San Juan 1:1 - Zoque Copainalá New Testament

¹ Tzo'tzcu'yojmo ijtupʌytya'nde' inʌc ñe'cʌ te' Tzame. Y te' Tzame Diosji'ŋbʌte'. Y te' Tzame, Diostijte'que'.

San Juan 1:1 ပူးပေါင်းရင်းမြစ်များ

San Mateo 1:23

Musʌ que mu'šapʌ yomo maŋba chejcʌyu, Y maŋba ijtu jyaya-une, Y maŋba quiotjayaju ñʌy, Emanuel. Te' ñʌy sunbate' ñʌmu: Tʌji'ŋ ijtu Dios.

San Lucas 24:53

Y te' templo'ojmo inʌc itjojcʌtʌquiajpa wa'y wyanjayaju y wyʌcotzamyaju Dios. Amén.

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 1:2

Tzo'tzcu'yojmo Diosji'ŋ inʌc ijtu ñe'cʌ.

San Juan 16:28

Tzu'cumu'ʌj Ndata'ŋʌc y minu'ʌj najsacopajcʌsi. Pero maŋbati'ʌs ndzajque'tu yʌ' najsacopac y maŋba'ʌj Ndataŋʌ.

San Juan 17:5

Yʌtij jeque, Tatay, yajqueña pʌnda'm tʌ mejtzji'ŋgʌ'pyʌ mʌja'ŋajcuy. Te' mʌja'ŋajcuy nʌ'ijtupʌ'ʌs inʌc miji'ŋ tzajpojmo, maŋba'cmaj tyujcu yʌ' najsacopac.

San Juan 20:28

Pijche'ca aŋdzoŋu Tomás, y ñʌjayu: Ʌsmijyʌ'ne' Ngomi, y ʌsmijyʌ'ne' Dios.

San Juan 8:58

Y ñʌjayaju Jesujsis: Wiyuŋše'ʌsmij nwiyuŋdzamjaytyamba: Ja'ndiyʌ'cmaj Abrahán, ʌj ijtu'ctya'mʌjte'.

Romanos 9:5

Ñe'cʌta'mde' te' winata'mbʌ tata's wyinboya, y ñe'co'mocta'm minu pyʌ'naju te' Cristo. Y yʌ'wʌte' te' Dios, te' aŋgui'mbapʌ mumutiyʌcʌsi, y oye wa'ytyʌ nwʌcotzamu mumu jamacotoya. Amén.

Efesios 3:9

Y nitza'mʌyjayu'ʌj Diojsis wa'yʌs ndzamnʌctʌ'yaju mumu pʌn jutz Diojsis maŋba chʌjcota'nu mumutiyʌ quipsušej ya'ajca, wina jayajqueyapʌ tiyʌ. Y yʌ'šejte' quipsu ñe'cʌ's tzo'tzcu'yojmo chʌjcu'c mumutiyʌ.

Filipenses 2:6

Ñe'cʌ's jeque, ñʌ'itjayu Diojsis itcuy y chocoy, y ñe'cʌ y Dios tumo'pyʌ tiyʌte'. Ñempe tu'mbac Diosji'ŋ, jachi'ʌ pena wa'y chʌ'yu te'šej.

Colosenses 1:15

Te' ja'ndʌ ŋguenepʌ Diojsiste' chocoy y itcuy ñʌ'itjayu yʌ' Cristo's. Y Cristo wina ijtu, antesquemaj tucpa mumutiyʌ.

Colosenses 1:17

Y ñe'cʌ ijtu antesquemaj tucpa mumutiyʌ y ñe'cʌpit mumutiyʌ itjojcʌtʌcpa.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

Tito 2:13

Ittamʌ yʌ'šej nʌ'cše'ŋoyjtyʌ omapit njo'ctamu hasta que mingue'tpa chi'muŋgʌ'ojmo tʌ Ngomi Jesucristo te' yajcotzojcupʌ'stʌ. Y ñe'cʌte' tʌ mʌja'ŋbʌ Dios.

Hebreos 13:8

Cʌtʌquiajupʌ aŋsʌ'ŋojmo y te' yʌtijpʌ y te' minbapʌ y maŋbapʌ aŋsʌ'ŋojmota'm Jesucristo ja'n quiacpʌ'i.

