Filemón 1:22 - Zoque Copainalá New Testament

²² Nwa'cjaquie'tpa'ʌsmij wa'misʌj nimejcʌyjayu tʌc jutimʌ'yʌj wa'y nu'cu. Porque njo'cpa'ʌs que nʌmis oto'ŋʌytyamu Dios wa'yʌj cotzoŋu wa'yʌj nu'cu mis ndʌjcaŋʌ.

Filemón 1:22 ပူးပေါင်းရင်းမြစ်များ

Hechos 27:24

Y nʌjayu'ʌj: Pablo, uy na'tze porque ijtu pyena wa'mij 'yaŋgueju Cesa'ris wyi'naŋdʌjqui. Y yʌtij Diojsismij nʌ ñchi'yaju mumu miji'ŋ ijtyajupʌ yʌ' barco'ojmo.

Hechos 28:23

Y ñe'cʌ'sta'm ñʌjayaju te' Pablo tiyʌ jama minba mye'chaju, y te' chamyajupʌ jamo'oyj, wʌwʌ pʌ'nis quiʌ'maŋu jyejcu'yojmo. Teyma'a cha'maŋwajcʌ'yu y quiotestigosaju Diojsis 'yaŋgui'mʌtʌjcuy. Ñitzʌjcu namdzu'c hasta que tza'yanʌmu wa'y chamu Jesús te' Moisejsis 'yaŋgui'mgupyit y te' tza'maŋwa'oyajpapʌ's chamepit.

Romanos 15:24

Te'cotoya maŋba'camʌj España'ojmo ŋgʌ'mindamba'ʌsmij, porque sunba'ʌsmij ŋguennicʌtʌctamu wa'misʌj tey nduŋdzi'tamu, nʌ'omdamu'camʌsmij ušʌc.

2 Corintios 1:11

Te'wʌcotoya pyʌcpa wa'mistʌj ŋgotzoŋdamu, wa'mis oto'ŋʌytyamu Dios tʌjcotoya. Juca ndzʌcpamis te'šej, tʌjcotoya maŋba ñʌmyaju yʌscotoya Dios wʌwʌta'mbʌ, porque Diojsistʌj yajyamu wa'coyaju'c wʌwʌta'mbʌ pʌn.

Filipenses 1:19

Porque muspa'ʌs que mumu yʌ'šejta'mbʌ tiyʌ maŋba yojsu ʌs oye'ajcuquiotoya porque nʌmij nwya'coytyamu Dioscʌsi ʌjcotoya y porque tʌ Ngomi Jesucristo's 'Yespiritu'sʌj nʌ paquitzi'u.

Filipenses 2:24

Y nijamba'ʌs que tʌ Ngomi'sʌj maŋba yajminu jʌ'nʌ'oyj wa'yʌsmij minu ndu'nistamu.

Hebreos 13:19

Nwa'cjaytyamba'ʌsmij, jeque, wa'mis tumʌtzocoy nwa'cjaytyamu Dios ʌjcotoya, wa'yʌj jʌ'nba'oyj mujsu minu tey ittamumʌmyij.

Hebreos 13:23

Mustamʌ que chʌcʌpʌ'yajwa'a tʌta'm atzi Timoteo. Juca minba jʌ'nba'oyj yʌy, minbatʌj mejtzji'ŋ wa'ytyʌsmij minu ndu'nistamu tey.

Santiago 5:16

Juca nʌmis maŋgocʌtʌctamu yʌ'wʌ te'wʌ atzi, cowʌ'aŋjamdamʌ mista'm ŋgowa ñe'cʌcʌsita'm y oto'ŋʌytyamʌ Dios ndʌwʌcotoyata'm wa'mij Diojsis nyajtzoctamu ŋguia'epa'ttamba'cmij. Juca te' justopʌ pʌ'nis wya'ctenapyacpa Dioscʌsi tiyʌ'iwʌ, Diojsis chʌcpa tiyʌta'm wya'cpa.

2 Juan 1:12

Wʌwʌ ijtu tiyʌ'ʌsmij wa'y ndzamjaytyamu pero ja'ʌs maŋu nja'yʌyu yʌ' totocʌsi tintapit. Maŋba'ʌs ŋguenu juca minba'ʌj ne'cʌ wa'yʌsmij winʌjque'nʌytyamu, y wa'ytyʌ ndzamdzamnaytyamu y te'šejtʌ wa'y omdzocopyactamu.

3 Juan 1:14

Pero maŋba'ʌs ŋguenu juca minba'ʌj ne'cʌ wa'yʌsmij nwinʌjque'nʌyu y wa'ytyʌ ndzamdzamnaytyamu.