San Juan 1:14 - Zoque Copainalá New Testament

¹⁴ Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:14 ပူးပေါင်းရင်းမြစ်များ

San Mateo 1:16

Te' Jacojpis 'yune José, te' Maria's jyayaj. Y Maria's yajpʌ'naju Jesús, ñʌjayajpapʌ Cristo.

San Lucas 2:11

Que yʌtij pʌ'naju te' Davijtis quiumgu'yojmo te' maŋbapʌ'smij nyajcotzoctamu, y te'wʌte' te' CRISTO tʌ Ngomi.

San Lucas 2:7

Y pʌ'naju te' winbʌ jyaya-une y myonu paña'lojmo. Y quiajpʌyu so'cʌsi cayu-pʌ'nʌquiuy tyʌjcojmo, porque yajutʌ japya'tya jejcuy.

San Lucas 9:32

Pero jene nʌ inʌc pye'ŋyaju ʌwi's te' Pedro y te' ñe'cʌji'ŋ inʌc ijtyajupʌ, y sa'yaju'ca quienjayaju Jesujsis chi'muŋgʌ' y te' metzata'mbʌ pʌn ñe'cʌji'ŋ inʌc ijtyajupʌ.

San Juan 1:1

Tzo'tzcu'yojmo ijtupʌytya'nde' inʌc ñe'cʌ te' Tzame. Y te' Tzame Diosji'ŋbʌte'. Y te' Tzame, Diostijte'que'.

San Juan 11:40

Jesujsis ñʌjayu: ¿Jañchamjati'ja'ʌsmij juca nwyʌ'aŋja'mopyamij maŋbamis ŋguenjayu Diojsis myʌja'ŋajcuy?

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 17:22

Jujcha' misʌj nyajmʌja'ŋaju, te'še'ʌs nyajmʌja'ŋajyajque'tu ñe'cʌta'm wa'y tumo'oyj quipsoyaju jujcha' tʌ tumo'oyjtyʌ quipsoytyamba mejtzji'ŋ.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 18:37

Pijche'ca ñʌjayu Pilato's: ¿Reyja jeque mijyʌ'? Aŋdzoŋu Jesús: Mijte' nʌ ñʌmu que re'yʌjyʌ'. Minu'ʌj mbʌ'naju najsacopajcʌsi wa'yʌs ŋgotestigosaju wiyuŋbʌ tiyʌ. Te'cotoya'ʌjyʌ' minu. Iwʌ'sta'mis wyʌ'aŋjamyajpa wiyuŋbʌ tiyʌ myatoŋjayajpa ʌs otowe.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 3:18

Iwʌ'sʌj wʌ'aŋjamba ʌj ja'n yajtiyʌ quio'aŋgʌy. Pero iwʌ'sʌj ja'n wʌ'aŋjame maŋba quio'aŋgʌyu, porque jawyʌ'aŋjamʌ ʌj te' Diojsis 'Yune.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

San Juan 8:32

Y maŋbamis mustamu wiyuŋbʌ tiyʌ, y te' wiyuŋbʌ tiyʌ'smij maŋba ŋguiotzoctamu.

Hechos 13:33

Y te'wʌte' chʌcta'nwa'a Diojsis tʌ ndata'sta'm 'yunecotoya yajwinsa'u'c te' Jesús. Y tʌta'm ñe'ta'mdʌyʌ' 'yune. Yʌ'šej ñʌjayu Diojsis te' Jesús myetzo'mopʌ salmo'ojmo: Mijte' ʌs une, ʌjte' mis ndataj.

Romanos 8:3

Porque te' ja'n inʌc tyʌŋgʌspa'tepʌ tiyʌ te' aŋgui'mgu'yis, porque sunbate' inʌc chʌjcu tʌ pecapʌ nwinbit, te'wʌ chʌjcu Diojsis, yajminu'c te' 'Yune. Yajpʌ'naju cowatzʌquipʌ pʌnšej tʌta'm ŋgowacotoya, y yajʌcʌ'jayu cowa's pyʌmi u'ya 'yaŋgui'mu te' pʌngʌsi.

Romanos 9:5

Ñe'cʌta'mde' te' winata'mbʌ tata's wyinboya, y ñe'co'mocta'm minu pyʌ'naju te' Cristo. Y yʌ'wʌte' te' Dios, te' aŋgui'mbapʌ mumutiyʌcʌsi, y oye wa'ytyʌ nwʌcotzamu mumu jamacotoya. Amén.

1 Corintios 15:47

Te' winbʌ pʌn nascʌsipʌ, y naspʌte'. Y te' myetzo'mopʌ, tʌta'mde' Ngomi, te' minupʌ tzajpojmoc.

2 Corintios 12:9

Y nʌjawya'mʌj: Cota'nu'cʌsmij ŋgotzoŋba ʌs nyajya'moquiupyit, porque mocha'cu'yojmo cota'nbʌ'pa ʌs mbʌmi. Te'cotoya ndumʌtzoco'yʌs mʌja'ŋgotzamba ʌsne' mocha'cuy wa'y ijtu Cristo's pyʌmi ʌ'ojmo.

