3 Juan 1:2 - Zoque Copainalá New Testament

² Tʌwʌy, sunba'ʌsmij. Y nwa'cpa'ʌs Dioscʌsi wa'mij ñe'cʌ's ñicomasa'nʌyu mumutiyʌcʌsi jujcha' mis ndzocoy ñicomasa'nʌyjawya'a, y wa'y itjojcʌtʌjcu mis sa'sa'ajcuy.

3 Juan 1:2 ပူးပေါင်းရင်းမြစ်များ

San Mateo 9:12

Y myatoŋu'ca Jesujsis, ñʌjayaju: Ca'eta'mbʌ'ste' šuñajpa tzo'yʌ'opyawʌ, y ja'nde' te' cosa'sata'mbʌ's.

Filipenses 2:27

Wiyuŋšej ca'epa'tupʌte' inʌc y hasta ca'pa inʌc. Pero Diojsis tyo'ya'ŋʌyu y to'ya'ŋʌquie'tu ʌj, y yajtzojcu u'yʌj nduyu'yoyjojcʌtʌjcu.

Filipenses 2:4

Y pyʌjque'tpa wa'mis winac ŋguipsjaytyamu te' atzi'sta'm 'yoye'ajcuy, y pijche'c wa'mis ŋguipstamu ne' oye'ajcuy.

2 Tesalonicenses 1:3

Atzita'm, jujche'ŋ nacatʌs oto'ŋʌpya Dios, jene oye wa'ytyʌs nʌjayu yʌscotoya mijcotoyata'm, pyʌcpašej, porque nʌ pyʌmipʌjcu mista'm nwʌ'aŋja'moquiuy, y tumduma'ŋbʌ'nis mi'ojmota'm más mij nʌ ñašunʌtʌjtamu.

2 Tesalonicenses 2:13

Atzita'm, tʌ Ngomi's šundambamij, y oye wa'ytyʌs nʌmjojcʌtʌcjaytyamu Dios yʌscotoya mijcotoyata'm. Porque Diojsismij ŋguiopiŋdamu tzo'tzcu'yojmo wa'mij nyajcotzoctamu. Y nyajcotzoctamumij porque nwʌ'aŋjamdamumis te' wiyuŋbʌ tiyʌ, y yajmasa'najtamumij te' Espíritu Santopit.

Santiago 5:12

Te'cotoya atzita'm, uy tzambʌctame yajtiyʌ ni tzajpis ñʌquiʌsi ni najsis ñʌquiʌsi ni eyapʌ tiyʌ's ñʌquiʌsi. Juca ñʌmdambamij que jʌ'ʌ, jʌ'ʌte', y juca ja'ne, ja'nete', wa'mij jana jyajcʌyjatʌjtamu cowa.

1 Pedro 4:8

Y nimeque'ctij tumʌtzocoy našunʌtʌjtamʌ ne'co'mo y te'šejmis maŋba matzcomʌ'ndamu aŋba'tepʌ cowa.

2 Pedro 3:18

Tzʌcme'tzjojcʌtʌctamʌ wa'mis ispʌctamu oye'c te' yajcotzojcopyapʌ Ngomi Jesucristo, y tzʌcme'tztamʌ wa'y 'ya'ŋʌyu mista'm ndzoco'yojmo te' ñe' yajya'moquiuy. Mʌja'ŋgotzamda'mitʌy yʌtij tʌ Ngomi Jesucristo hasta que nu'cpa te' aŋsʌŋ ja'na yajujche'c yayepʌ. Amén.

3 Juan 1:1

Ʌjte' te' anciano-cowi'na. Nʌ'ʌsmij njayjayu mij atzi Gayo. Wiyuŋšej sunba'ʌsmij, atzi, porque nʌtu'ŋajpamis wiyuŋbʌ aŋma'yoquiuy.

El Apocalipsis 2:9

y que muspa'ʌs tiyʌta'm mis ndzʌctamba. Y musque'tpa'ʌs jutzmij nyacsnutzʌquiajpa y te'wʌcotoya mijte' mbyobre'ajtamba. Pero mij, ricota'm mij porque ispʌctambamis Dios. Y muspa'ʌs jutzmij 'yotowewʌ'ajayajpa te' nʌmyajpapʌ's que judio-pʌnda'mde', y ja'nde' pitta'm, sino que tu'mʌyajpa wa'y chʌcjayaju Satanajsis šu'noquiuy.