Filemón 1:9 - Zoque Copainalá New Testament

⁹ pero como sunba'ʌsmij, ja'ʌsmij aŋgui'mi, sino que nwa'cpa'ʌs, porque tzamupʌ'na'mʌj, y somyaju'ʌj preso'mo porque ndzi'oquia'u'ʌs nwin Jesucristocʌsi.

Filemón 1:9 ပူးပေါင်းရင်းမြစ်များ

Romanos 12:1

Te'cotoya, atzita'm, como Diojsismij ñdyo'ya'ŋʌytyamba, aŋnʌctza'mʌytyamba'ʌsmij wa'mis ndzi'oquia'tamu mista'm ŋgüerpo Dioscʌsi, jujcha' chi'oquia'yajpašej inʌc ñchowambe wa'y yajca'yaju. Pero te' mista'm ŋgüerpo tzi'oquia'tamʌ quenbapʌ y cowajupʌ y yajtzocopyacpapʌ's Dios. Yʌ'wʌte' te' mista'm wiyuŋšejpʌ ŋgʌna'tzʌ'oquiuy.

2 Corintios 5:20

Te'cotoya Diojsistʌj cʌ'weju Cristo's ñʌquiʌsi, como que ñe'cʌ'smijte' nʌ nwya'cjaytyamu tʌjpit. Nwa'cjaytyambatʌsmij Cristo's ñʌquiʌsi: Našunwʌtzʌctamʌ Diosji'ŋ.

2 Corintios 6:1

Tʌj jeque, tumʌyospatʌj Diosji'ŋ, y nwa'cjaytyambatʌsmij umis comeque mbʌjcʌchoŋdamu Diojsis yajya'moquiuy.

Gálatas 3:26

Porque mumu mijta'm, juca judiota'm o ja'ne, Diojsismijte' 'yuneta'm, porque nwʌ'aŋjamdamumis Jesucristo.

Efesios 3:1

Te'cotoya ʌj Pablo oto'ŋʌyjojcʌtʌcpa'ʌs Dios mijcotoyata'm. Somyaju'ʌj preso'mo porque ndzi'oquia'u'ʌs nwin Jesucristocʌsi y porque ndzamgopuŋjaytyamba'ʌsmij te' Diojsis chame, mij gentilta'm.

Efesios 4:1

Ʌj Pablo, somyaju'ʌj preso'mo porque yosjapya'ʌj Jesucristo. Y mijta'm, Diojsismij nwyejtamu wa'mis nwʌ'aŋjamdamu te' Cristo. Te'cotoya nwa'cjaytyamba'ʌsmij wa'mij ñdyu'ŋajtamu pyʌcpašej wa'y tyu'ŋajyaju te' Cristo's wyʌ'aŋja'moyeta'm.

Efesios 6:20

Y Diojsisʌj cʌ'weju wa'yʌs ndzamgopuŋu yʌ' evangelio, y yʌtij preso'mo'ʌjyʌ' ijtu te'wʌcotoya. Wa'ctamʌ Dioscʌsi ʌjcotoya wa'yʌs jana na'chcuy ndzamgopuŋu te' evangelio, porque te'šej pyʌcpa wa'yʌs ndzamu.

1 Timoteo 1:12

Yʌscotoya chʌjcu tʌta'm Ngomi Cristo Jesujsis, te' pʌmitzi'upʌ'sʌj, porque ñe'cʌ's nijamba'ʌj que muspa'ʌs nyosjayu, te'cotoya cojtu'ʌj ñe' yoscu'yojmo.

Tito 2:2

Aŋnʌctza'mʌya te' tzamupʌnda'm wa'y jyʌ'ctzʌ'yaju wyin, wa'y quioqueñaju cuenta mumutiyʌcʌsi, wa'y mujsu quiopiŋyaju tiyʌ oye y tiyʌ ja'n 'yoye, wa'y wyʌ'aŋjamyaju te' wiyuŋbʌ tiyʌ, wa'y šuñaju mumu pʌn y wa'y pyʌ'mgopajcʌyaju jujche'ŋ toya.

Hebreos 13:19

Nwa'cjaytyamba'ʌsmij, jeque, wa'mis tumʌtzocoy nwa'cjaytyamu Dios ʌjcotoya, wa'yʌj jʌ'nba'oyj mujsu minu tey ittamumʌmyij.

1 Pedro 2:11

Como nʌtijmijyʌ' ŋguenwingʌtʌctamu witišej najsacopajcʌsi, ndumʌtzoco'yʌsmij nwa'cjaytyamba wa'mis jana ndzi'tamu lugar mista'm nwi'nis yatzipʌ šu'noquiuy, porque te' tʌta'm nwi'nis šu'noquiu'yis ñʌquipjapya tʌta'm ŋguenguy. Aŋgui'mdamba'ʌsmij porque jene sundamba'ʌsmij.