'aŋmayeji'ŋ.

San Juan 1:36

Y quienu te' Jesús que tey inʌc nʌ wyijtu, y nʌmu: Quena, yʌ'wʌte' te' Diojsis chi'oquia'upʌ jujcha' ñchowambe.

San Juan 1:43

Jo'pit sunu myawʌ Jesús Galilea'ojmo, y choŋu Felipe, y ñʌjayu: Co'ŋa'ʌj.

San Juan 2:1

Y tuca'y jamacʌsi quiosʌ'ŋajyaju co'tʌjcajcuy Galilea'ojmopʌ Cana-cumgu'yojmo. Y tey inʌc ijtu Jesujsis ñanaj.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 4:42

Y ñʌjayaju te' yomo: yʌtij nwʌ'aŋjambatʌs ja'n na' mis ndzamupʌ tiyʌpit, sino que ne'cʌtʌs matoŋwa'a ŋgowipit. Te'cotoya muspa'ndʌs que yʌ'wʌte' te' Cristo, te' yajcotzocpapʌ's najsacopajcʌsita'mbʌ.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

Hechos 13:39

Jujche'ŋ tiyʌcʌsimij janjyustococottamʌ mumutiyʌcʌsi te' Moisejsis 'yaŋgui'mgu'yis, njyustococotpa Jesujsis jujche'ŋmij nwyʌ'aŋja'moytyamba.

Hechos 8:32

Y nʌmʌy inʌc tyu'nu te' Totojaye, yʌ'šejte' nʌmba: Jujcha' ñchowambe ñʌmaŋyaju wa'y yajca'yaju, Y jujcha' ñchowambe-une ja'n wyeye nʌ'c jyu'šaju'c, Te'šej jawyeya ñe'cʌ.

1 Corintios 15:3

Porque wina ndzamgopuŋjaytyamu'ʌsmij tiyʌ ʌste' mbʌjcʌchoŋupʌ, y yʌ'šejte': Quioca'jayu te' Cristo's tʌta'm ŋgowa, chambašej Totojaye's,

2 Corintios 5:21

Cristo, te' jaquiowapa'tʌpʌ, chʌmidzi'pʌ'u cowa Diojsis tʌcotoyata'm wa'ytyʌ justococojtu Diojsis ñe' jyusticia'ojmo Cristopit.

Gálatas 1:4

Yʌ' Cristo's chi'oquia'u wyin wa'y quioca'jayu tʌta'm ŋgowa, y wa'ytyʌ yajcotzoctamu yʌmyajtʌ nʌ nwittamu'cše'ŋoyj yʌ' yatzita'mbʌ tiempo'ojmo. Te'šej šunu tʌ Ndata Diojsis wa'y tyujcu.

Gálatas 3:13

Porque ja'ndʌ musi ŋgojamdamu te' aŋgui'mguy, tocoyupa'ndʌte' inʌc Diojsis wyi'naŋdʌjqui. Pero Cristo'stʌ jupyuttamu tocoquiu'yojmoc, porque Diojsis ñʌcma'yʌyu Cristo tocoyupʌšej tʌcotoyata'm. Yʌ'šej ja'yʌyu Totojaye'ojmo: Tocoyupa'nde' iwʌta'm jyʌ'mga'yajpa cuquiʌsi.

1 Timoteo 2:6

Ñe'cʌ's chi'oquia'u wyin wa'ytyʌ jupyutpʌ'tamu, y yʌ'šej tujcu nu'cu'cande' aŋsʌŋ Diojsis chamušej.

Tito 2:14

Yʌ' Jesucristo's chi'oquia'u wyin wa'y quia'u tʌcotoyata'm wa'ytyʌ jupyuttamu y yajcotzoctamu mumu tʌta'm nyacha'cu'yojmoc. Y te'šej chʌjcu wa'y yajcowajayu tʌta'm ndzocoy wa'ytyʌ pʌjcʌchoŋu jujcha' ñe' 'yune, quiʌñʌñajpapʌ's wa'y chʌquiaju oyeta'mbʌ tiyʌ.

