San Juan 1:18 - Zoque Copainalá New Testament

¹⁸ Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 1:18 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 12:41

Yʌ'šejta'mbʌ tiyʌ chamu Isaiajsis quienjayu'c tʌ Ngomi's chi'muŋgʌ', y te'šej chamu ñe'cʌ.

San Juan 13:23

Y ʌj, te' Jesujsis quiʌ'aŋmaye jene šunbapʌ, te'yʌj inʌc te'tznapocsu che'ŋna'oyj.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 17:26

Y ʌs nyajmujšajwa'mʌs iwʌmijte', y maŋbama'ʌs nyajmujsa'ŋʌyaju. Te'šej maŋba ijtu ñe'ta'm choco'yojmo misne' su'noquiuy, wa'y šu'noyaju jujcha' misʌj ʌj sunba. Y ʌj maŋba'ʌj ijtu ñe'ta'm choco'yojmo.

San Juan 17:6

Nyajnʌctʌ'yajwa'mʌs yʌ' pʌnda'm ndzi'yajupʌmisʌj najsacopajcʌsi que mʌja'ŋbʌte' mis nʌy. Misyʌ' inʌc ne'ta'm, y ndzi'yajumisʌj, y quiojamjayaju mis ndzame.

San Juan 3:11

Wiyuŋše'ʌsmij nwiyuŋdzamjapya, tiyʌ tʌs muspa te'wʌ tʌs ndzamba. Y tiyʌ tʌs ŋguenu te'wʌ tʌs ŋgotestigosajpa. Y ja'nmis mbʌjcʌchoŋjaytyame tʌs ŋgotestigosajpapʌ tiyʌ.

San Juan 6:46

Ja'nde' suni ñʌmu juca iwʌjutiwʌ's quienu Dios. Ʌstijte' ŋguenu porque ñe'cʌ ijtumʌ'yʌj tzu'cumu.

2 Corintios 4:4

Como ja'n wyʌ'aŋjamyay, yajopi'tjayaju te' yʌpyʌ diojsis ñe'ta'm ñʌctʌ'yoquiuy. Yʌ'šej chʌjcu wa'y jana ñʌctʌ'yaju te' evangelio, te' tzi'papʌ'stʌ sʌ'ŋgʌ' y chambapʌ's te' Cristo's myʌja'ŋajcuy. Yʌ' Cristo's ñʌ'itjayu Diojsis chocoy y itcuy.

Colosenses 1:15

Te' ja'ndʌ ŋguenepʌ Diojsiste' chocoy y itcuy ñʌ'itjayu yʌ' Cristo's. Y Cristo wina ijtu, antesquemaj tucpa mumutiyʌ.

1 Timoteo 1:17

Te'cotoya jeque ŋgʌna'tzʌytya'mitʌy y mʌja'ŋwʌcotzamda'mitʌy mumu jamacotoya te' ja'n yayepʌ Rey, te' ja'n quia'epʌ y ja'ndʌ ŋguenepʌ, te' tumʌpʌ Dios mujsopyapʌ. Amén.

1 Timoteo 6:16

Yʌ'wʌte' te' ja'n yajujche'c quia'epʌ, na'chaŋbʌ sʌ'ŋgʌ'ojmo itpapʌ, ja'n ya'iwʌ's musi tyo'mʌyupʌ. Y yʌ'wʌ, ya'iwʌpʌ pʌ'nismaj jaquiendʌ'ʌ ni ja'n musi quienu. Ñe'cʌte' te' aŋgui'mʌtʌjcu'yista'm Quiomi y ñe'cʌtʌ ma'ndʌ ŋgʌna'tzʌytyamu mumu jamacotoya. Amén.

1 Juan 4:12

Yajujche'ctij jaquiena Dios ya'iwʌ's. Pero juca našunʌtʌjtambatʌ ne'co'mo, Dios itwa'a tʌta'm ndzoco'yojmo, y te'šejtʌ cota'nu'c sundamba Dios ndzoco'yojmo.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?

1 Juan 4:9

Yajquenutʌ Diojsis que ñe'cʌ's sundambatʌ, porque quiʌ'weju te' tʌŋdumʌpʌ 'Yune najsacopajcʌsi wa'ytyʌ mba'ttamu quenguy ñe'cʌpit.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.