3 Juan 1:11 - Zoque Copainalá New Testament

¹¹ Tʌwʌy, uy tzʌqui chʌquiajpašej yatzita'mbʌ's, sino que tzʌcʌ oyeta'mbʌ pʌ'nis chʌquiajpašej. Te' chʌcpapʌ's oyeta'mbʌ tiyʌ Diojsiste'ñe', pero te' chʌcpapʌ's yatzita'mbʌ tiyʌ ja'n ispʌqui Dios.

3 Juan 1:11 ပူးပေါင်းရင်းမြစ်များ

San Juan 10:27

Ʌsne' ñchowambe'sta'm, sunba'ʌjte' nʌmu ʌsne' mbʌ'nista'm, ñʌctʌ'yjayajpa ʌs nwejcʌ', y ʌs ispʌquiajpa'ʌs, y co'ŋyajpa'ʌj.

San Juan 12:26

Juca iwʌ's sunba chʌcjayu ʌs nyoscuy, yajco'ŋa'ʌj. Y maŋbamʌ'yʌj ijtu ʌj teymʌ maŋba itque'tu yosjapyapʌ'sʌj. Juca iwʌ'sʌj sunba yosjayu, te'wʌ maŋba wyi'naŋgojtu ʌs Ndata's.

San Juan 3:20

Porque iwʌ's chʌcpa ja'n 'yoyeta'mbʌ tiyʌ, ja'n šuni te' sʌ'ŋgʌ' ni ja'n quia'ŋdʌjcʌy sʌ'ŋgʌ'ojmo uy quiʌme'tzjayu chʌqui sʌ'ŋgʌ's.

1 Corintios 11:1

Quengʌspʌctamʌ ʌjcʌsi y tzʌctaŋgue'ta jujcha' ʌs ŋguengʌspʌjcu Cristocʌsi.

1 Corintios 4:16

Te'cotoya nwa'cjaytyamba'ʌsmij wa'mis ndzʌctamu ndzʌcpaše'ʌs.

Efesios 5:1

Mijta'm, como Diojsismijyʌ' 'yuneta'm, jene šundambapʌmij. Te'cotoya quengʌspʌctamʌ ñe'cʌcʌsi.

Filipenses 3:17

Atzita'm, quengʌspʌctamʌ ʌjcʌsi wa'mij oye ñdyu'ŋajtamu. Y coquendaŋgue'ta cuenta jutz tu'ŋajyajpa te' quiengʌspʌquiajupʌ's tʌjcʌsi.

1 Tesalonicenses 1:6

Y mista'm ŋguengʌspʌctamumis tʌjcʌsi y Jesucristocʌsi. Y Espíritu Santopit oma'omamis mbʌjcʌchoŋjaytyamu Diojsis chame ñempemij nyacsnutzʌcʌtʌjtamu.

1 Tesalonicenses 2:14

Atzita'm, jujcha' judio'sta'm yacsnutzʌquiaju Judea-najsojmo ijtyajupʌ Diojsis tyu'mʌquiuytya'm, te'šejmij nʌ nyacsnutzʌcʌtʌjtaŋgue'tu mijta'm mis ŋgumguy-tyʌwʌ'sta'm.

2 Timoteo 3:10

Pero mis nʌctʌ'yjawya'mis ʌs aŋma'yoquiuy, ŋgue'naŋgʌschi'ʌyuše'ʌsmij, jutzʌj tiju ijtu, jutzʌj wʌ'aŋja'moyu, jutzʌs nʌmaŋu paciencia, jutzʌj su'noyu y jutzʌs mumutiyʌ mbʌ'mgopajcʌyu.

Hebreos 6:12

Ja'ndʌs suni wa'mis ndzi'tamu lugar nwin wa'mij njyaragandʌŋdamu. Sunbatʌs wa'mis ŋguengʌspʌctamu paciencia'ʌyajupʌ wʌ'aŋja'moyecʌsi, porque te'šejta'mbʌ pʌ'nis pyʌjcʌchoŋyajpa Diojsis chamdzi'oquia'upʌ tiyʌ.

1 Pedro 3:11

Yajca'ŋdzaquia yacha'cuy, y yajtzʌquia oyepʌ tiyʌ. Yajtzʌcme'tza wa'y sʌ'mnayu'c ijtyaju mumu jama.

1 Pedro 3:13

Ja'nmij tiyʌ musi ñchʌcjaytyamu ya'iwʌ's juca tumʌtzocoy mis ŋgo'ŋjojcʌtʌctamba oyepʌ tiyʌ.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 3:10

Jujche'ŋ ja'n chʌquiapyʌ's justopʌ tiyʌ y ja'n šuñay 'yatzi, ŋgue'nʌpyatʌ que ja'nde' Diojsista'm 'yune, sino que Satanajsista'mde' 'yune.

1 Juan 4:1

Tʌwʌy, sundamba'ʌsmij. Uy wʌ'aŋjamdame ñempe'iwʌ pʌn nʌmbapʌ que Diojsis 'Yespiritupit aŋma'yopya. Tzʌjquistamʌ winac juca Diojsiste' 'Yespiritupit aŋma'yopya. Porque sone nʌ wyijtyaju sujchajpapʌ tza'maŋwa'oye yʌ' najsacopajcʌsi.