3 Juan 1:5 - Zoque Copainalá New Testament

⁵ Tʌwʌy, sunba'ʌsmij. Ngotzoŋyajpa'cmis atzita'm cʌtʌquiajpapʌ tey, ñempemis ja'n ispʌquiapyʌ, wʌpʌ tiyʌmis te' ndzʌcpa.

3 Juan 1:5 ပူးပေါင်းရင်းမြစ်များ

San Mateo 24:45

¿Iwa'sʌ'ŋde' te' ñijamyajpapʌ y nʌctʌ'yopyapʌ coyosa, te' quiomi's quiojtupʌ te' ñe' quioyosacʌsita'm wa'y pyʌ'nʌyaju nu'cpa'ca hora?

San Mateo 25:16

Y te' pyʌjcʌchoŋupʌ's mosa'y talento-tumin maŋu ñʌyoscʌ'yu, y chʌjcaŋwaju, y ta'nu majca'y talento.

San Lucas 12:42

Y nʌmu tʌ Ngomi: ¿Iwa'sʌ'ŋde' te' ñijamyajpapʌ y nʌctʌ'yopyapʌ co'aŋgui'moye, te' quiomi's muspa quiojtupʌ te' ñe' quioyosacʌsita'm wa'y myucjayaju jyamacʌtʌjcuy nu'cpa'ca hora?

Hechos 1:15

Tiyʌjcaŋda'mbʌte' inʌc te' tumʌtzʌquiajupʌ tey mojsi's-co-ips. Y ʌ'ta'mbʌ jamo'oyj tenaqui'mu Pedro te' atzicucmʌta'm y nʌmu:

Romanos 12:13

Tzi'ya te' wʌ'aŋja'moye tyiyʌta'm ja'ndiyʌ. Tzi'oquiu'yajtamʌ jejcuy.

Gálatas 6:10

Te'šej jeque, mientrastʌ quendambamaj ndzʌcta'mitʌy oyeta'mbʌ tiyʌ mumu'iwʌcotoya, nimeque'ctij te' wʌ'aŋja'moyajpapʌcotoya.

Colosenses 3:17

Tiyʌta'm mis ndzamdamba y tiyʌta'm mis ndzʌctamba, tzʌctamʌ mumu tʌ Ngomi Jesujsis ñʌquiʌsi. Y nʌ'cmis ndzʌctamu, nʌjaytyamʌ tʌ Ndata Dios: Tatay, yʌscotoya mis ndzʌjcu, ŋgʌ'wejumis te' Cristo.

Hebreos 13:2

Tzi'tamʌ jejcuy ja'nmis ispʌctamepʌ atzita'm, porque ijtu yajejyajupʌ's y ni jamyuša ñe'cʌ'sta'm yajejyaju angelesta'm tyʌjcaŋʌ.

3 Juan 1:10

Te'cotoya juca minba'ʌj tey, maŋba'ʌsmij nyajamwʌtzʌctamu tu'mʌquiu'yis wyi'naŋdʌjqui jutztʌj ñe'cʌ's ni'undza'mʌpya y nisujtzʌpya. Y ja'n chocopyaque yʌ'šejta'mbʌ tiyʌpit, sino ja'n pyʌjcʌchowe te' cʌtʌquiajpapʌ atzita'm, y 'yotoŋwinducpa te' sunbapʌ's pyʌjcʌchoŋyaju, y myacpujtyaju tu'mʌquiu'yojmoc.

3 Juan 1:3

Wiyuŋšej jene nʌ'omu'ʌs miñaju'c te' atzita'm y tzamjayaju'ʌj que tumʌtzocoy mis nwʌ'aŋjamba te' wiyuŋbʌ tiyʌ. Y nʌwa'mis nʌtu'ŋaju wiyuŋšejpʌ wʌ'aŋja'moquiuy.