Filemón 1:21 - Zoque Copainalá New Testament

²¹ Nʌ'ʌsmij njayjayu porque muspa'ʌs que myato'ŋopyamij. Y muspa'ʌs que maŋbamis ndzʌjcu más que ja'nʌs nʌ ndzamuše'ŋ.

Filemón 1:21 ပူးပေါင်းရင်းမြစ်များ

Romanos 2:19

Y ŋgomʌ'pyamis que muspamis nʌtu'ŋajyaju te' to'tita'mbʌ, y que muspamis ndzamsʌ'ŋgʌ'ajyaju te' pi'tza'ŋajcu'yojmo ijtyajupʌ.

2 Corintios 2:3

Te'še'ʌsmij njayjaytyamu u'yʌj yajtuyu'yoyaju te' mi'ojmota'm pyʌcpapʌ's inʌc wa'yʌj yajtzi'ŋbʌ'yaju nu'cpa'ca'mʌj. Nijamba'ʌs que juca tzi'ŋbʌ'pa'ʌj ʌj, maŋbamij ñchi'ŋbʌ'tamu ʌji'ŋ.

2 Corintios 7:16

Nʌ'omba'ʌs porque mumutiyʌcʌsi'ʌsmij nijamdamba.

2 Corintios 8:22

Nʌtʌs ŋgʌ'weju ñe'cʌji'ŋda'm eyapʌ tʌs atzi. Ndzʌjquiswa'ndʌs yʌ'wʌ sone naca y soneta'mbʌ tiyʌcʌsi, y ŋgoquenutʌs cuenta que yʌtij masa' quiotziŋya'pa porque jene ñijamdambamij.

Gálatas 5:10

Ʌs nijamdamba'ʌsmij tʌ Ngomipit, que ja'nmij eya maŋu nwyʌ'aŋja'moytyamu. Pero iwʌ'smij nʌ ñchʌcjopi'ttamu maŋbapʌte' quio'aŋgʌyu iwa'ʌtij.

2 Tesalonicenses 3:4

Y tʌ Ngomipit nijambatʌs que nʌmis ndzʌctamu y maŋbamis ndzʌcjojcʌtʌctamu jutztʌsmij aŋgui'mdamu.