San Juan 1:13 - Zoque Copainalá New Testament

¹³ Y yʌ'ta'mbʌ pyʌjcʌchoŋyajpa 'yunešej ja'nde' te' yomoji'ŋbʌ pʌnjojmequepit, ni sijsis šu'noquiupyit, sino que Diojsis šu'noquiupyit.

San Juan 1:13 ပူးပေါင်းရင်းမြစ်များ

San Mateo 3:9

Y uy nʌcʌpo'tame wa'mij ñʌmdamu ndzoco'yojmo: Abrahaŋde' tʌs ndataj, porque ʌsmij ndzamjaytyamba que Diojsis muspa yajqueju uneta'm Abrahaŋgotoya ñempe yʌ' tza'pitta'm.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

1 Corintios 3:6

Ʌs nijpu'ʌs, y Apolojsis šejcu, pero Diojsis yajmʌja'u.

Filipenses 2:13

Y Diojsis pyaquitzi'japya mista'm ndzocoy wa'mis sundamu oyeta'mbʌ tiyʌ, y wa'mis ndzʌctamu šunbašej ñe'cʌ's.

Tito 3:5

Ñe'cʌ'stʌ yajcotzoctamu, pero ja'n tʌta'm justota'mbʌ ndzʌquipit sino ñe' tyo'ya'ŋʌ'oquiupyit. Te'šejtʌ yajpʌ'najwʌtzʌctamu yajcowajtamu'ctʌ y tzi'tamu'ctʌ jomepʌ quenguy te' Espíritu Santopit.

Santiago 1:18

Porque ñe'cʌ's šunušej yajpʌ'najwʌtzʌctamutʌ nwʌ'aŋjamjaytyamu'ctʌ te' Diojsis wiyuŋbʌ chame. Chʌjcu te'šej wa'ytyʌ pʌjcʌchoŋdamu jujcha' ñe' wyin-uneta'm.

1 Pedro 1:23

Porque yʌtij njyomecotzʌctamwa'mij ndzoco'yojmo te' Diojsis chame's. Y te' Diojsis chame ja'nde' jujcha' yajpapʌ tiyʌ sino que itjojcʌtʌcpapʌ tiyʌte' y nunca ja'n yaye.

1 Pedro 1:3

Wʌcotzamda'mitʌy Dios, tʌ Ngomi Jesucristo's Tyataj, porque aŋba'tetʌ toya'ŋʌytyamu. Te'cotoya jomecotzʌctamutʌ ndzoco'yojmo wa'ytyʌ jana na'chcuy njo'ctamu ja'n yayepʌ quenguy, porque winsa'u Jesucristo ca'yajupʌ'ojmoc.

1 Pedro 2:2

Jujcha' yawa-une's ñʌmu'ctu'pya te' lyeche wa'y šinanu, te'šej pyʌcpa wa'mis ŋgʌñʌñjaytyamu Diojsis chame wa'mij te'wʌpit mbyʌnbuttamu nʌctʌ'yoquiu'yojmo hasta tiyʌ jamamij ŋguiotzojcoctuctamba.

1 Juan 3:9

Mumu jujche'ŋ Diojsisa 'yuneta'm, ja'n quiowapa'tjojcʌtʌquiay, porque Diojsis quiotjayajwa'a choco'yojmo jomepʌ quenguy. Te'ta'mbʌ ja'na musi quiowapa'tyaju porque Diojsisande' 'yuneta'm.

1 Juan 4:7

Tʌwʌy, sundamba'ʌsmij. Pyʌcpa wa'ytyʌ našunʌtʌjtamu ne'co'mo, porque Diojsiste' šajpa te' našunʌtʌjcuy. Mumu jujche'ŋdʌ ndumʌtzocoy našunʌtʌjtamba, Diojsisandʌte'ñe', y ispʌcpa Dios.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

1 Juan 5:18

Muspatʌ que mumu jujche'ŋdʌ Diojsis 'yuneta'm ja'ndʌ ŋgowapa'tjojcʌtʌctame, porque te' Diojsis 'Yune'stʌ coquendamba y te' yatziwʌ's ja'ndʌ musi wʌyu.

1 Juan 5:4

Porque jujche'ŋdʌ Diojsis 'yuneta'm ndzactambatʌ mumu yacha'cuy ijtupʌ najsacopajʌcʌsi. Y tʌte' nwʌ'aŋjamgupyit ndʌŋgʌspa'tpatʌ wa'ytyʌ nwʌyu najsacopajcʌsita'mbʌ yacha'cuy.