Filemón 1:24 - Zoque Copainalá New Testament

²⁴ Y ñdyujchi'yajque'tpamij Marcojsis, Aristarco's, Demajsis y Lucajsis te' ʌji'ŋ tumʌyojšajpapʌ.

Filemón 1:24 ပူးပေါင်းရင်းမြစ်များ

Hechos 12:12

Yʌ'še'a ñʌctʌ'yu'c, maŋu Maria's tyʌjcaŋʌ, tu'mʌyajumʌy inʌc wʌwʌ wa'y 'yoto'ŋʌyaju Dios. Yʌ' Maria's ijtu 'yune Juan, a'ŋʌyupʌ's ñʌy Marcos.

Hechos 12:25

Y tzu'cumyajque'tu Jerusale'ŋojmoc te' Bernabé y Saulo, chʌcta'ñaju'cande' te' yoscuy. Y ñʌmaŋyaju Juan, te' a'ŋʌyupʌ's inʌc ñʌy Marcos.

Hechos 13:13

Y barco'ojmo tzu'cumyaju Pablo tyʌwʌji'ŋda'm te' Pafo-cumgu'yojmoc y tzʌ'ñicʌtʌquiaju Panfilia-najsojmopʌ Perge'ojmo. Tey chaquiaju Jua'ŋis y witu'u Jerusale'ŋojmo.

Hechos 19:29

Y chʌcjopi'tu te' cumgupyʌnda'm. Y tumʌ'ajcu'yoyj pomyaŋyaju teatro'ojmo, y jyoponʌmaŋyaju Gayo y Aristarco Macedonia'ojmocpʌ pʌnda'm, Pablo's tyʌwʌta'm.

Hechos 27:2

Y tʌjcʌyutʌj Adramitio'ojmocpʌ barco'ojmo maŋbapʌ inʌc ñu'cu Asia-najsis puerto'ojmota'm, y pijche'ca tzu'cumutʌj. Y tey inʌc nʌ myaŋu tʌji'ŋ Aristarco, Macedonia-pʌn Tesalonica'ojmocpʌ.

2 Corintios 8:23

Juca quiʌ'aŋwa'quiajpa Tito, ñe'cʌ ʌste' ndʌwʌ y yospapʌji'ŋʌj mis oye'ajcuquiotoya. Juca quiʌ'aŋwa'quiajpa te' eyata'mbʌ tʌta'm atzi, tu'mʌquiu'yista'mde' quiʌ'wej y yajquejayajpa Cristo's myʌja'ŋajcuy.

Filipenses 2:25

Pero ŋgomʌ'pya'ʌs que ijtu pyena wa'yʌsmij ŋgʌ'wejaytyamu te' atzi Epafrodito, tumʌyospapʌ ʌji'ŋ, y quioquijpapʌ's te' evangelio ʌji'ŋ. Yʌ' Epafrodito ŋgʌ'wejaytyamumisʌj wina wa'yʌj yosjayu y cotzoŋu.

Filipenses 4:3

Te'šejti'ʌsmij nwa'cjaquie'tpa mij atzi, porque jicapyʌ nyospa-tʌwʌ'ʌsmijte', cotzoŋya yʌ' metzata'mbʌ tʌ ŋgose, porque yʌ'ta'mbʌ's aŋba'te'ʌj cotzoŋyaju te'yʌs inʌc nʌ ndzamgopuŋu'c te' evangelio. Y te'šejtij yosque'tu Clemente y te' eyata'mbʌ ʌs nyoscuy-tyʌwʌ. Te'ta'mbʌ's ñʌy ja'yʌwya'a Diojsis libro'ojmo que ñʌ'ijtyajwa'a ja'n yayepʌ quenguy.

Colosenses 4:10

Ñdyujchi'tambamij Aristarco's, ʌs mbresutʌwʌ's, y Marcojsis, te' Bernabe'is chʌni'une's. Aŋgui'mdamuše'ʌsmij wina, juca yʌ'wʌ jowi'cšej minba tey, wa'mis mbʌjcʌchoŋdamu.

Colosenses 4:14

Ñdyujchi'tambamij Lucajsis, doctorte' sunbapʌtʌs, y te' Demajsis.

1 Pedro 5:13

Yʌ' Babiloniašej yatzipʌ cumgu'yojmo ijtupʌ Diojsis tyu'mʌquiu'yis ñdyujchi'tambamij. Yʌ' tu'mʌquiuy Diojsisyʌ' copiŋu jujcha' mij ne'cʌ ŋgopiŋdaŋgue'tu. Y ŋguiʌ'wejaytyambamij dius ʌs uneše'ʌs nʌ'ijtupʌ Marcojsis.

3 Juan 1:8

Pyʌcpa jeque wa'ytyʌ ŋgotzoŋyaju te'šej nʌ yojšajupʌ, y te'šejtʌ wa'y tumʌ'ajcu'yoyj yajcopuŋdamu te' wiyuŋbʌ tiyʌ.