Gálatas 4:4

Pero nu'cu'cande' jama yajpʌ'naju Diojsis te' 'Yune Jesús yʌy najsacopajcʌsi, y yomo's yajpʌ'naju. Y ijtu inʌc pyena wa'y pyʌ'naju judio'sta'm 'yaŋgui'mguquiʌ'mʌ.

Efesios 3:8

Ñempe'ʌj más cʌmaŋ que ja'nde' te' más cʌmaŋda'mbʌ masanbʌn, pero Diojsisʌj tzi'u yʌ' yajya'moquiuy wa'yʌsmij ndzamgopuŋjaytyamu yʌ' evangelio mijta'm, gentil-pʌn. Tzi'u'ʌj jeque wa'yʌsmij ndzamjaytyamu jutzte' mʌja'ŋ te' Cristo's yajya'moquiuy mijcotoyata'm.

Colosenses 1:19

Y yajquejpa ñe' wyi'nojmo mumu Diojsajcuy šunušej tʌ Ndata Diojsis.

Colosenses 2:3

Ñe'cʌ Cristo's ñʌ'ijtu aŋba'tepʌ mujsoquiuy y nʌctʌ'yoquiuy y šunba wa'mis nwa'ctamu ñe'cʌcʌsi.

Colosenses 2:9

Porque Cristo'sñe' wyi'nojmo ñʌ'itpʌ'u mumu Diojsajcuy.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

Hebreos 1:3

Yʌ' Diojsis 'Yune mʌja'ŋbʌyʌ' jujcha' Dios, y tzi'muŋba myʌja'ŋajcu'yojmo Diojsis myʌja'ŋajcupyit. Y Tyata Diojsis chocoy y itcuy ñʌ'itjayu. Y como mʌja'ŋbʌte', 'yaŋgui'mba ñe'cʌ's mumutiyʌ chamepit. Yajcowajayu'ca tʌta'm ndzocoy cowapit, pijche'c maŋu pyocspajcu tzajpojmo Diojsis chʌ'na'ŋoyj nimeque'ctijpʌ mʌja'ŋajcu'yojmo.

Hebreos 1:5

Porque nijutipʌ angelesmaj jañʌjatyʌ'ʌ Diojsis yajtya' tumnaca: Mijte' te' ʌs Une, Išo'yʌs nyajquejpa que mijte' te' ʌs Une. Ni jachamʌ nijutipʌ ángeles wa'y ñʌmu: Ʌjte' te' Tyataj, Ne'cʌ ʌste' Une.

Hebreos 10:5

Te'cotoya minu'c Cristo najsacopajcʌsi, ñʌjayu Tyata Dios: Copʌn-nʌ'pin ni tiyʌjanatiyʌ tzi'oquiuy jašunʌmis. Pero nimejcʌyjayumis ʌs ŋgüerpo.

Hebreos 2:11

Te' yajmasa'na'opyapʌ Jesús y te' masa'najyajpapʌ, tumʌta'mbʌtijte' Tyata Dios. Te'cotoya te' yajmasa'najyajpapʌ's ja'n quiotza'ajyay wa'y ñʌjayaju: Ʌs atzita'm, te' ñe'cʌ's yajmasa'najyajupʌ.

Hebreos 5:5

Te'šejtijque' Cristo's jamye'tzʌ myʌja'ŋajcʌ' ni jaquiotʌ ñe' wyin mʌja'ŋbʌ sacerdote'ajcu'yojmo, sino que Diojsiste' quiojtu. Ñe'cʌ's ñʌjaquie'tu: Mijte' te' ʌs Une, Išo'yʌs nyajquejpa que mijte' te' ʌs Une.

1 Juan 4:14

Y tʌs ŋguenutʌs te' Diojsis 'Yune, y ndzamgopuŋbatʌs que te' Tata Diojsis quiʌ'weju te' 'Yune wa'y minu yajcotzojcu te' najsacopajcʌsita'mbʌ.

1 Juan 4:9

Yajquenutʌ Diojsis que ñe'cʌ's sundambatʌ, porque quiʌ'weju te' tʌŋdumʌpʌ 'Yune najsacopajcʌsi wa'ytyʌ mba'ttamu quenguy ñe'cʌpit.

2 Juan 1:7

Porque jene ijtyajwa'a aŋgoma'cʌ'oyajpapʌ najsacopajcʌsi. Yʌ'ta'mbʌ nʌmyajpa que jaminʌ pyʌ'na jujcha' pʌn te' Jesucristo, te'šej aŋgoma'cʌ'opyapʌte' y qui'nispapʌ's te' Cristo.

El Apocalipsis 19:13

Y yamu inʌc pyama yʌmʌc teymʌc yu'cupʌ nʌ'pi'nis, y te' ñʌy yʌ'šejte': Diojsis Chame.

El Apocalipsis 21:3

Y tzajpojmoc matoŋu'ʌs maya'aŋbʌ otowe nʌ ñʌmupʌ: Yʌ' jomepʌ Jerusale'ŋojmo maŋba tyumʌ'ijtu Dios pʌnji'ŋda'm wa'y tyumʌ'itjojcʌtʌjcu mumu jama ñe'cʌji'ŋda'm. Y tey maŋba quioqueñaju y quiopʌ'quiaju porque ñe'cʌ te' ñe'ta'm Dios y te' pʌnda'm ñe' quiumguy.