Hebreos 1:3

Yʌ' Diojsis 'Yune mʌja'ŋbʌyʌ' jujcha' Dios, y tzi'muŋba myʌja'ŋajcu'yojmo Diojsis myʌja'ŋajcupyit. Y Tyata Diojsis chocoy y itcuy ñʌ'itjayu. Y como mʌja'ŋbʌte', 'yaŋgui'mba ñe'cʌ's mumutiyʌ chamepit. Yajcowajayu'ca tʌta'm ndzocoy cowapit, pijche'c maŋu pyocspajcu tzajpojmo Diojsis chʌ'na'ŋoyj nimeque'ctijpʌ mʌja'ŋajcu'yojmo.

Hebreos 2:17

Te'cotoya ijtu inʌc pyena wa'y minu pyʌ'naju pʌnšej te' Jesús, wa'ytyʌ 'yatzišej comʌ'ytyamu mumutiyʌcʌsi. Y te'šej wa'y pyʌjcʌchoŋu sacerdote'ajcuy maŋba tyo'ya'ŋʌyajupʌ's pʌnda'm, y maŋbapʌ's chʌjcu Diojsis šunbašej. Y minu wa'y chi'oquia'u wyin wa'y quioyojayaju pʌ'nista'm quiowa.

Hebreos 9:28

Wiyuŋšej te'šej tumnacatij ca'que'tu Cristo wa'y yajʌcʌ'jayu pʌ'nista'm quiowa. Pero maŋba minwʌtzʌjque'tu ja'n wa'y yajʌcʌ'jayu pʌ'nista'm quiowa, sino que wa'y minu yajcotzojcoctuquiaju jujche'ŋ nʌ jyo'quiajupʌ's.

1 Pedro 2:24

Yʌ' Cristo'ste' chi'oquia'u wyin tʌcotoyata'm y ñʌmaŋjayu tʌta'm ŋgowa ñe' cuerpocʌsi ca'u'c cruzcʌsi. Te'cotoya pyʌcpa wa'ytyʌ ca'uwʌšej ndzʌctamu nwin cowa's wyi'naŋdʌjqui u'yandʌ ŋgowapa'ttamu. Y pyʌjque'tpa wa'ytyʌ ndzʌcjojcʌtʌctamu justota'mbʌ tiyʌ. Porque te' ñe' tyoyapʌjcu'yis yajʌcʌ'jawya'a tʌta'm ŋgowa.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.

1 Juan 2:2

Y yʌ' Cristo's chi'oquia'u wyin wa'y quioyojayu tʌta'm ŋgowa, ca'u'c cruzcʌsi. Y ja'n na' tʌta'mne' ŋgowata'm wa'y quioyojayu, sino que mumu najsacopajcʌsita'mbʌ'sñe'.

1 Juan 3:5

Y mustambamis que Cristo minu najsacopajcʌsi wa'y yajʌcʌ'jayu tʌta'm ŋgowa, y ñe'cʌ jaquiowapa'tʌ.

1 Juan 4:10

Quendamʌ jutztʌ sundamba Diojsis. Ñempetʌ inʌc tʌ ja'n sundame ñe'cʌ, ñe'cʌ's wiyuŋšej sundambatʌ. Quiʌ'weju te' 'Yune wa'y chi'oquia'u wyin wa'y quioyojayu tʌta'm ŋgowa ca'u'c cruzcʌsi.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

El Apocalipsis 12:11

Te' tʌta'm atzi'sta'm wyʌyajwa'a Satanás porque te' Ñchowambe Jesucristo's quioca'yaju ñe'cʌta'm 'yumbʌ'u'c ñʌ'pin y te'šejtijque' ñʌwʌ'ajyajwa'a porque quiotestigosajyaju Jesús, y jatyo'ya'ŋʌya wyin ni jaña'cha wa'y quia'yaju.

El Apocalipsis 13:8

Y te' copʌn quiujnayjayaju jujche'ŋ najsacopac-iti'sta'm ja'ndita'mbʌ's ñʌy ja'yʌyupʌ Ñchowambe's ñʌ'ijtupʌ libro'ojmo. Desde que tujcu yʌ' najsacopac, tey te' libro'ojmo ja'yʌyaju ñʌy te' iscuy-quengu'yojmo maŋba tyʌjcʌyajupʌ'sñe'. Y yʌ' Ñchowambete' yajca'yaju desde pijche'c.