Hebreos 7:3

Ya'iwʌ's ja'n myusi iwʌte' tyataj y ñanaj yʌ' Melquisedejquis, ni ja'n myujšay iwʌte' 'ya'ŋucu, ni ja'n myujšay jutʌ pʌ'naju ni jutʌ ca'u. Yʌ' Melquisedec, jeque, ja'nde' yayepʌ sacerdote jujcha' Diojsis 'Yune.

2 Pedro 1:1

Ʌjte' te' cʌ'wej Simón Pedro, Jesucristo's quioyosa. Atzita'm, nʌ'ʌsmij njayjaytyamu mijta'm, mumu jujche'ŋ wyʌ'aŋjamyajpapʌ's tʌta'm nyajcotzojcopyapʌ Dios, te' Ngomi Jesucristo. Y mijta'm tʌjšejmij sa'sa nwyʌ'aŋja'moytyamba porque tʌ Ngomi justopʌte' wa'ytyʌ tzi'tamu tumduma'ŋbʌn yʌ' sa'sapʌ nwʌ'aŋja'moquiuy.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

1 Juan 5:7

Porque tuca'y ijtu tzajpojmo quiotestigosajyajpapʌ's te' Jesús: Tʌ Ndata Diojsis, te' Tzame's y te' Espíritu Santo's. Y yʌ' tuca'ytya'mbʌ tumo'oyjtya'm quipšajpa.

El Apocalipsis 1:11

Nʌ inʌc ñʌmu: Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Ja'yʌ librocʌsi nʌmis ŋguenupʌ tiyʌ y cʌ'weya Asia-najsojmo ijtyajumʌy cu'ya'ytya'mbʌ Diojsis tyu'mʌquiuy, te' Efeso'ojmo, te' Esmirna'ojmo, te' Pergamo'ojmo, te' Tiatira'ojmo, te' Sardisojmo, te' Filadelfia'ojmo y te' Laodicea'ojmo.

El Apocalipsis 1:17

Y te' ŋguenu'cʌs, ca'uwʌše'ʌj cunu ñe'ŋbajcʌ'y. Y ñe'cʌ's quiojtu chʌ'naŋbʌ quiʌ' ʌjcʌsi y nʌjayu'ʌj: Uy na'tze. Ʌjte' te' winapʌ y te' ultimopʌ,

El Apocalipsis 1:2

Y ʌs ŋgotestigosajapya'ʌs Diojsis chame y Jesucristo's chambašej y mumu tiyʌta'm ʌs ŋguenu.

El Apocalipsis 1:8

Nʌmba tʌ Ngomi Dios: Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y ʌjte' te' ijtupʌytya' inʌc y yʌtij tzajpojmo'ʌj ijtu, y jʌsa'ca maŋba'ʌj minwʌtzʌjque'tu najsacopajcʌsi. Y ʌste' ndzʌcpa mumutiyʌ.

El Apocalipsis 19:13

Y yamu inʌc pyama yʌmʌc teymʌc yu'cupʌ nʌ'pi'nis, y te' ñʌy yʌ'šejte': Diojsis Chame.

El Apocalipsis 2:8

Ʌj Juan, nʌjaquie'tu'ʌj Cristo's: Jayjaquie'ta te' nʌ quioquenupʌ's Esmirna-tu'mʌquiuy. Tzamja te' coque'noye y te' tu'mʌquiuy que ʌjte' te' winapʌ y te' ultimopʌ, te' ca'upʌ y te' winsa'upʌ,

El Apocalipsis 21:6

Y nʌjaquie'tu'ʌj: Yʌtij njomecotzʌcpʌ'wa'mʌs. Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y nʌ yoctʌjtzupʌ coyowataca'ʌs maŋba nyajnʌ'to'ŋu te' wombamʌy nʌ', te' yospapʌ ja'n yayepʌ quenguquiotoya.

El Apocalipsis 22:13

Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y ʌjte' te' winapʌ y te' ultimopʌ.

El Apocalipsis 3:14

Y quiu'ya'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Laodicea-tu'mʌquiuy. Tzamja te' coque'noye y te' tu'mʌquiuy que ʌjte' te' pʌn que tiyʌ'ʌs ndzamba ndzʌcpapʌ'ʌste'. Ʌjte' te' jicapyʌ y wiyuŋdzambapʌ testigos. Ʌjpitte' tzo'tzu mumutiyʌ Diojsisñe'.