San Juan 1:17 - Zoque Copainalá New Testament

¹⁷ Tʌjcʌyu te' aŋgui'mguy Moisespit. Pero Jesucristopitte' tʌjcʌyu te' yajya'moquiuy y te' wiyuŋbʌ tiyʌ.

San Juan 1:17 ပူးပေါင်းရင်းမြစ်များ

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 18:37

Pijche'ca ñʌjayu Pilato's: ¿Reyja jeque mijyʌ'? Aŋdzoŋu Jesús: Mijte' nʌ ñʌmu que re'yʌjyʌ'. Minu'ʌj mbʌ'naju najsacopajcʌsi wa'yʌs ŋgotestigosaju wiyuŋbʌ tiyʌ. Te'cotoya'ʌjyʌ' minu. Iwʌ'sta'mis wyʌ'aŋjamyajpa wiyuŋbʌ tiyʌ myatoŋjayajpa ʌs otowe.

San Juan 5:45

Uy quipstame que ʌsmij maŋba nicotza'mʌytyamu Ndata Diojsis wyi'naŋdʌjqui. Ijtu iwʌ'smij ñicotza'mʌytyamba. Nite'tzʌytyambamis Moisés, y ñe'cʌ'smijte' maŋba ñicotza'mʌytyamu.

San Juan 7:19

¿Jañchi'tamʌja Moisejsis te' aŋgui'mguy? y mi'ojmota'm ya'iwʌ's ja'n quiojame te' aŋgui'mguy. ¿Tiyajca'nde' ndzʌcme'tztamba wa'misʌj nyajca'tamu?

San Juan 8:32

Y maŋbamis mustamu wiyuŋbʌ tiyʌ, y te' wiyuŋbʌ tiyʌ'smij maŋba ŋguiotzoctamu.

San Juan 9:29

Muspatʌs que Moisés 'yoto'ŋʌyu Diojsis, pero ʌ'wʌ ja'ndʌs musi jutʌpʌ'ʌ'.

Hechos 28:23

Y ñe'cʌ'sta'm ñʌjayaju te' Pablo tiyʌ jama minba mye'chaju, y te' chamyajupʌ jamo'oyj, wʌwʌ pʌ'nis quiʌ'maŋu jyejcu'yojmo. Teyma'a cha'maŋwajcʌ'yu y quiotestigosaju Diojsis 'yaŋgui'mʌtʌjcuy. Ñitzʌjcu namdzu'c hasta que tza'yanʌmu wa'y chamu Jesús te' Moisejsis 'yaŋgui'mgupyit y te' tza'maŋwa'oyajpapʌ's chamepit.

Hechos 7:38

Yʌ'wʌte' te' inʌc ijtupʌ ja'itʌnʌmʌmʌy tu'mʌquiu'yojmo tʌ ndataji'ŋda'm y te' angelesji'ŋ, 'yoto'ŋʌyupʌ's ñe'cʌ Sinai-pu'mnacʌsi. Y yʌ'wʌ'ste' pyʌjcʌchoŋu te' chame tzi'papʌ'stʌ iscuy-quenguy wa'ytyʌ tzi'tamu.

Romanos 6:14

Ja'nmij 'yaŋgui'mdaŋgue'temaj cowa's, porque ja'ndiyʌta'mamij aŋgui'mguquiʌ'mʌ, sino que te' yajya'moquiuquiʌ'mʌ.

2 Corintios 1:20

Cristopit tucpa mumu te' Diojsis chamdzi'oquia'upʌ tiyʌ. Te'cotoya ñe'cʌpit nʌmgue'tpatʌ Amén tʌ ŋgʌna'tzʌquiu'yojmo wa'ytyʌ mʌja'ŋwʌcotzamdamu Dios.

Gálatas 3:17

Yʌ'še'ʌste' nʌ ndzamu: Diojsis chʌjcu trato Abrahaŋji'ŋ y Cristopit yajqueju que wiyuŋbʌ tiyʌte'. Minu tyʌjcʌyu te' aŋgui'mguy tumʌ mone-co-ips-co-mac ame'a cʌtʌjcu'c. Ni te'wʌ's ja'n musi yajco'tzu te' trato wa'y jana tyujcu Diojsis chamdzi'oquia'upʌ tiyʌ.

Hebreos 9:22

Y te' aŋgui'mgu'yis chamba que casi mumutiyʌ pyʌcpa wa'y nʌ'pinbit quiowaju. Porque Diojsis ja'n maŋu yajcotocoyjayu ya'iwʌ's quiowa juca ja'n 'yumbʌ'i nʌ'pin.