El Apocalipsis 14:1

Y ŋguenu'ʌs Sioŋ-bu'mnacʌsi inʌc tenayu te' Ñchowambe Jesucristo. Y tey inʌc ijtyaju ñe'cʌji'ŋ ciento cuarenta y cuatro mil pʌn, ñʌ'itjayajupʌ's ñe' ñʌy y ñe' Tyata's ñʌy ja'yʌyupʌ wyinbactza'cʌsita'm.

El Apocalipsis 14:10

te'šejta'mbʌ pʌ'nis ja'n jutz musi quiʌcʌtʌquiaju te' co'aŋgʌquiuy, porque pyʌcpapʌte' Diojsis wa'y yajnʌco'aŋgʌyaju maya'aŋ. Y jucʌtʌcji'ŋ mojtupʌ azufre'ojmo maŋba yajtoyapʌquiaju masanda'mbʌ angelejsis y Ñchowambe's wyi'naŋdʌjqui.

El Apocalipsis 14:4

Yʌ'ta'mbʌ's jayajyu'quia wyin yomoji'ŋ. Te'cotoyate' Diojsis mu'šata'mbʌ pʌnšej ñʌ'ijtyajpa. Yʌ'ta'mbʌ'ste' quio'ŋjojcʌtʌquiajpa te' Ñchowambe jutʌtij myawʌ. Yʌ'ta'mbʌ Diojsis jyupyujtyaju Jesucristo's ñʌ'pinbit najsacopac-pʌ'nojmoc wa'y ñʌ'ijtyatʌju jujcha' copiwi-pʌnda'm ñe'cʌcotoya y ñe' Ñchowambe Jesucristocotoya.

El Apocalipsis 15:3

Y wyane'ojmo nʌ inʌc wyʌcotzamyaju Dios oma-wanušej wina Moisés, Diojsis quioyosa. Y nʌ inʌc wyanjayaju Dios y te' Ñchowambe porque yajcotzoquiaju. Nʌmyaju: Tʌs Ngomi Dios, mʌja'ŋ y maya'aŋ mis ndzʌqui, porque muspamis ndzʌjcu mumutiyʌ. Wiyuŋbʌ y justopʌ tiyʌ mis nʌtu'ŋajpa. Mijte' te' Rey mumu masanbʌ'nista'mñe'.

El Apocalipsis 17:14

Y ñe'cʌ'sta'm maŋba ñʌquipyaju te' Ñchowambe Jesucristo y te' Ñchowambe's maŋba wyʌyaju porque ñe'cʌte' te' comi'sta'm Quiomi, y te' re'yista'm Rey. Y te' jicaytya'mbʌ, ñe' quiopiwi-wʌ'aŋja'moye quio'ŋyajpapʌ's, ñe'cʌji'ŋ maŋba ñʌwʌ'aŋgospujtyaju mumutiyʌ.

El Apocalipsis 19:7

Nʌsʌ'ŋajta'mitʌy y nʌ'omda'mitʌy ndzoco'yojmo y mʌja'ŋwʌcotzamda'mitʌy Dios porque nu'cwa'nde' aŋsʌŋ wa'y tyujcu te' Ñchowambe Jesucristo's quio'tʌjcajcuy wa'y pyʌjcʌchoŋu ñe' yomo. Y yʌ'wʌte' te' ñe' wyʌ'aŋja'moyeta'm. Yʌ'wʌte' te' tzoŋbawʌ mequia'upa'a maŋba quiʌ'tzoŋupʌ Cristoji'ŋ.

El Apocalipsis 19:9

Nʌjayu'ʌj te' angelejsis: Mij Juan, ja'yʌ yʌ'šejta'mbʌ tiyʌ: Dichoso 'yaŋbʌquiatʌjpapʌ Ñchowambe Jesucristo's quio'tʌjcajcu'yojmo maŋba'ca pyʌjcʌchoŋu ñe' yomo. Y te' angelejsis nʌjaquie'tu'ʌj: Yʌ'wʌ wiyuŋda'mbʌ tzameyʌ' Diojsisñe'.

El Apocalipsis 21:14

Y te' cumgu'yis cha'no'tze'ojmo ijtu inʌc macwʌstʌjca'y aŋguinʌ-jequiajupʌ tza'cowi'na y tumdumʌpʌ tza'cʌsi, tey inʌc ja'yʌyu nʌy tumdumʌpʌ cʌ'we'ista'mñe', Ñchowambe Jesucristo's quiʌ'wejyajupʌ.

El Apocalipsis 21:27

Teymʌ ja'n maŋu tyʌjcʌyu yu'cupʌ tiyʌ, ni te' chʌquiajpapʌ's mʌjša'ŋda'mbʌ tzʌqui, ni sujchajpapʌ. Tey maŋba tyʌjcʌyaju na' te' ja'yʌyajupʌ's ñʌy Ñchowambe's ñʌ'ijtupʌ libro'ojmo, ja'yʌyajumʌy ñʌy te' iscuy-quengu'yojmo maŋba tyʌjcʌyajupʌ'sñe'.

El Apocalipsis 21:9

Y cʌ'minu'ʌj tumʌ te' cu'ya'pyo'mocpʌ angelejsis, te' pyʌjcʌchoŋyajupʌ's te' cu'ya'pyʌ taza jo'ʌyajupʌ inʌc último maya'aŋbʌ toyapʌjcupyit. Y oto'ŋʌyu'ʌj y nʌmu: Juan, minʌ yʌy, ʌsmij maŋba nyajquenu te' tzoŋbawʌ, te' Diojsis Ñchowambe's yomo.

El Apocalipsis 5:6

Y te' aŋgui'mʌtʌjcuy-pyocscu'yaŋi ŋguenu'ʌs tey cʌmnʌ'pinbʌ Ñchowambe, te' yajca'yajupʌ, pero tey inʌc tenayu te' macšcu'pyʌ copʌ'nis quiucmʌ y te' anciano-pʌ'nista'm quiucmʌ. Y yʌ' Ñchowambe Jesucristote'. Y te' Ñchowambe's ijtu inʌc cu'ya'y wya', y cu'ya'y wyitʌm. Te'ta'mbʌ cu'ya'ytya'mbʌ Espíritute' Diojsisñe', quiʌ'wejyatʌjupʌ mumu najsacopajcʌsi.

El Apocalipsis 5:8

Y quiʌ'ojma' ñʌ'ijtu'c te' libro, te' macšcu'ytya'mbʌ copʌn te' ips-co-macšcu'ytya'mbʌ ancianoji'ŋ cutcʌne'quiaju te' Ñchowambe Jesucristo's wyi'naŋdʌjqui. Y tumdumʌpʌ's ñʌ'ijtyaju inʌc arpa, y orota'mbʌ taza omomapit jo'ʌyajupʌ. Te'wʌte' te' masanbʌ'nista'm quionucsoquiuy.

El Apocalipsis 6:1

Y ŋguenu'ʌs te' Ñchowambe's nʌ'c chijtzjʌcʌ'u te' winbʌ sello. Y matoŋu'ʌs tumʌ te' macšcu'pyʌ copʌ'nojmoc aŋjʌquiʌšejpʌ's 'yotowe y nʌmu: Minʌ y quena.

El Apocalipsis 6:16

Y ñʌjayajpa inʌc pamdza'ta'm y cotzʌcta'm: Niju'mʌytyamʌtʌj wa'mistʌj ŋgʌwʌ'ndamu uytyʌs ŋguenjayu'ŋmʌjcʌ wyinnaca te' aŋgui'mʌtʌjcuy-pyocscu'yojmo ijtupʌ'sñe', y uytyʌj quenu Ñchowambe's wa'ytyʌj yajnʌco'aŋgʌyu.

El Apocalipsis 7:14

Aŋdzoŋu'ʌs y nʌjayu'ʌs: Señor, bieŋdijmis muspa. Y te' anciano's nʌjayu'ʌj: Yʌ'ta'mbʌ pujtyajupʌyʌ' te' yacsnutzʌquiatʌjumʌy. Yʌ'ta'mbʌte' te' yajcotocoyatʌjupʌ y quiotze'yatʌjupʌ quiowapit Ñchowambe's ñʌ'pi'nojmo.

El Apocalipsis 7:17

porque te' Ñchowambe Jesucristo te' Diojsis 'yaŋgui'mʌtʌjcuy-pyocscu'yis wyi'naŋdʌjqui ijtupʌ, te'wʌ's maŋba quioqueñaju y ñʌmaŋyaju wombamʌy nʌ' yospapʌ ja'n yayepʌ quenguquiotoya. Pijche'c maŋba tyʌjtzu mumu pʌ'nis wyitʌm-nʌ'.